KALAPPASSANG 37:25 - KITTA' MATANGKASA'

²⁵ Appareki Bezaleel se're tampa' pattunuang dupa battu ri kayu akasia. Anjo pattunuang dupaya appasagi pare'na; la'buna siagang sangkara'na massing-massing 45 sentimetere' na tinggina 90 sentimetere'. Ri appa' panyingkulu' bageang ratena nipareki tanru', ia assiallea siagang anjo pattunuang dupaya.

KALAPPASSANG 37:25 ပူးပေါင်းရင်းမြစ်များ

2 PATTOTTORANG 26:16

Ri wattunna kassa'mo Uzia, a'jari tampomi, siagang iami anjo a'jari saba' naancuru'. Nadakkai parentaNa Karaeng Allata'alana lanri antamaki ri Balla'Na Batara untu' attunu dupa irate ri tampa' pakkoro'bangngang dupaya.

KALAPPASSANG 31:8

iamintu mejanga siagang pakkakasa'na, bangkeng lampu nipareka battu ri bulaeng ti'no' siagang pakkakasa'na tampa' pattunuang dupaya,

KALAPPASSANG 35:15

tampa' pattunuang dupa siagang kayu pa'bule'na, minynya' upacara, dupa mabauka; gordeng untu' pakke'bu' Kema,

KALAPPASSANG 37:24

Nia' 35 kilo battala'na bulaeng ti'no' niparalluang untu' ampareki anjo bangkeng lampua siagang sikamma pakkakasa'na.

KALAPPASSANG 37:26

Bageang ratena, anjo appaka sa'ri siagang tanru'-tanru'na nilapisi siagang bulaeng ti'no', nampa ri tammulilina nipareki les bulaeng.

KALAPPASSANG 40:5

Boliki tampa' pattunuang dupa bulaenga ri dallekanna Patti Parjanjianga, siagang gentungi gordeng ri pakke'bu' Kemaya.

MATIUS 23:19

Teai sipato' butanu ngaseng! Kereanga paralluangang? Koro'banga, yareka tampa' koro'banga ampa'jariai matangkasa' anjo koro'banga?

IBRANI 13:10

Ikatte nia' tampa' pakkorobangnganta untu' assare koro'bang mae ri Allata'ala. Na anjo imang-imang allayania lalang ri KemaNa Batara, tena ha'na angkanrei anjo koro'bang niaka irate ri anjo tampa' koro'banga.

IBRANI 7:25

Lanri kammanami anjo nakkulle Isa sa'genna satunggu-tungguna ampasalamaki sikontu tau battua mae ri Allata'ala tete ri KalenNa; nasaba' attallasaki satunggu-tungguna sollanna akkulle Napappala'-palakkang sikamma anjo taua mae ri Allata'ala.

IBRANI 9:4

Lalang ri anjo kamaraka, nia' pattunuang dupa bulaenga nipare', siagang nia' todong Patti Passijanjiang nilapisika bulaeng. Lalang ri anjo Pattia nia' uring bulaeng pammoneang roti, takkanna Harun accu'lakamo, siagang ruang lawara' batu pannulisang niaka tattulisi' irateanganna sampuloa paratorang Napassuroanga Allata'ala.

1 PETRUS 2:5

Ikau sanrapang ngasengko batu-batu mattallasaka. Lanri kammana paralluko ampassareangi kalennu untu' nipake ambangung Balla' rohaniNa Allata'ala. Lalang kammana anjo a'jari mako imang-imang mae ri Allata'ala lalang ri katallassannu; siagang tete ri Isa Almasi angngerang mako koro'bang rohani mae ri Allata'ala, iamintu koro'bang nitarima bajika ri atinNa Allata'ala.