KALAPPASSANG 36:1 - KITTA' MATANGKASA'

¹ Bezaleel, Aholiab, siagang sikontu pajama-jama alusuka anggappai kacara'dekang siagang kaporeang battu ri Batara; naassengi ke'nanga antekamma batena nigaukang anjo jama-jamang niparalluanga ampareki KemaNa Batara. Sikontu anjo apa napareka ke'nanga musti situruki siagang apa le'baka Naparentakang Batara.”

KALAPPASSANG 36:1 ပူးပေါင်းရင်းမြစ်များ

1 PATTOTTORANG 2:20

Ana' bura'nena Hur niarengi Uri na cucunna niarengi Bezaleel.

1 PATTOTTORANG 28:21

Le'ba'mi nibage tugasaka lalang ri Balla'Na Batara mae ri sikamma imanga siagang tu Lewia. Sikamma pajama-jama cara'deka massing ri jama-jamanna iami lambantuko situlusu' pa'mai'na, kammayatompa sikamma pamimpinga siagang sikontu ra'yaka lanaturuki parentanu.”

PAMMUJI 119:6

Punna kuparhatikang sikontu parentaTa, tenamo kulanipakasiri'.

KALAPPASSANG 12:28

Nampa a'lampa ke'nanga siagang nagaukang anjo apa Naparentakanga Batara mae ri Musa siagang Harun.

KALAPPASSANG 25:8

Suroi anjo bansaya appare' se're kema untu' iNakke, sollangKu akkulle ammantang ri tangnga-tangngana ke'nanga.

KALAPPASSANG 28:3

Kioki sikontu tukang manjaika ia le'baka Kusare kacara'dekang. Suroi ke'nanga ampareki pakeanna Harun sollanna akkulle nisa'la' untu' allayaniA' salaku imang.

KALAPPASSANG 31:11

minynya' upacara, siagang kamanynyang mabau' untu' Kamara' Matangkasaka. Yangasenna anjo musti napareki ke'nanga situru' apa Kupauangako.”

KALAPPASSANG 36:2

Nakio'mi Musa anjo Bezaleel, Aholiab siagang sikontu tau anggappaya kacara'dekang battu ri Batara siagang eroka ambantu, nampa nasuro ke'nanga ampakaramulai anjo jamanga.

KALAPPASSANG 38:23

Pambantuna, iamintu Aholiab ana'na Ahisamakh battu ri suku Dan, iami tau cara'de' angngukiri', anrancang siagang attannung kaeng lenang alusu', kammayatompa kaeng wol gau', lame butung siagang ejaya tanja'na.

KALAPPASSANG 39:1

Bezaleel siagang Aholiab appareki pakeang ibada battu ri kaeng wol gau', lame butung siagang eja, untu' sikamma imanga ri wattunna nagaukang tugasa'na ke'nanga ri Kamara' Matangkasaka. Pakeanna Imang Harun nipareki situru' apa le'baka Naparentakang Batara mae ri Musa.

PAMMILANGNGANG 7:9

Mingka tu Kehat tena nannarima karoba yareka sapi battu ri Musa, nasaba' anjo barang-barang matangkasa' lanaeranga ke'nanga musti nasompoi irate ri salangganna ke'nanga.

MATIUS 28:20

Ajaraki ke'nanga anggaukangi sikontu le'baka Kupassuroang ri kau ngaseng. Na u'rangimi angkanaya laniakKa' anrurungangko sa'genna kala'busang jammanga.”

LUKAS 1:6

Ningai ri Allata'ala katallassang pakkalabinianna ke'nanga. Nasaba' tutui ke'nanga anturuki ero'Na Allata'ala siagang sikamma atorang Napassareanga Allata'ala.

IBRANI 8:2

Ia anggaukangi jama-jamang Imang Lompoa ri Kamara' Kaminang Matangkasaka, iamintu ilalang KemaNa Batara sitojennaya, Napaentenga Batara, jari teai rupataua ampaentengi.