KALAPPASSANG 34:31 - KITTA' MATANGKASA'

³¹ Mingka nakio'mi Musa ke'nanga. Jari battumi Harun siagang sikamma pamimpinna ke'nanga anreppesi, nampa a'bicaramo Musa mae ri ke'nanga.

KALAPPASSANG 34:31 ပူးပေါင်းရင်းမြစ်များ

PA'JARIANG 45:15

Nampa lalang angngarru'na ija Yusuf, naraka' ngasemmi sikamma sari'battanna nampa nabau ke'nanga. Le'baki anjo accaritami siagang ke'nanga.

PA'JARIANG 45:3

Nakanamo Yusuf ri anjo sikamma sari'battanna, “Inakke minne Yusuf. Attallasa' iji bapa'?” Nacini'na anjo kammaya, malla' sikalimi anjo sikamma sari'battanna, sa'genna takkullea appiali.

KALAPPASSANG 16:22

Ri makaannanna alloa napasse'remi ke'nanga anjo kanrea a'lappi rua jaina, iamintu patang litere' untu' sitau. Sikontu pamimpinna ke'nanga battumi ampaui anjo passalaka mae ri Musa.

KALAPPASSANG 3:15

Kabarrang tongi angkanaya iNakke, Batara, Allata'alana boe-boena ke'nanga, Allata'alana Abraham, Ishak siagang Yakub, ansuroko mae ri ke'nanga. INakke Batara, iaminjo arengKu sa'genna satunggu-tungguna. Iaminjo nisa'bukanga' ri sikontu bansaya sa'genna sikontu bija-bijanna.

KALAPPASSANG 34:30

Harun siagang sikontu ra'yaka naciniki angkanaya accayai rupanna Musa, siagang malla'mi ke'nanga anreppesi Musa.

KALAPPASSANG 34:32

Le'baki anjo a'rappungang ngasemmi sikontu ra'ya' Israel angkulilingi, nampa napabattumo Musa mae ri ke'nanga sikontu hukkung Napassareanga Batara mae ri ia irate ri Moncong Sinai.