KALAPPASSANG 34:20 - KITTA' MATANGKASA'

²⁰ mingka ana' keledai bungasa' lassuka musti nupasuluki siagang sikayu ana' gimbala' nupassareang a'jari sambenna. Punna taerokako ampasuluki, musti nutepoki kallonna anjo keledaia. Sikamma ana' bura'ne bungasaka musti nupasuluki. Tena manna sitau akkulle battu mae ri Nakke punna tena nangngerang passare.

KALAPPASSANG 34:20 ပူးပေါင်းရင်းမြစ်များ

2 SAMUEL 24:24

Mingka appiali karaenga angkana, “Teako! Eroki kuballi. Tea' assare passare mae ri Karaeng Allata'alaku battu ri apa kualle bawang-bawanga.” Nampa naballimo Daud anjo tampa' panggiling gandunga siagang sapi-sapia. Ballinna iamintu limampulo doe' pera'.

KALAPPASSANG 13:10

Pakalompoi anjo passua'-suarranga tunggala' taung, situru' ri wattu le'bakamo nipattantu.”

KALAPPASSANG 13:12

musti nupassareangi sikamma ana' bura'ne bungasa'nu siagang sikamma olo'-olo' piara lakia ia bungasa' lassuka. Yangasenna anjo Batara pata,

KALAPPASSANG 13:13

mingka sikamma keledai laki bungasa' lassuka musti nupasuluki battu ri Batara siagang sikayu ana' gimbala' nukoro'bangkang a'jari sambenna. Punna taerokako ampasuluki anjo keledaia, musti nutepoki kallonna. Sikamma ana'nu bura'nea ia uru lassuka musti nipasuluki.

KALAPPASSANG 13:15

Ri wattunna kapala batu Karaeng Mesir siagang taerokai allappassangki' a'lampa, Nabunomi Batara sikontu ana'-ana' bura'ne bungasa' lassuka ri Mesir, baji' ana' rupataua kammayatompa ana' olo'-oloka. Iaminjo saba'na nanikoro'bangkang mae ri Batara sikontu olo'-olo' piara lakia ia bungasaka lassu', mingka nipasuluki ana'-ana' bura'neta ia bungasaka lassu'.’

KALAPPASSANG 22:29

Ri allo le'baka nipattantu, angngerangko passare mae ri Nakke, iamintu bageang battua ri wassele' gandunnu, je'ne' anggoro'nu siagang minynya' zaitunnu. Passareangi mae ri Nakke ana' bura'ne bungasa'nu,

KALAPPASSANG 23:15

Lalang bulang Abib, ri wattu le'baka nipattantu, musti nupakalompoi Passua'-suarrang Roti Tenaya Nammake Pa'gambang, situru' cara le'baka Kuparentakang mae ri kau, nasaba' lalannami anjo bulang Abib nanubokoi butta Mesir. Teako angnganrei roti ammake pa'gambang lalang anjo tujua allo passua'-suarrang. Punna battuko anggaukangi ibadanu mae ri Nakke, musti angngerangko passare.

PAMMILANGNGANG 18:15

Sikontu bungasa' lassuka battu ri rupataua kammayatompa olo'-olo' napassareanga tu Israel mae ri Nakke, iami bageannu. Mingka musti nupasuluki sikamma ana' bungasa'nu, kammayatompa olo'-olo' harang bungasa' lassuka.

PAOLE 16:16

Sikontu tu bura'ne Israelka musti battui anynyomba ri Karaeng Allata'alanu ri anjo tampa' ibadaya pintallung lalanna sitaung, iamintu ri Allo Lompo Paskaya, ri Allo Lompo Pakkattoanga siagang ri Allo Lompo Pa'ballakang Leko'-leko' Kayua. Tunggala' taua musti angngerangi passare,