KALAPPASSANG 34:10 - KITTA' MATANGKASA'

¹⁰ Nakana Batara ri Musa, “Kamma-kamma anne apparekKa' parjanjiang siagang bansa Israel. LapparekKa' gau' appakalannasa' ri dallekang matanna ke'nanga, ia tenayapa nale'ba' nigaukang ri alla'na bansaya ri lino. Sikontu bansaya lanacini' ngasengi sikamma anjo gau' appakalannasa' Kugaukanga, lanri iNakke, Batara, lappa'jariA' se'reang gau' malompo untu' ikau ngaseng.

KALAPPASSANG 34:10 ပူးပေါင်းရင်းမြစ်များ

2 SAMUEL 7:23

Ri sikontu linoa tena nia' bansa sangkamma Israel. Tena ruanna bansa Israel le'ba' Kilappassang battu ri tunipare' ataya untu' Kipa'jari umma' kalenTa. Sikontu gau' malompoa siagang appakalannasaka Kigaukanga mae ri ke'nanga, ampa'jari masahoroki arenTa ri sikontu linoa. Bansa-bansa maraenga siagang rewata-rewatana le'ba'mi Kibongka ri wattunna maju ummatTa a'bundu'.

PAMMUJI 106:22

Tamaka lompona apa-apa le'baka Nagaukang ri anjo pa'rasanganga, appakalannasaki tindakanna ri Tamparang Alara'.

PAMMUJI 136:4

Iaji bawang akkulle anggaukangi gau'-gau' appakalannasa' lompoa; pangngamaseanNa sa'genna satunggu-tungguna.

PAMMUJI 145:6

Nakabarrangi ke'nanga sikamma panggaukang hebatTa, lakupappiassengangi kalompoanTa.

PAMMUJI 147:20

Tena Nagaukangi kammaya mae ri bansa-bansa maraenga, tena naassengi ke'nanga hukkung-hukkunNa. Pujimi Batara!

PAMMUJI 65:5

Mate'nei tau Kipilea, siagang tau Kikioka untu' ammantang ri BallatTa. Lanipassukkuki ikambe ri sikamma apa baji' ri BallatTa, ri pammantangngang matangkasatTa.

PAMMUJI 66:3

Angkana mako ri Allata'ala, “Tojeng, appakalannasaki panggaukanTa! Tunduki musua mae ri Katte napakamma malla', saba' teai sipato' lompona koasaTa.

PAMMUJI 66:5

Battu mako siagang cinikimi panggaukanNa Allata'ala, tamaka appakalannasa'na sikamma bate pare'Na ri alla'na rupataua!

PAMMUJI 68:35

Akuimi koasaNa Allata'ala makkanaya nakamma ri Israel, koasaNa sa'genna langi'.

PAMMUJI 72:18

Nipujimi Batara, Allata'alana Israel! Iaji bawang akkulle anggaukangi apa-apa appakalannasaka.

PAMMUJI 76:12

Rupaimi janjinnu mae ri Karaeng Allata'alanu. Sikamma bansa a'reppeseka ammantang siratangi angngerang passare mae ri Allata'ala nikamallakkanga.

PAMMUJI 77:14

O, Allata'ala, sikontu panggaukanTa matangkasaki, inaika sallompona Allata'alana ikambe?

PAMMUJI 78:12

Ri dallekanna boe-boena ke'nanga, a'gau' appakalannasaki Allata'ala ri pa'rasangang Mesir, ri lappara' Zoan.

KALAPPASSANG 34:27

Nakana pole Batara ri Musa, “Tulisi' ngasengi sikamma anjo kana-kanaya, lanri iaminjo kana-kanaya a'jari dasara' naKuappare' parjanjiang siagang ikau kammayatompa siagang bansa Israel.”

KALAPPASSANG 34:28

Patampulo allo patampulo bangngi ammantang Musa anjoreng siagang Batara; na lalanna anjo wattua tena nangnganre siagang tena nangnginung. Anjo kana-kana parjanjianga, iamintu Sampulo ParentaNa Allata'ala, nitulisiki ri anjo batua.

YESAYA 64:3

Le'baki Kigaukang gau' malompoa, tenaya nasanna-sannai ikambe. NaungKi', nampa ta'goccang sikamma monconga ri dallekanTa.

YEREMIA 32:21

Lanri koasa siagang kagassingang lompoTa Kierangi umma' Israel assulu' battu ri Mesir. Kigaukangi gau'-gau' appakalannasaka siagang gau'-gau' malompoa appakagegereka ri musu-musua.

MIKHA 7:15

Appa'nia' maKi' gau' malompo untu' ikambe, o Batara, sangkamma le'baka Kigaukang riolo ri wattunna Kierang ikambe assulu' battu ri Mesir.

PAOLE 10:21

Mammujiko mae ri Ia, nasaba' Iami Allata'alanu. Mata kalennumi le'ba' anciniki sikamma gau' malompo siagang gau' heba' Nagaukanga untu' ikau ngaseng.

PAOLE 32:30

Kemae lakkulle sitau langngondang tau sisa'bu, siagang rua tau langngondang sampulo sa'bu tau? Batara, Allata'alana ke'nanga, le'ba' ambalukangi ke'nanga, nibokoimi ke'nanga ri Allata'ala malompoa.

PAOLE 4:13

Anjoreng Napaumi mae ri kau apa mustia nugaukang untu' anrupai parjanjiang Napareka siagang ikau ngaseng. Anjo Sampuloa Parenta le'baka Natulisi' ri ruaya batu tulisi' musti nugaukangi.

PAOLE 9:19

Inakke mallakka' ri larroNa Batara a'rinra-rinraya mae ri kau ngaseng sa'genna ero'mi angngancuru' ngasengko; mingka anjo wattua Napilangngeri ija' Batara.

YOSUA 6:20

Nampa natui'mo sikamma imanga tarompe'na. Na kamma nalangngere'na tu Israel anjo sa'ra tarompeka, akkio' lompo-lompomi ke'nanga, sa'genna runtummo tembo' kalli' kotana Yerikho. Tulusu'mi nai' sikontu tantara Israel, nampa antama' siagang naempoi anjo kotaya.