KALAPPASSANG 33:3 - KITTA' MATANGKASA'

³ Lamangeko ri butta kalumanynyanga siagang copponga. Mingka iNakke KalengKu tena Kula'lampa siagang ikau ngaseng, sollanna tena naKuancurukko ri tangngana aganga, lanri ikau bansa kapala batu ngasengko.”

KALAPPASSANG 33:3 ပူးပေါင်းရင်းမြစ်များ

2 KARAENG-KARAENG 17:14

Mingka taerokai tu Israel siagang tu Yehuda mappilangngeri. Kapala batui ke'nanga sangkamma boe-boena ke'nanga tenaya natappa' mae ri Batara, Allata'alana ke'nanga.

PAMMUJI 78:8

sollanna tena sangkamma ke'nanga boe-boena nangaia angngewa siagang doraka; ana'-ana' ta'lengga-lenggaya tappa'na, siagang tenaya namajarre' mae ri Allata'ala.

KALAPPASSANG 13:5

A'janjimi siagang assumpami Batara mae ri boe-boenu untu' laNapassareang mae ri kau pa'rasanganna bansa Kanaan, Het, Amori, Hewi, siagang Yebus. Punna Naerang mako Batara mange anjoreng ri anjo pa'rasangang akkalumanynyanga siagang copponga, tunggala' taung lalang bulang Abib, musti nugaukangi anne pa'gaukang kammaya.

KALAPPASSANG 23:21

Parhatikangi siagang musti mannurukiko ri ia. Teako angngewai ri ia, lanri ia suroKu, siagang tena nalanapammopporang kasalannu.

KALAPPASSANG 3:17

Siagang le'ba'mi Kupattantu untu' angngerangi ke'nanga assulu' battu ri Mesir, tampa'na nijallakkang ke'nanga, siagang Kuantaraki ke'nanga mange ri se'reang pa'rasangang kalumanynyang siagang copponga buttana, iamintu pa'rasangang Kanaan, bansa Het, Amori, Feris, Hewi, siagang Yebus.

KALAPPASSANG 3:8

Lanri kammana anjo, erokKa' naung untu' allappassangi ke'nanga battu ri limanna tu Mesirka, nampa Kuerang ke'nanga assulu' battu ri anjo pa'rasanganga naKuerang mange ri pa'rasangang luaraka. Buttana coppongi siagang akkalumanynyangi. Kamma-kamma anne anjo pa'rasanganga napammantangi bansa Kanaan, bansa Het, Amori, Feris, Hewi siagang Yebus.

KALAPPASSANG 32:14

Jari Napinrami Batara pattujunNa siagang ta'jariami Nagaukang anjo bala laNapabattua mae ri anjo bansaya.

KALAPPASSANG 34:9

Nakana, “O Batara, punna ma'nassa nia' tojeng pangngellainTa mae ri nakke, kupalaki, poro amminawang laloKi' siagang ikambe. Anne bansaya memang kapala batui, mingka Kipammopporang laloi kaja'dallanna siagang dosana ikambe, siagang poro Kitarima laloi ikambe salaku umma' kalenTa.”

YESAYA 48:4

Kuassengi angkanaya ikau sanna' terasa'na pa'mai'nu, terasaki ulunnu siagang kapala batuko.

YEREMIA 11:5

Punna nagaukang ngaseng ke'nanga anjo sikammaya, laKurupai janjingKu mae ri boe-boena ke'nanga angkanaya pa'rasangang copponga siagang kalumanynyanga, ia napammantangngia ke'nanga kamma-kamma anne, laKupassareangi mae ri ke'nanga.” Appialima' angkana, “Baji'mi, Batara.”

YEHEZKIEL 20:6

Anjo wattua assumpA' angkana laKuerangi ke'nanga assulu' battu ri Mesir mange ri pa'rasangang Kupilea untu' ke'nanga. Anjo pa'rasanganga kalumanynyangi siagang coppongi, butta kaminang bajika ri sikontu linoa.

KAIMANGNGANG 20:24

Pa'rasangang akkalumanynyanga siagang copponga buttana anjo, le'ba'mi Kupa'janjiang mae ri kau, jari Kupassareangi mae ri kau untu' nupatang. INakke Karaeng Allata'alanu le'baka ansa'lakko battu ri alla'na bansa-bansa maraenga.

YUNUS 3:10

Nacini'mi Allata'ala panggaukanna ke'nanga; Naciniki angkanaya nabokoimi ke'nanga panggaukang ja'dala'na. Jari Napinrami kaputusanNa, siagang tanjariami Nahukkung ke'nanga.

YUNUS 3:4

Antama'mi Yunus ri anjo kotaya, na le'baki a'jappa siallo bujuru', appakkaramulami akkato'ba nakana, “Patampulo allopi, nalaancuru' Niniwe!”

PAMMILANGNGANG 13:27

Nakana ke'nanga mae ri Musa, “Le'ba'mi nasalidiki ikambe anjo pa'rasanganga; anjo pa'rasanganga kalumanynyangi siagang coppongi buttana nacini' ikambe. Iaminne sike'de' rappo-rappoang niaka anjoreng.

PAMMILANGNGANG 14:12

LaKuancuruki ke'nanga; lappabattuA' garring a'lette'-letteka ri tangnga-tangngana ke'nanga. Mingka ikau laKupa'jariko mangge ri se'rea bansa lompoanganga siagang kassakanganga na anjo ke'nanga!”

PAMMILANGNGANG 14:8

Punna Naerokangi Batara, laNaerangki' mange anjoreng nampa Napassareang anjo pa'rasangang kalumanynyanga siagang copponga mae ri katte.

PAMMILANGNGANG 16:13

Maka tagannakkapi nueranna ikambe assulu' battu ri butta Mesir copponga untu' ambunoi ikambe anrinni ri parang lompoa? Apaka musti ammarenta tongko mae ri kambe?

PAMMILANGNGANG 16:21

“Ammono'bokoko battu ri sikamma anjo taua; laKupossoki ke'nanga kamma-kamma memang anne.”

PAMMILANGNGANG 16:45

“Ammono'bokoko battu ri sikamma anjo taua. LaKupanraki anjo ke'nanga ri anjo memang tampaka!” Su'ju'mi ke'nanga sipa'rua anynyomba,

LAMPA-LAMPANA 7:51

Teai sipato' kapala batunu ngaseng, siagang teai sipato' sukkara'nu mannuruki ri Allata'ala! Teai sipato' tongolo'na tolinnu mae ri kana-kananNa Allata'ala! Sangkamma le'ba' ngasengko siagang boe-boenu; tuli erokko angngewa ri RohNa Allata'ala!

PAOLE 4:24

nasaba' Karaeng Allata'alanu rapangi pepe' appakamutunga. Taerokai nipasangkamma siagang apa-apa maraenganga.

1 SAMUEL 2:30

INakke, Karaeng Allata'alana Israel, riolo le'ba'Ma' a'janji angkanaya kaluarganu siagang turungannu la'jari palayang mae ri Nakke, salaku imang sa'genna satunggu-tungguna. Mingka kamma-kamma anne tenamo naKuero' ri anjo kammaya! Nasaba' inai-nai ampakala'biriKa' iami laKupakala'biri', na inai-nai anghina' iami laKuhina.