KALAPPASSANG 33:12 - KITTA' MATANGKASA'

¹² Ri se'reang allo nakana Musa mae ri Batara, “O, Batara, Kiparentakanga' anrurungangi anne bansaya mange ri pa'rasangang Kipa'janjianga. Mingka taKipauai angkana inai laKisuro untu' antulunga'. Kikana Kiassenga', Batara, siagang mangngellaiKi' ri nakke.

KALAPPASSANG 33:12 ပူးပေါင်းရင်းမြစ်များ

PA'JARIANG 18:19

Ia le'ba'mi Kupile sollanna naparentakang mae ri sikamma ana'-ana'na siagang turunganna untu' amminawang turu' ri Nakke kammayatompa nagaukang panggaukang bajika siagang adeleka. Punna nagaukangi ke'nanga anjo passalaka, sikontu janjingKu mae ri Abraham laKurupai ngasengi.”

2 SAMUEL 15:25

Nampa nakanamo karaenga ri Zadok, “Poterangi anjo Patti Parjanjianga mae ri kotaya. Punna Nangaia' Batara, tantu Nasarea' pangngellai ammotere' siagang anciniki pole anjo Patti Parjanjianga siagang tampa' pammantanganNa.

PAMMUJI 1:6

Saba' tu mannurukia niului siagang nijagai ri Batara, mingka tu ja'dalaka mangngolo mange ri possoka.

KALAPPASSANG 3:10

Kamma-kamma anne Kusuroko untu' mange andallekang ri Karaeng Mesir sollanna akkulle nupimping bansaKu assulu' battu ri anjo pa'rasanganga.”

KALAPPASSANG 3:4

Naciniki Batara a'reppese' Musa ri anjo tampaka. Jari ammarrammi battu lalang ri tangnga-tangngana anjo rompoka angkana, “Musa, Musa!” Appialimi Musa angkana, “Niaka' anrinni, Batara!”

KALAPPASSANG 32:34

Kamma-kamma anne a'lampamako, nampa nuerang anjo ke'nanga mange ri tampa' le'baka Kupau mae ri kau. MalaekakKu lanrurungangko, mingka nia' se're wattu sallang na narapi' wattunna laKuhukkung ke'nanga lanri dosa-dosana ke'nanga.”

KALAPPASSANG 33:1

Nampa Nakana Batara ri Musa, “Bokoimi anne tampaka nampa a'lampako siagang anjo bansa nueranga battu ri Mesir mange ri pa'rasangang Kupa'janjianga ri Abraham, Ishak siagang Yakub kammayatompa jari-jarina ke'nanga.

KALAPPASSANG 33:17

Nakanamo Batara ri Musa, “LaKuturukiangko pappala'nu, lanri Kuassengko siagang lanri nia'na pangngellaingKu mae ri kau.”

KALAPPASSANG 33:2

Nia' sitau malaeka' laKusuro battu anrurungang ngasengko. LaKubongkai bansa Kanaan, Amori, Het, Feris, Hewi siagang Yebus.

KALAPPASSANG 34:9

Nakana, “O Batara, punna ma'nassa nia' tojeng pangngellainTa mae ri nakke, kupalaki, poro amminawang laloKi' siagang ikambe. Anne bansaya memang kapala batui, mingka Kipammopporang laloi kaja'dallanna siagang dosana ikambe, siagang poro Kitarima laloi ikambe salaku umma' kalenTa.”

YESAYA 43:1

He, Israel, kammaminne kananNa Batara, “INakkemi ampa'jariko siagang amparekko, teako mallakki, mattantu Kupasalamakko! Le'ba' mako Kukio' situru' arennu, iNakke ampatangko.

YESAYA 45:3

Na laKusareko kakalumanynyangngang taccokko, sollanna nuasseng angkana iNakkemi Batara, Allata'alana Israel, le'baka angkiokko situru' arennu.

YEREMIA 1:5

“Ri wattu tenanapa Kupa'jariko lalang ri battanna amma'nu, siagang ri wattu tenanapa nanilassukangko, le'ba' memang mako Kupile siagang Kuangka' untu' a'jari na'bi mae ri bansa-bansaya.”

HAGAI 2:5

Ri wattunnu assulu' battu ri Mesir, le'ba'Ma' a'janji tuli lanjagaiko. Na kamma-kamma anne pole tuli Kujagainu ngaseng. Jari tena nuparallu lussa' ri pa'mai'nu.

2 TIMOTIUS 2:19

Mingka anjo pammentengang makassa' le'baka Napare' Allata'ala takkulleai nipata'ge'goso'. Irateanganna nia' tattulisi' angkanaya, “Naassengi Batara sikamma taunNa,” siagang “Inai-nai nakana kalenna taunNa Batara, musti ammarimi anggaukangi gau' salaya”.