KALAPPASSANG 33:10 - KITTA' MATANGKASA'

¹⁰ Ri wattunna nacini' tu Israel benteng rammanga ri pakke'bu' KemaNa Batara, ammentemmi nampa su'ju' ngaseng ke'nanga massing ri pakke'bu' kemana ke'nanga.

KALAPPASSANG 33:10 ပူးပေါင်းရင်းမြစ်များ

1 KARAENG-KARAENG 8:14

Le'baki appala' doang, assailemi Karaeng Salomo mae ri sikontu ra'yaka, ia niaka ammenteng anjoreng, nampa napappalakkang barakka' ke'nanga battu ri Allata'ala.

1 KARAENG-KARAENG 8:22

Le'baki anjo, ri dallekanna ra'ya' niaka hadere', ammentemmi Salomo a'dalle' mae ri tampa' pakkoro'bangnganga, nampa naangka' rua-rua limanna,

KALAPPASSANG 13:21

Punna allo niaki Batara a'jappa ri dallekanna ke'nanga lalang ri benteng rammanga; na punna bangngi a'jappai ri dallekanna ke'nanga lalang ri benteng pepeka untu' ampicinikiangi ke'nanga oloang. Lanri kammana anjo akkullei ke'nanga a'jappa allo bangngi.

KALAPPASSANG 33:11

Assidallekammi a'bicara Batara siagang Musa, rapang tau a'bicaraya siagang aganna. Le'baki anjo ammotere'mi Musa mae ri pakkemaanga. Mingka Yosua ana'na Nun, turungka pambantuna Musa, tuli ammantanna lalang ri anjo Kemaya.

KALAPPASSANG 33:9

Punna antamamo Musa, naummi benteng rammanga nampa ammenteng ri pakke'bu'na Kemaya. Battu ri iaminjo rammanga a'bicara Batara siagang Musa.

KALAPPASSANG 4:31

Jari tappa'mi ke'nanga; siagang nalangngere'namo ke'nanga angkanaya Naparhatikammi Batara bansa Israel kammayatompa Nacini'mi sikamma kasessanna ke'nanga, su'ju'mi ke'nanga anynyomba.

LUKAS 18:13

Mingka anjo pasingara' simaya bellai ammenteng siagang tena nabarani acconga nai' ri langika. Napurusu'mi barambanna na nakana, ‘O, Allata'ala, Kikamaseanga', anne inakke tau dorakaya!’ ”