KALAPPASSANG 32:7 - KITTA' MATANGKASA'

⁷ Jari Nakanamo Batara ri Musa, “Naungko linta', saba' anjo bansa nupimpinga assulu' battu ri Mesir a'gau' ja'dala'mi.

KALAPPASSANG 32:7 ပူးပေါင်းရင်းမြစ်များ

2 PATTOTTORANG 27:2

Ningai Yotam ri Batara, sangkamma todong manggena. Iaji bawang katena nattunu dupa ri Balla'Na Batara, sangkamma nagaukanga manggena. Mingka manna nakamma, tuli a'gau' dosana ra'yaka.

PAMMUJI 78:36

Mingka naballe-ballei ke'nanga Allata'ala, bicaranna ke'nanga sangnging balle-balle bawang.

KALAPPASSANG 19:24

Appialimi Batara angkana, “Naung mako, nampa ammoterekko mae anrinni siagang Harun. Mingka sikamma imanga siagang ra'yaka takkulleai nalaloi anjo pa'baeng-baenga untu' battu mae ri Nakke. Punna nalaloi ke'nanga, laKuhukkungi ke'nanga.”

KALAPPASSANG 32:1

Ri wattunna nacini' bansa Israel angkanaya sallo dudumi Musa natanaungapa ammotere' Musa battu ri monconga, mingka tuli ammantanna rate, battumi ke'nanga allipungi Harun na nakana ri ia, “Taniassengai angkana apa kajariang ri Musa, anjo tau angngerangaki' assulu' battu ri Mesir; jari papparekammi ikambe se're rewata akkullea ampimpingi ikambe.”

KALAPPASSANG 32:11

Napala'mi Musa mae ri Karaeng Allata'alana, nakana, “O, Batara, angngapa namusti kamma anjo Kigaukang mae ri ke'nanga? Sai iKatte ampasalamaki ke'nanga battu ri Mesir siagang kakoasanTa na kagassingang lompoTa?

KALAPPASSANG 32:4

Naallemi Harun anjo sikamma anting-antinga, nampa napasolong nampa napatiri' antama' ri katarang nappare' se're patung sapi. Nakanamo anjo bansaya, “He, Israel iaminne rewatanta, ia angngantarakki' assulu' battu ri Mesir!”

KALAPPASSANG 33:1

Nampa Nakana Batara ri Musa, “Bokoimi anne tampaka nampa a'lampako siagang anjo bansa nueranga battu ri Mesir mange ri pa'rasangang Kupa'janjianga ri Abraham, Ishak siagang Yakub kammayatompa jari-jarina ke'nanga.

YESAYA 1:4

Cilakako kau bansa dorakaya, tau panraka siagang ja'dalaka! Ta'loposo' ngaseng mako lanri dosa-dosanu. Nutollaki Batara siagang nubokoi Allata'ala Kaminang Matangkasaka, siratanga musti nusomba.

DANIEL 9:24

Pintuju tattujupulo taung iamintu wattu le'baka Napattantu Allata'ala untu' ampakabebasaki bansanu siagang anjo kota matangkasa'nu battu ri dosa-dosaya siagang kaja'dallanga. Sikontu dosaya lanipammopporangi siagang lanipaentengi kaadelang tamattappuka, sa'genna a'rupa anjo paccinika siagang botoa, kammayatompa anjo Balla' Matangkasa'Na Batara lanipangngadakkangi ammotere' mae ri Batara.

HOSEA 9:9

Teai sipato' ja'dala'na panggaukannu sangkamma le'baka nagaukang taua ri Gibea. LaNau'rangi Allata'ala kasalannu, siagang Nahukkungko lanri dosanu.

PAOLE 31:29

Kuassengi angkanaya punna matema', anjo taua la'jari ja'dalaki siagang lanatollaki apa le'baka kupangngajarrang mae ri ke'nanga. Nampa lanituju sallang ke'nanga ri bala, lanri napakanassuna Batara lanri nagaukanna ke'nanga apa Napappisangkanga Batara.”

PAOLE 32:5

Mingka ikaumi bansa tenaya namajarre' pa'mai'nu, bansa jaia jekkonna siagang dosana, tenayamo nanibilangngi umma'Na.

PAOLE 4:16

Jari katutui sollanna tena nanudoraka lanri nupapparekanna kalennu patung untu' nusomba, baji' bura'ne yareka baine,

PAOLE 9:12

Nampa Nakana Batara mae ri nakke, ‘Naungko linta', nasaba' anjo bansanu nueranga assulu' battu ri butta Mesir a'gau' ja'dala'mi. Ammengkami ke'nanga battu ri parenta-parentaKu, siagang appare'mi patung untu' nasomba.’

PAOLE 9:8

Ba'lalo le'baki nupakalarro sikali Batara ri Moncong Sinai, sa'genna eroki angngancurukko.

HAKING-HAKING 2:19

Mingka punna matemo anjo pamimpinga, a'jari la'bi kodimi panggaukanna ke'nanga natau jammang rioloangannaya. Napare' atami kalenna mae ri rewata-rewata maraenganga, siagang anynyombai ke'nanga mae ri anjo rewata-rewataya. Ammotereki ke'nanga mae ri kabiasang-kabiasang ja'dala'na ke'nanga, na taerokai ke'nanga ampinrai anjo gau'na.