KALAPPASSANG 32:5 - KITTA' MATANGKASA'

⁵ Nampa appaenteng Harun se're tampa' pakkoro'bangngang ri dallekanna anjo sapi bulaenga nampa napa'la'bang napau angkana, “Ammuko nia' passua'-suarrang untu' ampakalompoi Batara.”

KALAPPASSANG 32:5 ပူးပေါင်းရင်းမြစ်များ

1 KARAENG-KARAENG 21:9

Iaminne bonena anjo suraka, “Pa'la'bangi sollanna appuasa ra'yaka siagang suroi ke'nanga a'rappungang. Lalang ri anjo pa'rappunganga sarei Nabot pammempoang kaminang mala'birika.

2 KARAENG-KARAENG 10:20

Assarei parenta Yehu kamma anne: “Pattantui se're allo untu' anynyomba mae ri Baal!” Jari napattantumi taua anjo allo lanipanynyombanga

2 KARAENG-KARAENG 16:11

Jari ambangummi Uria se're tampa' pakkoro'bangngang sangkamma anjo contoa siagang ukkurang natarimaya, siagang na'pa'le'baki lalang tenanapa nammotere' Ahas.

KALAPPASSANG 10:9

Appialimi Musa angkana, “Yangasenna ikambe, baji' tu rungkaya kammayatompa tau toaya. Lanaerang ngasengi kambe ana'na ikambe, sikontu sapia, gimbalaka, siagang sikontu bembena ikambe, nasaba' musti appareki ikambe passua'-suarrang lompo untu' ampakalompoi Batara.”

KALAPPASSANG 12:14

Anjo alloa musti nuu'rangi na nupakalompo a'jari allo lompo mae ri Batara. Untu' situlusu'na anjo alloa musti nupakalompoi tunggala' taung.”

KALAPPASSANG 17:15

Nampa appaentemmo Musa se're tampa' pakkoro'bangngang na naareng “Batarami Banderaku”.

KALAPPASSANG 32:4

Naallemi Harun anjo sikamma anting-antinga, nampa napasolong nampa napatiri' antama' ri katarang nappare' se're patung sapi. Nakanamo anjo bansaya, “He, Israel iaminne rewatanta, ia angngantarakki' assulu' battu ri Mesir!”

KALAPPASSANG 32:6

Ammukona bari'basa' dudu, angngerammi tu Israel pirangkayu are olo'-olo' untu' a'jari koro'bang nitunu, na pirangkayu are pole untu' koro'bang passiamakkang. Ammempomi ke'nanga angnganre siagang angnginung, nampa ammenteng untu' assannang-sannang.

HOSEA 8:11

Pila' jai tampa' pakkoro'bangngang nibangung ri tu Israel untu' antangkasi dosaya, pila' jai tongi tampa'na ke'nanga untu' anggaukangi dosaya!

HOSEA 8:14

Ambangungi tu Israel siapa jaina balla' karaeng, mingka nakaluppai ke'nanga angkana inai ampa'jari kalenna. Natambai tu Yehuda kota-kota pattahanganna napila' jai, mingka lappaturungA' pepe' untu' antunui sa'genna cappu' sikamma balla' lompona siagang kota-kotana ke'nanga.”

KAIMANGNGANG 23:2

paratorang-paratorang allo lompona agamaya, ia musti nipa'la'banga a'jari allo lompo untu' anggaukangi ibadaya.

KAIMANGNGANG 23:21

Ri anjo alloa musti asse'reko untu' anggaukangi ibadaya siagang takkulleako anggaukangi jama-jamang battalaka. Anjo paratoranga musti nituruki ri jari-jarinu sa'genna satunggu-tungguna, manna pole kemae ke'nanga ammantang.

KAIMANGNGANG 23:37

Iaminjo allo-allo lompo agamaya, ia Napattantua Batara siagang musti nupa'la'bang nupappiassengang. Ri anjo wattu passua'-suarranga musti nupakalompoi Batara iamintu asse'reko untu' anggaukang ibadaya kammayatompa assare koro'bang kanre-kanreang, koro'bang nitunu, koro'bang nipatala, koro'bang olo'-olo' siagang koro'bang je'ne' anggoro', ia jaina iamintu situru' niparalluang allo-alloa.

KAIMANGNGANG 23:4

Iaminne allo-allo lompo Napattantua Batara siagang mustia nipa'la'bang ri wattu le'baka nipattantu.

1 KORINTUS 5:8

Jari, maeko nanipakalompo anjo passua'-suarranga siagang roti tenaya nammake pa'gambang; iamintu roti a'jaria pangngebarang mae ri apa-apa tenaya callana siagang Nakaerokanga Allata'ala. Teaki' nakipakalompoi anjo passua'-suarrang Paskaya siagang roti niaka pa'gambang sallona, iamintu pa'gambang dosaya siagang kaja'dallanga.

1 SAMUEL 14:35

Nampa appaenteng Saul tampa' pakkoro'bangngang untu' Batara; iaminjo uru-uru tampa' pakkoro'bangngang napaentenga.