KALAPPASSANG 32:30 - KITTA' MATANGKASA'

³⁰ Ammukona nakanamo Musa ri anjo bansaya, “Ikau doraka lompo ngaseng mako. Mingka kamma-kamma anne eroka' nai' poleang ri monconga untu' andallekang ri Batara; dasi-dasi na Napammopporanga' siagang Napammopporangi dosa-dosanu.”

KALAPPASSANG 32:30 ပူးပေါင်းရင်းမြစ်များ

2 SAMUEL 12:9

Angngapa natena nujampangi parenta-parentaKu? Angngapa nanugaukang anjo kaja'dallang kammaya? Nusuro bunoi Uria lalang pa'bundukang; nulappassangi nibuno ri tu Amon, siagang nualleangi bainenna!

2 SAMUEL 16:12

Gassingka Naparhatikangi Batara anne kapa'risanga nampa Nabarakkakia' salaku sambenna anjo pattunraia.”

2 KARAENG-KARAENG 17:21

Le'ba'na Nasa'la' Batara tu Israel battu ri tu Yehuda, naangka'mi tu Israel Yerobeam ana'na Nebat a'jari karaenna ke'nanga. Nampa naerammo Yerobeam anjo bansaya ambokoi Batara siagang anggaukangi dosa-dosa lompoa.

PAMMUJI 99:6

Musa siagang Harun antamaki imang-imanna, Samuel kalase'renna tau appala' doanga mae ri Ia. Akkioki ke'nanga mae ri Batara, siagang appialimi.

KALAPPASSANG 32:29

Nakana Musa mae ri suku Lewi, “Anne alloa nusa'la'mi kalennu untu' a'jari imang allayaniai Batara lanri nubunomi ana'-anaka siagang sikamma sari'battannu; jari Nasare mako barakka'Na Batara.”

AMOS 5:15

Kabirisi kaja'dallanga, siagang mangngaiko ri kabajikanga, paentengi kaadelanga. Gassingka laNakamaseangi Batara sikamma tau tassesaya battu ri bansa Israel.

YUNUS 3:9

Barang ero'ji Allata'ala ampinrai ero'Na siagang tenamo Nalarro sa'genna tenamo ninjari panra'!”

PAMMILANGNGANG 16:47

Nagaukammi Harun anjo apa nakananga Musa. Larimi mange ri tangnga-tangngana ummaka sitabanga asse're siagang appakkaramulayamo nitaba ri garring. Jari napadongko'mi Harun anjo dupaya irate ri bara pepeka, siagang nagaukammi upacara pammopporang dosaya untu' ummaka.

PAMMILANGNGANG 25:13

Ia siagang jari-jarina Kupattantu salaku imang sa'genna satunggu-tungguna, lanri attojeng-tojenna angngalleangA', Allata'alana, siagang appare'Ma' passiamakkang mae ri dosana tu Israel.”

LUKAS 15:18

Erokka' a'lampa, ammotere' mae ri manggeku, nampa kukana ri ia: O, Bapa', dorakama' mae ri Allata'ala siagang mae ri katte.

LUKAS 7:47

Sitojeng-tojenna, lanri lompo kammana pangngamaseanna ri Nakke, na ma'nassamo angkanaya nipammopporammi dosa-dosana sannaka jaina. Punna sike'de'ji nipammopporangangi dosana taua, sike'de' tonji pangngamaseanna.”

ROMA 9:3

passabakkang julu bansaku. Nasaba' untu' ike'nammi nakurella todong anggappa pangngalarroi battu ri Allata'ala siagang nisa'la' battu ri Isa Almasi.

GALATIA 3:13

Mingka le'ba' maki' Napakabella Almasi battu ri pangngalarroiNa Allata'ala lanri hukkung-hukkung agamaya. Napassareammi KalenNa nituju ri pangngalarroia passabakkang ikatte. Nasaba' nia' tattulisi' lalang ri Kittaka angkanaya, “Cilakami tau mate nigentunga irate ri kayu sallika.”

2 TIMOTIUS 2:25

Musti tunai angngajaraki tau nangaia pabali-bali; barang nisareji kasampatang ri Allata'ala anjo ke'nanga untu' a'jari toba' battu ri dosa-dosana siagang naasseng pangngajarang tojenga.

YAKOBUS 5:16

Lanri kammana, paralluko massing ammangakui kasalannu mae ri parannu tau, siagang sipappala' doangangko, sollannu nipammolle. Pappala' doangang situruka ero'Na Allata'ala, lompo sikali kakoasanna.

1 SAMUEL 12:17

Lakkioka' mae ri Batara, namanna pole wattu timoroki, lappaturungi Batara gunturu' siagang bosi, a'jari pammatei angkanaya Napilangngeri pappala' doangku. Anjo wattua, lasadara' mako antekamma lompona dosanu mae ri Batara lanri appala'nu sitau karaeng.”

1 SAMUEL 12:19

Nakanamo ke'nanga mae ri Samuel, “Tulungi ikambe bapa'. Kipappala' doangangi ikambe anne mae ri Karaeng Allata'alanu, sollanna tamatea ikambe. Kamma-kamma anne sadara'mi ikambe angkanaya pantaranganna dosana ikambe riolo, dorakami pole ikambe lanri appala'na ikambe sitau karaeng.”

1 SAMUEL 12:20

Appialimi Samuel angkana, “Teako mallakki; manna pole le'ba'mi nugaukang anjo kaja'dallanga, teako a'bokoi battu ri Batara, passangalinna tuli anynyombako ri Ia situlusu'na atinnu.

1 SAMUEL 12:23

Na ri passala'na inakke, tapporo tena lalo kudoraka ri Batara lanri tenana kupappala' doangangko. Mingka tuli lakupangngajarrangi mae ri kau apa-apa bajika siagang tojenga.

1 SAMUEL 2:17

Kammaminjo antekamma doraka lompona anjo ruaya ana'na Eli ri dallekanNa Batara, lanri nabawang-bawanganna passare koro'banga untu' Batara.