KALAPPASSANG 32:28 - KITTA' MATANGKASA'

²⁸ Nagaukammi suku Lewi anjo parentaya; anjo alloa nia' kira-kira tallussa'bu tau mate nibuno.

KALAPPASSANG 32:28 ပူးပေါင်းရင်းမြစ်များ

PAMMUJI 99:8

O, Karaeng Allata'alana ikambe, Kipilangngeri ummatTa; iKatte Allata'ala mangngaia ampamopporangi ke'nanga, manna naKihukkung ke'nanga lanri kasalanna ke'nanga.

KALAPPASSANG 32:27

na nakanamo Musa ri ke'nanga, “Karaeng Allata'alana Israel amparentakangi mae ri kau ngaseng untu' ambi'buki pa'dannu nampa a'jappa allalo ri anne pakkemaanga, appakkaramula battu ri anne pakke'bu' lompoa sa'genna mange ri pakke'bu' lompo maraengannaya, nampa nubuno sikamma sari'battannu, sikamma sahaba'nu siagang sikamma siampi' balla'nu.”

KALAPPASSANG 32:29

Nakana Musa mae ri suku Lewi, “Anne alloa nusa'la'mi kalennu untu' a'jari imang allayaniai Batara lanri nubunomi ana'-anaka siagang sikamma sari'battannu; jari Nasare mako barakka'Na Batara.”

KALAPPASSANG 32:35

Nampa Napabattumo Batara balaya mae ri sikamma anjo taua, lanri napassana Harun ampareki anjo patung sapi bulaenga.

PAMMILANGNGANG 16:41

Ammukona bari'basa' a'larro-larromi sikontu bansa Israel mae ri Musa siagang Harun. Nakana ke'nanga, “Le'ba'mi nubuno umma'Na Batara.”

PAMMILANGNGANG 25:7

Ri wattunna nacini' Pinehas, ana'na Eleazar, cucunna Imang Harun anjo apa kajarianga, ammentemmi nai' nabokoi anjo pa'rappunganga. Angngallei poke

PAMMILANGNGANG 35:8

Ia jaina kota-kotana tu Lewi lalang ri massing daerana suku-suku Israel musti niatoroki situru' jaina anjo kotaya siagang lompona anjo daeraya.”

1 KORINTUS 10:8

Ikatte takkulleaki' anggaukangi nikanaya a'gau' bawang, sangkamma nagaukanga ke'nanga. Nasaba' nia' ruampulo antallussa'bu jaina battu ri ke'nanga mate lalanna sialloa, lanri nagaukanna kammaya ke'nanga.

PAOLE 33:9

Tamamminrayai ri Katte la'biangngang namaraengannaya, la'biangngang na tau toa siagang bija pammanakanna. Naturuki ke'nanga parenta-parentaTa, narupai ke'nanga parjanjianTa.