KALAPPASSANG 32:17 - KITTA' MATANGKASA'

¹⁷ Lalang a'jappana naung, nalangngere'mi Yosua ammarrang-marrang tu Israel. Nakanamo ri Musa, “Nia' karicuang pa'bundukang ri kemaya.”

KALAPPASSANG 32:17 ပူးပေါင်းရင်းမြစ်များ

1 PATTOTTORANG 7:27

Nun, siagang Yosua.

AYUB 39:25

Akkassumi punna assa'ra tarompeka battu bellai naara' rasanna pa'bundukanga. Nalangngereki sa'ra lompona sikamma perwiraya ri wattunna assare parenta ke'nanga.

PAMMUJI 47:1

Pammujina golongang Korah. Untu' pamimping pakelong.

KALAPPASSANG 17:9

Nakanamo Musa ri Yosua, “Pilei siapa are jaina tau untu' ambunduki anjo tu Amalek. Ammuko lammentenga' irate ri coppo'na buluka anta'galaki takkang Nasuro eranga Allata'ala.”

KALAPPASSANG 24:13

Nampa sadiamo Musa siagang pambantuna iamintu Yosua untu' nai' ri anjo moncong pammantanganNa Batara.

KALAPPASSANG 32:16

KalenNa Allata'ala ampareki anjo batua siagang angngukiriki lalang sikamma parentaNa.

KALAPPASSANG 32:18

Nakanamo Musa, “Kamma nilangngere' teai gora pammetang yareka gora nibeta; anjo sa'ra tau akkelong.”

KALAPPASSANG 32:6

Ammukona bari'basa' dudu, angngerammi tu Israel pirangkayu are olo'-olo' untu' a'jari koro'bang nitunu, na pirangkayu are pole untu' koro'bang passiamakkang. Ammempomi ke'nanga angnganre siagang angnginung, nampa ammenteng untu' assannang-sannang.

YEREMIA 51:14

Batara Kaminang Koasaya assumpai lanri areng KalenNa angkanaya lappabattui tau rapang katimbang jaina untu' ambunduki Babel, siagang akkio'-kioki ke'nanga napakamma rannu lanri ammetana.

AMOS 1:14

Lanri kammana anjo, lakkiringA' pepe' mae ri tembo'-tembo'na kota Raba, siagang Kutunu sa'genna cappu' sikamma pattahanganna. Anjo wattua lania' nilangngere' karicuang pa'bundukang, siagang anjo pa'bundukanga hebaki sanrapang anging lompo dudua.

AMOS 2:2

Lanri kammana anjo, lakkiringA' pepe' mange ri pa'rasangang Moab, siagang Kutunu sa'genna cappu' sikamma pattahanganna Keriot. Lamatei tu Moab ri tangnga-tangnga karicuanna pa'bundukanga, iamintu lalang nipasa'rana tarompeka siagang nipakkiokanna pakkio' pa'bundukanga.

YOSUA 6:10

Sikontu tantaraya le'ba' ngasemmi niparentakang angkanaya takkulleai ke'nanga akkio' lompo siagang a'bicara manna sibuku kana punna tenapa nassare kode Yosua.

YOSUA 6:16

Ri makapintujuna nainroi, kamma natui'na sikamma imanga tarompe'na, nasaremi kode Yosua sikontu pasukanga sollanna akkio' lompo. Nakana Yosua, “Napassareammi Batara anne kotaya mae ri kau!

YOSUA 6:20

Nampa natui'mo sikamma imanga tarompe'na. Na kamma nalangngere'na tu Israel anjo sa'ra tarompeka, akkio' lompo-lompomi ke'nanga, sa'genna runtummo tembo' kalli' kotana Yerikho. Tulusu'mi nai' sikontu tantara Israel, nampa antama' siagang naempoi anjo kotaya.

YOSUA 6:5

Nampa anjo sikamma imanga musti natui' la'bu ngasengi tarompe'na. Kamma nulangngere'na ngaseng anjo sa'ra tarompe' la'bua, sikontu tantaraya musti appadai akkio' lompo, nampa laruntung tembo' kalli'na anjo kotaya. Nampa antama' ngaseng memang mako ri anjo kotaya.”

HAKING-HAKING 15:14

Ri wattunna battu mae ri Lehi nierang Simson massing lari-larimi battu tu Filistin mange anggora-gorai. Ti'ring a'jari kassa'mi Simson lanri kakoasanNa Batara. Natappu'-tappu'mi anjo otere' passikko' limanna, sangkamma le'ba' angkana otere' ammutung anjo otereka garana.

1 SAMUEL 17:20

Ammukona bari'basa', ambangummi Daud nampa apparuru. Gimbala'na nasuro jagai ri se'reang pakalawaki, nampa naalle apa-apa lanaeranga na'lampa situru' naparentakanga manggena. Battui mange ri kemana tu Israel sitabanna ero' a'lampa tu Israel mange a'bundu' ri tampa' pa'bundukanga, a'gora-gora ampakalompoi sumanga'na ke'nanga.

1 SAMUEL 17:52

A'gora lompomi tu Israel siagang tu Yehuda nampa naondang tu Filistin sa'genna mange ri Gat siagang pakke'bu' lompona Ekron. Attambummi tu Filistin lokoka ri sikamma aganga mange ri Saaraim.