KALAPPASSANG 32:1 - KITTA' MATANGKASA'

¹ Ri wattunna nacini' bansa Israel angkanaya sallo dudumi Musa natanaungapa ammotere' Musa battu ri monconga, mingka tuli ammantanna rate, battumi ke'nanga allipungi Harun na nakana ri ia, “Taniassengai angkana apa kajariang ri Musa, anjo tau angngerangaki' assulu' battu ri Mesir; jari papparekammi ikambe se're rewata akkullea ampimpingi ikambe.”

KALAPPASSANG 32:1 ပူးပေါင်းရင်းမြစ်များ

PA'JARIANG 19:14

A'lampami Lot mange ri ruaya parekang mintunna nampa nakana ri ke'nanga, “Karo-karoko assulu' battu ri anne kotaya, nasaba' lanipanraki ri Batara.” Mingka nakapangi ke'nanga angkanaya a'bonga-bonganaji Lot.

PA'JARIANG 21:26

Nakanamo Abimelekh, “Takuassengai angkana inai anggaukangi anjo kammaya. Tena le'bakai nupau mae ri nakke; nampami anne kulangngere' anjo passalaka.”

PA'JARIANG 39:8

Mingka taerokai Yusuf. Nakanamo Yusuf ri ia, “Pammopporanga' Ibu'. Le'ba'mi napappirannuang ngaseng Potifar sikontu apa-apanna mae ri nakke. Tenamo naparallu ampikkiriki apa-apa niaka lalang ri anne ballaka.

PA'JARIANG 44:15

Nakanamo Yusuf, “Apa ngaseng anne nugaukanga? Apaka tena ngaseng nuassengi angkana inakke anne akkullei kuasseng ngaseng panggaukang ja'dala'nu lanri nia'na pangngassengangku?”

PA'JARIANG 44:4

Tenapa nabella ke'nanga battu ri kotaya anjo, nakanamo Yusuf ri kapala palayanna, “Ondangi linta' anjo taua. Punna nurapi' ke'nanga, angkana mako ri ke'nanga angkana, ‘Angngapa nubalasaki kabajikanga siagang kaja'dallang?

PAMMUJI 106:19

Ri Moncong Sinai appareki ke'nanga patung ana' sapi bulaeng, nampa nasomba anjo patung napareka ke'nanga.

KALAPPASSANG 13:21

Punna allo niaki Batara a'jappa ri dallekanna ke'nanga lalang ri benteng rammanga; na punna bangngi a'jappai ri dallekanna ke'nanga lalang ri benteng pepeka untu' ampicinikiangi ke'nanga oloang. Lanri kammana anjo akkullei ke'nanga a'jappa allo bangngi.

KALAPPASSANG 14:11

Nampa nakanamo ke'nanga ri Musa, “Tenaka jera' ri Mesir, sa'genna nuerang ikambe sollanna anrinni ri tampaka mate ngaseng ikambe? Cini'mi apa kajarianna anjo panggaukannu!

KALAPPASSANG 16:3

Nakana ke'nanga, “Bajikangngangi ebara' angkana matemi ikambe nibuno ri Batara ri butta Mesir. Anjoreng kaminang sike'de'na akkullei ikambe ammempo angnganre dageng siagang roti sa'genna bassoro' ikambe. Mingka ikau sipa'rua nuerangi ikambe mae anrinni sollanna mate cipuru' ngaseng ikambe anrinni.”

KALAPPASSANG 20:23

Teako papparekangngi untu' kalennu patung-patung pera' yareka bulaeng untu' nupakalompo pantaranganna iNakke.

KALAPPASSANG 24:12

Nampa Nakanamo Batara ri Musa, “Battuko mae ri Nakke irate ri monconga. Anjoreng laKusareko rua batu Kupannulisia sikontu hukkungKu. Anjo sikontu hukkunga Kupassareangi untu' a'jari pangngajarang mae ri anjo bansaya.”

KALAPPASSANG 24:18

Napatulusu'mi Musa angngambi' sa'genna antama' ri anjo rammanga. Patampulo allo patampulo bangngi ammantang Musa anjoreng.

KALAPPASSANG 32:11

Napala'mi Musa mae ri Karaeng Allata'alana, nakana, “O, Batara, angngapa namusti kamma anjo Kigaukang mae ri ke'nanga? Sai iKatte ampasalamaki ke'nanga battu ri Mesir siagang kakoasanTa na kagassingang lompoTa?

KALAPPASSANG 32:22

Appialimi Harun angkana, “Teako larroi ri nakke; baji' nuassenna ke'nanga antekamma lompona pattujunna ke'nanga anne untu' a'gau' ja'dala'.

KALAPPASSANG 32:23

Nakana ke'nanga ri nakke, ‘Taniassengai angkana apa kajariang ri Musa, anjo tau angngerangaki' assulu' battu ri Mesir; jari papparekammi ikambe rewata akkullea ampimpingi ikambe.’

KALAPPASSANG 32:7

Jari Nakanamo Batara ri Musa, “Naungko linta', saba' anjo bansa nupimpinga assulu' battu ri Mesir a'gau' ja'dala'mi.

KALAPPASSANG 33:3

Lamangeko ri butta kalumanynyanga siagang copponga. Mingka iNakke KalengKu tena Kula'lampa siagang ikau ngaseng, sollanna tena naKuancurukko ri tangngana aganga, lanri ikau bansa kapala batu ngasengko.”

YEHEZKIEL 20:8

Mingka angngewai ke'nanga ri Nakke siagang taerokai mappilangngeri ri Nakke. Taerokai ke'nanga ampelaki anjo patung-patung appakaringika kammayatompa taerokai ammari anynyomba ri barhala-barhalana Mesir. Ri wattunna anjorengija ke'nanga, sadiaMa' ero' ampabattui larrroKu mae ri ke'nanga.

HOSEA 12:13

Nampa lari Yakub, iamintu boe-boeta, mange ri Mesopotamia; siagang napa'jari atami kalenna a'jari pakalawaki gimbala' untu' anggappa baine battu ri ana'na anjo patannaya gimbala'.

MIKHA 6:4

Le'ba' mako Kuerang assulu' battu ri butta Mesir, siagang Kulappassangko battu ri nipareka ata; le'ba'mi Kusuro Musa, Harun, siagang Miryam untu' ampimpingko.

PAMMILANGNGANG 14:22

angkanaya manna sitau anne sikamma taua tena lattallasa' untu' antama' ri pa'rasangang le'baka Kupa'janjiang mae ri boe-boena ke'nanga. Nasaba' taerokai ke'nanga mannuruki mae ri Nakke, siagang tulusu' ero'na ke'nanga ampaccoba-cobaiA'. Nampa le'ba'mi nacini' ke'nanga sioro'na cayaKu, siagang gau'-gau' malompo Kugaukanga ri Mesir siagang ri parang lompoa.

MATIUS 24:43

U'rangi minne! Ka'de' naasseng patanna balla' angkanaya tette' siapa ri bangngia nalabattu palukkaka, tenaja nalattinro, sollanna tena nantama' palukkaka ri balla'na.

MATIUS 24:48

Mingka punna kodi sipa' anjo palayanga, lanakanamo lalang ri nyawana,

LAMPA-LAMPANA 17:29

Jari, lanri ana'-ana'Naki' Allata'ala, takkulleaki' ampasangkammai Allata'ala siagang patung bulaeng nipareka, yareka pera', yareka batu nipareka situru' kacara'dekanna rupataua.

LAMPA-LAMPANA 19:26

Na kamma-kamma anne massing nucini'mi siagang massing nulangngere'mi, apa nagaukanga anjo Paulus. Napaui angkana anjo rewata-rewata napareka rupataua tena sikali nakkulle nikana rewata. Najaimo tau akkulle a'jari tappa' ri anjo pangngajaranna; tena na ri Efesus bawang mingka a'birimmi a'la'bang todong ri sikontu daera Asia.

LAMPA-LAMPANA 7:40

Nakana ke'nanga mae ri Harun, ‘Papparekang maki' rewata maraenganga, sollanna napimpingki' anjo rewataya. Nasaba' taniassengami apa kajarianga ri anjo Musa, angngerangaki' assulu' battu ri Mesir!’

PAOLE 31:8

KalenNa Batara angnguluko siagang antulungko. Tena nalaNapassalasako siagang tena nalaNabokoiko. Lanri kammana anjo, teako mallakki siagang teako lussakki.”

PAOLE 9:1

“Pilangngeri sikamma sari'battangku ngaseng! Anne alloa a'limbangko untu' ampantamakki daerana bansa-bansa la'bi lompoanganga siagang la'bi kassakkangnganga naikau. Kota-kotana ke'nanga lompo-lompo ngasengi, siagang tinggi tembo' pattahanganna sanrapang tinggina langika.

PAOLE 9:9

Angngambikka' nai' ri anjo buluka untu' annarima batu parjanjiang Napareka Batara siagang ikau. Patampulo allo siagang patampulo bangngia' ammantang irate ri anjo monconga tangnganre tangnginung.

YOSUA 7:13

Kamma-kamma anne ambangungko nai' Yosua! Tangkasi umma' Israel siagang suroi ke'nanga ampasadiai kalenna untu' andallekang ri Nakke. Parentakangi mae ri ke'nanga sollanna sadia-sadia ammuko, saba' iNakke Karaeng Allata'alana Israel, laKupabattui anne mae ri ke'nanga angkanaya: ‘E, ikau ngaseng tu Israel! Anjo barang-barang Kuparentakanga mae ri kau sollanna nuancuruki, niaki sipa'gang ri kau. Lalang tenana nanupelaki anjo barang-baranga, tena nulattahang andallekangi musunnu!’

2 PETRUS 3:4

nakana, “Sai nukana a'janji Batara labattu! Kemaemi kamma-kamma anne? Matemi boe-boeta, mingka yangasenna apa-apaya tuli kammana ri uru nipa'jarina linoa!”