KALAPPASSANG 31:17 - KITTA' MATANGKASA'

¹⁷ Anjo alloa iami a'jari pappiu'rangi tamattappu' ri bansa Israel siagang iNakke, lanri iNakke, Batara, le'ba' ampa'jari langika siagang buttaya lalang annang allo sallona, na ri makatujuna alloa ammariMa' anjama nampa ammari-mari.”

KALAPPASSANG 31:17 ပူးပေါင်းရင်းမြစ်များ

PA'JARIANG 1:31

Naciniki ngasemmi Allata'ala sikontu anjo apa le'baka Napa'jari, siagang sannang sikalimi nyawaNa. Allalomi bangngia siagang battumi bari'basaka. Iaminjo allo makaannanga.

AYUB 38:7

ri wattu akkelong sikamma bintoeng bari'basaka siagang akkio' rannu sikamma apa attallasaka ri suruga?

PAMMUJI 104:31

Poro satunggu-tungguna kalompoanNa Batara! Poro rannui mae ri sikontu bate pa'jariNa!

KALAPPASSANG 20:11

Lalang wattu annang allo, iNakke, Batara, Kupa'jari buttaya, langika, tamparanga, siagang sikontu apa niaka lalang, mingka ri makatujuna alloa ammari-mariA'. Iaminjo saba'na iNakke, Batara, Kubarakkaki Allo Pammari-marianga siagang Kusa'laki untu' KalengKu.

KALAPPASSANG 31:13

untu' ampa'la'bangi napau mae ri bansa Israel, angkana, “Pakalompoi Allo Pammari-marianga, iamintu allo le'baka Kupattantu a'jari allo pammari-mariang. Sa'genna satunggu-tungguna anjo alloa a'jari pappiu'rangi mae ri kau siagang iNakke, sollanna nuasseng angkana iNakke Batara, kammayatompa angkanaya le'ba' mako Kupa'jari bansa KalengKu.

KALAPPASSANG 31:16

Bansa Israel musti napakalompoi anjo alloa sa'genna jari-jarina salaku pammatei parjanjiang.

YESAYA 58:13

Nakana Batara, “Pakalompoi allo Pammari-marianga, a'jari allonNa Batara. Teako urusuki kaparalluang kalennu ri anjo alloa. Pakalompoi anjo alloa a'jari allo mate'ne; pakalompoi anjo allonNa Batara iamintu teako a'lampai; teako anjamai yareka a'bicara tenaya matu-matunna.

YEREMIA 32:41

Lasannangi pa'maikKu a'gau' baji' mae ri ke'nanga, naKupammantang ke'nanga anrinni ri anne pa'rasanganga sa'genna satunggu-tungguna.

YEHEZKIEL 20:12

Kusuroi ke'nanga ampakalompoi allo Pammari-marianga salaku pammatei parjanjiangKu siagang ke'nanga, untu' ampiu'rangiangi ke'nanga angkana iNakke Batara, le'baka ansa'laki ke'nanga a'jari ummakKu.

YEHEZKIEL 20:20

Pakalompoi allo Pammari-marianga sollanna a'jari pammatei mae ri kau siagang iNakke, untu' ampiu'rangiangko angkanaya iNakkemi Karaeng Allata'alanu.’

IBRANI 4:10

Nasaba' anjo tau antamaya ri tampa' pammari-mariang Napa'janjianga Allata'ala ri ia, lammari-mari tommi battu ri sikontu jama-jamanna, sangkamma Allata'ala.