KALAPPASSANG 31:13 - KITTA' MATANGKASA'

¹³ untu' ampa'la'bangi napau mae ri bansa Israel, angkana, “Pakalompoi Allo Pammari-marianga, iamintu allo le'baka Kupattantu a'jari allo pammari-mariang. Sa'genna satunggu-tungguna anjo alloa a'jari pappiu'rangi mae ri kau siagang iNakke, sollanna nuasseng angkana iNakke Batara, kammayatompa angkanaya le'ba' mako Kupa'jari bansa KalengKu.

KALAPPASSANG 31:13 ပူးပေါင်းရင်းမြစ်များ

NEHEMIA 9:14

Allo Pammari-mariang matangkasaka musti napakalompoi ke'nanga, na tete ri Musa Kipassareang hukkunTa.

KALAPPASSANG 31:12

Naparentakangi Batara ri Musa

KALAPPASSANG 31:17

Anjo alloa iami a'jari pappiu'rangi tamattappu' ri bansa Israel siagang iNakke, lanri iNakke, Batara, le'ba' ampa'jari langika siagang buttaya lalang annang allo sallona, na ri makatujuna alloa ammariMa' anjama nampa ammari-mari.”

YESAYA 56:2

Kubarakkaki tau anggaukangai allo Pammari-marianga, siagang tena narantassi anjo alloa. Tau tenaya nagaukangi kaja'dallanga laKugau' bajiki.”

YEREMIA 17:22

Teako anjamai yareka angngerangngi manna barang-barang apa mamo assulu' battu ri balla'nu ri allo Pammari-marianga. Sa'laki anjo alloa untu' iNakke sangkamma le'baka Kuparentakang mae ri boe-boenu.

YEHEZKIEL 20:12

Kusuroi ke'nanga ampakalompoi allo Pammari-marianga salaku pammatei parjanjiangKu siagang ke'nanga, untu' ampiu'rangiangi ke'nanga angkana iNakke Batara, le'baka ansa'laki ke'nanga a'jari ummakKu.

YEHEZKIEL 20:20

Pakalompoi allo Pammari-marianga sollanna a'jari pammatei mae ri kau siagang iNakke, untu' ampiu'rangiangko angkanaya iNakkemi Karaeng Allata'alanu.’

YEHEZKIEL 37:28

Punna nia'mi BallakKu ri tangnga-tangngana ke'nanga untu' satunggu-tungguna, lanaassemmi bansa-bansa maraenga angkanaya iNakke, Batara, le'ba' ampilei Israel a'jari ummakKu.”

YEHEZKIEL 44:24

Punna nia' passisala-salang lanri parkara hukkung, musti napakabajiki ke'nanga situru' hukkung-hukkungKu. Musti napakalompoi ke'nanga allo lompo agamaya, situru' atorang-atorangKu siagang hukkung-hukkungKu, kammayatompa napakalompoi allo Pammari-marianga salaku allo nisa'laka untu' iNakke.

KAIMANGNGANG 19:3

Sikontu taua musti napakala'biriki anrong manggena, siagang napakalompo Allo Pammari-marianga sangkamma Kuparentakanga. INakke Karaeng Allata'alanu.

KAIMANGNGANG 19:30

Pakalompoi Allo Pammari-marianga siagang pakalompoi tampa' nitangkasia untu' anynyomba mae ri Nakke. INakke Batara.

KAIMANGNGANG 20:8

Turuki hukkung-hukkungKu, lanri iNakkemi Batara, le'baka ansa'lakko untu' KalengKu pata.”

KAIMANGNGANG 21:8

Bansa Israelka musti naakui imanga salaku tau le'baka nisa'la' untu' iNakke, nasaba' iami assare koro'bang kanre-kanreang mae ri Nakke. INakke Batara; iNakke anne matangkasakKa' siagang Kutangkasi ummakKu.

KAIMANGNGANG 23:3

Annang allo sallona taua anjama, mingka ri allo makatujua, iamintu Allo Pammari-marianga, iami allo pammari-mariang nisa'laka untu' mae ri Batara. Ri anjo alloa musti apparekko passibuntulang untu' asse're anggaukangi ibadaya siagang takkulleako anjama.

KAIMANGNGANG 25:2

ampabattui anne paratorang-paratoranga mae ri bansa Israel. Punna antamakko ri pa'rasangang laNapassareanga Batara mae ri kau, musti nupakalompoi Batara, iamintu kammanne carana: Ri tunggala' taung makatujua takkulleai nujama buttaya untu' a'lamung-lamung.

KAIMANGNGANG 26:2

Pakalompoi allo-allo Pammari-marianga siagang allo-allo lompo agama maraengannaya, kammayatompa pakala'biriki tampa' le'baka nisa'la' untu' nipake anynyomba mae ri Nakke. INakkemi Batara.

AMOS 8:5

Nukana ngaseng mae ri kalennu, “Teai sipato' sallona allo-allo passua'-suarranga. Erokki' akkaro-karo mange ambalukangi gandunta, mingka anne passua'-suarranga tena le'ba'-le'ba'na. Angngapapi nale'ba' anne allo Pammari-marianga, sollanta akkullemo a'balu pole? Erokki accatu', annipu ri pa'baku' siagang jekkong ri timbanganga.

MATIUS 23:17

Ikau ngaseng tu toloa siagang tu butaya! Kereanga paralluangang: bulaenga yareka Balla'Na Batara ampa'jariai matangkasa' anjo bulaenga?

YOHANES 17:17

Kipa'jari ke'nanga ummatTa Kikatutuia lanri katojenganga; na iaminjo kananTa katojenganga.

YOHANES 17:19

Kupassareammi KalengKu, iamintu tu nikatutuinTa, untu' kaparalluanna ke'nanga, sollanna akkulle todong ke'nanga a'jari ummatTa Kikatutuia, lanri katojenganga.

PAOLE 5:12

Pakalompoi Allo Pammari-mariang siagang pakala'biriki salaku allo matangkasa', nasaba' iNakkemi Karaeng Allata'alanu amparentakangi mae ri kau.

1 TESALONIKA 5:23

Poro KalenNa Allata'ala, assareaki' kasalewangang, ampa'jariko tau attojeng-tojenga attallasa' untu' Allata'ala bawang. Poro Allata'ala anjagai sikontu batangkalennu, baji' roh, nyawa, yareka tubunu; sa'genna tena callannu sallang ri wattunna battu poleang Batarata Isa Almasi.

YUDAS 1:1

Sikamma sari'battangku, ia le'baka nikio' siagang sannaka nikamaseanna ri Allata'ala Manggea, kammayatompa nikatutuia untu' Isa Almasi. Battu ri nakke, atanNa Isa Almasi, iamintu Yudas, sari'battanna Yakobus;