KALAPPASSANG 30:36 - KITTA' MATANGKASA'

^36-37 Anjo kamanynyanga musti nidengkai sipa'gang sa'genna alusu'. Erangi anjo mae ri KemaKu nampa nupakioro' ri dallekanna Patti Parjanjianga. Anjo kamanynyanga musti nipare' kammai barang matangkasa', ia nisa'laka untu' iNakke. Teako appareki kamanynyang ia nicampuru' kammaya anjo untu' kalennu.

KALAPPASSANG 30:36 ပူးပေါင်းရင်းမြစ်များ

KALAPPASSANG 16:34

Jari napadongko'mi Harun anjo uringa ri dallekanna Patti Parjanjianga untu' niboli' situru' parentaNa Batara mae ri Musa.

KALAPPASSANG 25:22

AnjorengA' ri tampaka lasibuntulu' siagang ikau; siagang battu rate ri pattongko'na, ri alla'na anjo ruaya malaeka' akka'nyi', laKusareko hukkung-hukkungKu untu' bansa Israel.”

KALAPPASSANG 27:21

Harun siagang sikamma ana'na musti angngurusuki anjo lampua battu ri karueng sa'genna bari'basa' ri tampa' kahaderangKu, pantaranna kaeng ta'gentunga ri dallekanna Patti Parjanjianga. Anjo parentaya musti nigaukangi untu' satunggu-tungguna ri tu Israel siagang sikontu jari-jarina.”

KALAPPASSANG 30:35

Pake kabusuki anjo untu' appare' campurang kamanynyang sannaka mabau'na. Tambai ce'la sollanna tuli baji'na anjo kamanynyanga nakkulle nipake untu' iNakke.

KALAPPASSANG 30:6

Padongkoki anjo tampa' pa'dupanga ri bageang pantara'na kaeng niaka ri dallekanna Patti Parjanjianga, iamintu ri tampa' laKupassibuntulia siagang ikau.

KAIMANGNGANG 16:2

“Pabattuangi sari'battannu Harun, angkanaya ri wattu le'bakaji bawang nipattantu nakkulle antama' ri Kamara' Kaminang Matangkasaka, iamintu kamara' nisimbanga siagang gordeng, lanri anjoremMa' ampappicinikangi KalengKu lalang ri rammanga irateanna pa'rangka'na Patti Parjanjianga. Punna nadakkai Harun anjo paratoranga, tena tamatena.