KALAPPASSANG 30:31 - KITTA' MATANGKASA'

³¹ Paui mae ri bansa Israel angkanaya sa'genna satunggu-tungguna anjo minynya' upacaraya nisa'laki untu' iNakke bawang.

KALAPPASSANG 30:31 ပူးပေါင်းရင်းမြစ်များ

PAMMUJI 89:20

Riolo dudu lalang se're so'na, Kikana mae ri ata tamamminraTa, “Le'baki Kutulung se'rea tubarani, se'rea tule'ba' Kupile battu ri ra'ya', Kupakatinggimi.

KALAPPASSANG 29:21

Allei sike'de' cera' niaka irate ri tampa' pakkoro'bangnganga siagang sike'de' minynya' upacara, nampa nupiracciki Harun siagang ana'-ana'na kammayatompa pakeanna ke'nanga. Kammaminjo carana Harun siagang ana'-ana'na kammayatompa pakeanna ke'nanga nisa'la' untu' iNakke.

KALAPPASSANG 30:30

Minynyaki tongi Harun siagang ana'-ana'na sollanna nilanti' ke'nanga a'jari imang untu' allayaniA'.

KALAPPASSANG 30:32

Anjo minynyaka takkulleai nipatiri' mae ri tau biasaya. Teako appareki minynya' kammaya anjo na campurang kamma todong anjo nupake. Anjo minynyaka matangkasaki, siagang musti nipareki barang matangkasa'.

KALAPPASSANG 37:29

Appare' tommi Bezaleel minynya' upacara siagang dupa kaminang bajika siagang bauka, nicampuru' sangkamma minynya' wangi.

KAIMANGNGANG 21:10

Imang Lompoa le'ba'mi nilanti' ri wattu nitirikinna minynya' upacara ulunna siagang nipatabana pakeang imang lompoa ri kalenna. Lanri kammana anjo takkulleai nabalang parekang a'jari rotto' uu'na yareka nakekkeki pakeanna lanri natujuna kasusaang kamateang.

KAIMANGNGANG 8:12

Le'baki anjo nalanti'mi Musa anjo Harun; natiriki sike'de' minynya' upacara irate ri tompo' ulunna.