KALAPPASSANG 30:29 - KITTA' MATANGKASA'

²⁹ Kammaminjo carana musti nusa'la' sikamma anjo barang-baranga untu' iNakke, sollanna a'jari matangkasa' kabusu'. Apa-apa mamo anseroi anjo tampa' pakkoro'bangnganga musti nipassareangi mae ri Batara; siagang inai-nai anseroi anjo tampa' pakkoro'bangnganga lanitujui ri bala lanri kagassingang matangkasa'na.

KALAPPASSANG 30:29 ပူးပေါင်းရင်းမြစ်များ

KALAPPASSANG 29:37

Gaukangi anjo kammaya tunggala' allo lalang tuju allo sallona. Jari kabusu'na anjo tampa' pakkoro'bangnganga a'jari matangkasa'mi; apa-apa mamo anseroai anjo tampa' pakkoro'bangnganga musti nipassareangi mae ri Batara, siagang inai-nai anseroi, lanitujui ri bala lanri kagassingang matangkasa'na.”

KALAPPASSANG 30:28

tampa' pakkoro'bangngang untu' koro'bang nitunua siagang sikontu pakkakasa'na, siagang ba' je'neka na dapara'na.

KALAPPASSANG 30:30

Minynyaki tongi Harun siagang ana'-ana'na sollanna nilanti' ke'nanga a'jari imang untu' allayaniA'.

KALAPPASSANG 40:10

Kamma tongi anjo batenu ampassareangi ri Nakke tampa' pakkoro'bangnganga siagang sikamma pakkakasa'na, sollanna nisa'la' ngaseng untu' iNakke.

KAIMANGNGANG 6:18

Untu' satunggu-tungguna sikamma bura'ne jari-jarina Harun akkullei nakanre anjo rotia; iaminjo bageang attantuna ke'nanga battu ri kanre-kanreang nipassareanga mae ri Batara. Tau maraenga punna naseroi anjo kanre le'bakamo nikoro'bangkang, langgappai bala lanri koasa katangkassanna anjo koro'banga.

KAIMANGNGANG 8:10

Nampa angngalle Musa minynya' upacara siagang napasapu mae ri KemaNa Batara siagang sikontu pakkakasa'na. Lanri kammana anjo nanisa'la' ngasemmo anjo apa sikammaya untu' Batara.

KAIMANGNGANG 8:11

Anjo minynyaka niparacciki sike'de' pintuju irateanna anjo tampa' pakkoro'bangnganga siagang sikontu pakkakasa'na, kammayatompa mae ri rateanna ba' je'neka siagang dapara'na. Lanri kammana anjo nanisa'la' ngasemmo anjo apa sikammaya untu' Batara.

PAMMILANGNGANG 7:1

Ri wattunna le'ba' nabangung Musa KemaNa Batara, nitangkasimi anjo Kemaya siagang sikontu pakkakasa'na, iamintu nisapui ngasengi siagang minynya' upacara. Kamma tomminjo nagaukanga mae ri tampa' pakkoro'bangnganga siagang sikontu pakkakasa'na.

MATIUS 23:17

Ikau ngaseng tu toloa siagang tu butaya! Kereanga paralluangang: bulaenga yareka Balla'Na Batara ampa'jariai matangkasa' anjo bulaenga?

MATIUS 23:19

Teai sipato' butanu ngaseng! Kereanga paralluangang? Koro'banga, yareka tampa' koro'banga ampa'jariai matangkasa' anjo koro'banga?