KALAPPASSANG 30:18 - KITTA' MATANGKASA'

¹⁸ “Apparekko se're ba' battu ri tambaga na dapara'na tambaga todong. Boliki anjo baka ri alla'na Kemaya siagang tampa' pakkoro'bangnganga, nampa nubonei je'ne'.

KALAPPASSANG 30:18 ပူးပေါင်းရင်းမြစ်များ

1 KARAENG-KARAENG 7:23

Nampa appare' Huram se're bongki tambaga a'bundala', ia ukkuranna iamintu: lantanna 2,2 metere', la'buna garisi' tangngana 4,4 metere', siagang kalu'na 13,2 metere'.

1 KARAENG-KARAENG 7:38

Appare' tongi Huram sampulo katoang lompo, tasse'rei untu' massing-massing kareta. Massing-massing katoanga anjo 1,8 metere' garisi' tangngana, siagang akkullei angngalle 800 litere' je'ne'.

2 PATTOTTORANG 4:2

Appare' tongi se're gumbang tambaga a'bundalaka, nampa ukkuranna kammai anne: lantanna 2,2 metere', garisi' tangngana 4,4 metere', siagang bundala'na 13,2 metere'.

2 PATTOTTORANG 4:6

Appare' tongi Karaeng Salomo 10 katoang lompo, lima untu' niboli' ri timboranna Balla'Na Batara, siagang lima untu' ri warakkanna. Ia matu-matunna anjo katoanga iamintu ambissai kere'-kere'na olo'-olo' eroka nitunu a'jari koro'bang. Je'ne' niaka ilalang ri anjo gumbang lompoa nipasadiakangi sikamma imanga untu' antangkasi kalenna.

KALAPPASSANG 30:17

Nakana Batara ri Musa,

KALAPPASSANG 31:9

tampa' koro'bang nitunua siagang sikontu pakkakasa'na, ba' je'ne' siagang dapara'na,

KALAPPASSANG 38:8

Appareki Bezaleel ba' tambaga; pa'lapa'na irawa tambaga nipare'. Anjo tambagaya battu ri carammenna ngaseng sikamma bai'-baine allayania ri pakke'bu' KemaNa Batara.

KALAPPASSANG 40:7

Boliki ba' je'ne' pa'bissa-bissanga ri alla'na Kemaya siagang anjo tampa' pakkoro'bangnganga, nampa nubonei je'ne'.

KATO'BA 5:1

Appikkirikko rolong nunampa a'bicara, siagang teako linta' dudu a'janji mae ri Allata'ala. Ia niaki ri suruga nampa ikau niakko ri buttaya. Jari tutuko ri kana-kanannu.

KAIMANGNGANG 8:11

Anjo minynyaka niparacciki sike'de' pintuju irateanna anjo tampa' pakkoro'bangnganga siagang sikontu pakkakasa'na, kammayatompa mae ri rateanna ba' je'neka siagang dapara'na. Lanri kammana anjo nanisa'la' ngasemmo anjo apa sikammaya untu' Batara.

ZAKHARIA 13:1

Nakana Batara Kaminang Koasaya, “Ri anjo alloa lappasolongA' se're timbuseng je'ne' untu' ampakatangkasaki jari-jarina Daud siagang pandudu'na Yerusalem battu ri dosana siagang ri gau' panynyombanna ke'nanga ri barhalaya.

TITUS 3:5

Napasalama' maki', lanri KalenNa angkamaseangki', jari teai lanri nia'na kabajikang le'ba' nigaukang. Napasalamakki' tete ri RohNa Allata'ala assareaki' kajariang beru siagang katallassang beru lanri Natangkasinta.

1 YOHANES 1:7

Mingka punna attallasakki' lalang ri singaraka, sangkamma Allata'ala niaki lalang ri singaraka, assiama' maki' massing para ikatte lalang ri katallassanta; kammayatompa nitangkasimi sikontu dosa-dosata lalang ri cera'Na Isa, Ana'Na Allata'ala.