KALAPPASSANG 30:13 - KITTA' MATANGKASA'

¹³ Tunggala' tau amminawanga nibilang lalang anjo pammilangnganga, musti a'bayaraki situru' anggaranna doeka ri KemaKu, untu' a'jari sumbangang nisa'laka untu' iNakke.

KALAPPASSANG 30:13 ပူးပေါင်းရင်းမြစ်များ

PA'JARIANG 23:15

“Anjo siapa are luara'na tampa', poro patambilangnganji doe' pera' ballinna, apa anggaranna anjo ri katte sipa'rua? Tarawammi bainenta anjoreng.”

2 KARAENG-KARAENG 12:4

Ri se'reang allo nakioki Yoas sikamma imanga nampa nasuro ke'nanga amboliki doe' nagappaya battu ri passare-passare nipassareanga ri Balla'Na Batara, baji' doe' pa'bayara' nigaukanna koro'banga, kammayatompa doe' battu ri passare rellana taua.

2 KARAENG-KARAENG 12:5

Tunggala' imanga musti massing natanggongi doe' napassareanga sikamma tau nalayania. Anjo doeka lanipakei untu' ampakabajiki sikamma kapanrakang niaka lalang ri Balla'Na Batara.

KALAPPASSANG 30:14

Sikamma tau nibilanga lalang anjo pammilangnganga, iamintu sikamma bura'ne narapikamo umuru'na ruampulo taung yareka la'bi, musti assarei anjo sumbangang nisa'laka.

KALAPPASSANG 38:24

Ia bulaeng nipassareanga mae ri Batara untu' Kema Matangkasaka yangasenna nia' sisa'bu kilo battala'na, nitimbanga situru' timbangang niaka nipake ri KemaNa Batara.

KALAPPASSANG 38:26

Anjo jaina sangkammai jaina siagang apa nabayaraka sikontu tau le'baka nitulisi' arenna ri wattunna nigaukang anjo pammilangnganga. Tunggala' taua a'bayaraki situru' anggarang le'baka nipattantu, nitimbanga situru' timbangang niaka nipake anjo wattua. Ri wattunna nibilang taua nia' 603.550 jaina tu bura'ne umuru' ruampulo taunga na rateanna.

YEHEZKIEL 45:12

Timbangannu musti kammai anne: 1 sikal=20 gera 1 mina=60 sikal

KAIMANGNGANG 27:25

Sikontu ballinna musti nipattantui situru' anggarang niaka nipake ri KemaNa Batara.

KAIMANGNGANG 27:3

situru' anggaranna doe' nipakea ri KemaNa Batara; – irateanna umuru' 60 taung: bura'ne & 15 doe' pera' baine & 10 doe' pera' – 20 taung sa'genna 60 taung: bura'ne & 50 doe' pera' baine & 30 doe' pera' – 5 taung sa'genna 20 taung: bura'ne & 20 doe' pera' baine & 10 doe' pera' – rawangngang 5 taung: bura'ne & 5 doe' pera' baine & 3 doe' pera'

KAIMANGNGANG 5:15

Punna nia' tau tena nakunjungi anggaukangi dosaya lanri takkaluppai ampassareangi sikamma passare parallua mae ri Batara, anjo taua musti angngerangi koro'bang passambe karugiang. Anjo koro'banga iamintu musti sikayu gimbala' laki yareka bembe laki ia tenaya callanna, siagang nianggaraka situru' tasserang ballinna ri KemaNa Batara.

PAMMILANGNGANG 18:16

Sikamma ana'-anaka musti nipasuluki ri wattunna umuru' sibulang ke'nanga. Anggaranna nipattantua iamintu lima doe' pera', situru' anggarang niaka nipake ri KemaKu.

PAMMILANGNGANG 3:47

Untu' tunggala' tasse'rea ana', musti a'bayarakko lima doe' pera' situru' anggarang niaka tappake ri KemaKu;

MATIUS 17:24

Ri wattunna battu Isa siagang ana'-ana' gurunNa mange ri Kapernaum, battumi pasingara' simaya ri Balla'Na Batara ri Petrus angkana, “A'bayara' tonji sima gurunnu yareka tena?”

MATIUS 21:12

Le'baki anjo antama'mi Isa ri Balla'Na Batara. Nabongka ngasemmi sikamma tau niaka anjoreng a'balu'-balu'. Nabulinta' ngasemmi mejang-mejanna pasambe doeka, kammayatompa bangko-bangkona pabalu' jangang-jangang bodobangkenga.

MATIUS 27:24

Kala'busanna naassemmi Pilatus angkanaya tena memang tommo maraeng akkulle nagaukang. Siagang akkullei a'jallo' anjo tau jaia punna tena niturukiangi ero'na. Jari angngallemi je'ne', nampa nabissai limanna ri dallekanna anjo tau jaia. Na nakana, “Inakke tena nakutanggongi kamateanNa anne taua! Anne urusannu ngaseng kau!”