KALAPPASSANG 30:1 - KITTA' MATANGKASA'

¹ Nakanamo pole Batara ri Musa, “Apparekko battu ri kayu akasia se're tampa' pattunuang dupa.

KALAPPASSANG 30:1 ပူးပေါင်းရင်းမြစ်များ

1 KARAENG-KARAENG 6:20

Anjo kamaraka sangkammai la'buna, sangkara'na, siagang tinggina, iamintu salapang metere'. Tampa' pakkoro'bangngang, ia niaka ri dallekanna anjo Kamara' Kaminang Matangkasaka, kayu camara Libanon nipare'. Ri pakke'bu' antamana ri anjo kamaraka, nia' rante bulaeng nibantang. Sikontu bageang lalanna anjo Balla'Na Batara kammayami Kamara' Kaminang Matangkasaka siagang tampa' pakkoro'bangnganga nilapisi siagang bulaeng ti'no'.

1 KARAENG-KARAENG 7:48

Assuro pare' tommi Salomo pakkakasa'-pakkakasa' maraengang battu ri bulaeng untu' Balla'Na Batara. Iaminne anjo pakkakasa'-pakkakasa' nasuro pareka: Tampa' pakkoro'bangngang, Mejang untu' roti nipassareanga ri Allata'ala, Sampulo bangkeng kanjoli nibolika ri dallekanna Kamara' Kaminang Matangkasaka, iamintu lima ri bageang timborang siagang lima ri bageang warakkang, Bunga-bunga, Kanjoli-kanjoli, Passipi'-passipi', Cangkiri'-cangkiri', Pakkakasa' untu' ammuno kanjoli, Mangko'-mangko', Piring-piring untu' dupa, Piring-piring untu' bara pepe' Engsele'-engsele' untu' pakke'bu'na Kamara' Kaminang Matangkasaka siagang pakke'bu'-pakke'bu' pantaranna Balla'Na Batara.

1 PATTOTTORANG 28:18

siapa jaina bulaeng ti'no' untu' appare' tampa' pattunuang dupa siagang untu' appare' kareta untu' patung-patung malaeka' takka'ranga ka'nyi'na irateanna Patti ParjanjianNa Batara.

1 PATTOTTORANG 6:49

Ia Harun siagang turunganna nisarei tugasa' attunu dupa, assare koro'bang nitunua irate ri tampa' pakkoro'bangnganga, anggaukangi sikamma pa'gaukanga lalang ri Kamara' Kaminang Matangkasaka, siagang ampassareangi koro'bang untu' antangkasiai dosana umma' Israel. Nagaukang ngasengi ke'nanga anjo sikammaya situru' apa napangngajaranga Musa, atanNa Allata'ala.

2 PATTOTTORANG 26:16

Ri wattunna kassa'mo Uzia, a'jari tampomi, siagang iami anjo a'jari saba' naancuru'. Nadakkai parentaNa Karaeng Allata'alana lanri antamaki ri Balla'Na Batara untu' attunu dupa irate ri tampa' pakkoro'bangngang dupaya.

KALAPPASSANG 30:10

Tassikali sitaung Harun musti nagaukangi upacara annangkasi tampa' pattunuang dupa; carana iamintu napiracciki anjo appaka tanru'na siagang cera'na anjo olo'-olo' nikoro'bangkanga untu' nipammopporanna dosaya. Anjo kammaya musti nigaukangi tunggala' taung sa'genna satunggu-tungguna. Anjo tampa' pattunuang dupaya musti tangkasa' kabusuki siagang nisa'laki untu' iNakke.”

KALAPPASSANG 30:2

Anjo pattunuang dupaya musti appasagi pare'na; la'buna siagang sangkara'na massing 45 sentimetere', na tinggina 90 sentimetere'. Ri appa' panyingkulu'na apparekko tanru'-tanru' assisambunga siagang anjo tampa' pa'dupanga.

KALAPPASSANG 31:8

iamintu mejanga siagang pakkakasa'na, bangkeng lampu nipareka battu ri bulaeng ti'no' siagang pakkakasa'na tampa' pattunuang dupaya,

KALAPPASSANG 35:15

tampa' pattunuang dupa siagang kayu pa'bule'na, minynya' upacara, dupa mabauka; gordeng untu' pakke'bu' Kema,

KALAPPASSANG 39:38

tampa' pakkoro'bangngang battu ri bulaeng, minynya' upacara, dupa bau', gordeng pakke'bu' Kema,

KALAPPASSANG 40:5

Boliki tampa' pattunuang dupa bulaenga ri dallekanna Patti Parjanjianga, siagang gentungi gordeng ri pakke'bu' Kemaya.

YEHEZKIEL 41:22

Tinggina 1,5 metere' na sangkara'na 1 metere'. Sikamma panyingkulu'na, pa'lapa'na siagang rinrinna battu ri kayu nipare'. Anjo tu bura'nea nakana ri nakke, “Iaminne mejang niaka ri dallekang kahaderanNa Batara.”

KAIMANGNGANG 4:18

Sipa'ganga pole musti napasapui mae ri tanru'-tanru' niaka ri sikamma panyingkulu'na pattunuang dupaya lalang ri Kemaya; nampa la'binnaya musti nipatiriki ri dapara'na tampa' pakkoro'bangngang untu' koro'bang nitunua, ia niaka ri dallekang pakke'bu'na Kemaya.

KAIMANGNGANG 4:7

Sipa'gang anjo ceraka musti nipasapui ri tanru'-tanru' niaka ri sikamma panyingkulu'na pattunuang dupa bauka ilalang ri Kemaya; nampa la'binnaya musti nipatiriki ri dapara'na tampa' pakkoro'bangngang koro'bang nitunua ia niaka ri dallekanna pakke'bu' Kemaya.

PAMMILANGNGANG 3:31

Iami ke'nanga tanggong jawa' mae ri Patti Parjanjiang, mejang, sikamma tampa' pakkoro'bangnganga, sikamma pakkakasa' napakea sikamma imanga lalang ri Kamara' Matangkasaka, siagang gordeng passimbanna Kamara' Matangkasaka. Iami ke'nanga tanggong jawa' mae ri sikontu anjo barang-barang sikammaya.

PAMMILANGNGANG 4:11

Le'baki anjo musti akka'rangi ke'nanga silawara' kaeng gau' irate ri anjo tampa' pakkoro'bangngang bulaenga nipare', siagang narangkaki silawara' kaeng kukkulu' alusu', nampa napataba anjo kayu pa'bule' tampa' pakkoro'bangnganga.

IBRANI 9:4

Lalang ri anjo kamaraka, nia' pattunuang dupa bulaenga nipare', siagang nia' todong Patti Passijanjiang nilapisika bulaeng. Lalang ri anjo Pattia nia' uring bulaeng pammoneang roti, takkanna Harun accu'lakamo, siagang ruang lawara' batu pannulisang niaka tattulisi' irateanganna sampuloa paratorang Napassuroanga Allata'ala.

PAPPICINI' 8:3

Nia'mo sitau malaeka' maraengang, battu ammenteng ri dallekanna tampa' pakkoro'banganga; angngerangi se're pa'dupang bulaeng. Sanna' jaina kamanynyang nisareangi untu' lanapanaung ri pappala' doanganna sikontu umma'Na Allata'ala, siagang untu' lanipassareanga ri tampa' pakkoro'bangngang bulaenga nipare' ri dallekanna empoang kala'biranga.