KALAPPASSANG 3:5 - KITTA' MATANGKASA'

⁵ Nakanamo Allata'ala, “Teako a'reppesi. Sungkei pa'lapa' bangkennu, lanri niakko ammenteng ri butta matangkasaka.

KALAPPASSANG 3:5 ပူးပေါင်းရင်းမြစ်များ

KALAPPASSANG 19:12

Apparekko pammatei ri tammulilina anne monconga a'jari pa'baeng-baeng tenaya nakkulle nalaloi anjo bansaya. Pisangkai anjo bansaya angngambi' ri monconga, ba'lalo takkulleai ke'nanga a'reppese'. Inai-nai allaloi pa'baeng-baenna, lanihukkung matei;

KALAPPASSANG 19:21

nampa Nakanamo Batara ri ia, “Naungko nampa nupakainga' ngaseng anjo taua angkanaya takkulleai ke'nanga allaloi anjo pa'baeng-baenga untu' battu mae ancinikKa'. Punna nadakkai ke'nanga anne parentaya, jai ri ke'nanga lamate.

KALAPPASSANG 4:28

Nacaritami Musa mae ri Harun sikontu apa le'baka Napau Batara mae ri ia ri wattunna nisuro ammotere' mange ri Mesir, kammayatompa sikontu gau' malompo mustia nagaukang.

KATO'BA 5:1

Appikkirikko rolong nunampa a'bicara, siagang teako linta' dudu a'janji mae ri Allata'ala. Ia niaki ri suruga nampa ikau niakko ri buttaya. Jari tutuko ri kana-kanannu.

YEREMIA 30:21

Karaeng ammarentaya ri kau tau battu tonji ri bansanu. Bebasaki ke'nanga a'reppese' ri Nakke punna Kukio' andallekang ri Nakke. Nasaba' inaika barani andallekang ri Nakke ri ero' kalenna? La'jariko ummakKu siagang iNakke a'jari Allata'alanu. INakke, Batara, akkana kamma anjo.”

KAIMANGNGANG 10:3

Jari nakanamo Musa mae ri Harun, “Iaminjo natabaya kananNa Batara ri wattunna angkana, ‘Sikontu allayania mae ri Nakke musti napakala'biriki katangkasangKu. Kupa'nyatai kalompoangKu mae ri sikontu bansaKu.’ ” Mingka tena nakkana-kana Harun.

LAMPA-LAMPANA 7:33

Nakanamo pole Batara, ‘Pasuluki pa'la'pa' bangkennu, nasaba' antu butta nupammantangia ammenteng, butta matangkasa'.

PAOLE 23:14

Karaeng Allata'alanu anrurungangko lalang ri pakkemaanga untu' alla'langngiko siagang untu' assareko pammetang mae ri musu-musunnu. Jari, jagai sollanna tuli matangkasa' pakkemaannu. Teako nia' apa-apa tenaya nasiratang ri alla'nu, sollanna tena Nabokoiko Batara.”

IBRANI 12:20

Mingka tanatahangai ke'nanga allangngereki anjo parenta napabattua anjo sa'raya. Nasaba' nakana anjo sa'raya, “Sikamma tau anseroai anne buluka, baji' naolo'-olo', yareka manna pole inai, musti nisambilai batu sa'genna mate.”

YOSUA 5:15

Appialimi anjo panglima tantaraNa Batara angkana, “Sungkei sapatunu; antu butta nupammentengia iamintu butta matangkasa'.” Jari nasungkemi sapatuna Yosua.

2 PETRUS 1:18

Kalenna ikambe allangngereki anjo sa'ra battua ri suruga ri wattunta nia' angngagangi rate ri anjo bulu' matangkasaka.