KALAPPASSANG 3:22 - KITTA' MATANGKASA'

²² Tunggala' tu baine Israelka massing lappalaki battu ri siampi' balla'na tu Mesirka kammayatompa battu ri tu baine naaganga siballa', iamintu pakeang siagang belo-belo pera' siagang bulaeng. Lanupakei anjo belo-beloa siagang ana'-ana'nu. Kammaminjo batenu langngalleangi apa-apanna tu Mesir.”

KALAPPASSANG 3:22 ပူးပေါင်းရင်းမြစ်များ

PA'JARIANG 15:14

Mingka anjo bansa ampa'jari atayai turungannu laKuhukkungi. Siagang punna nabokoi turungannu anjo pa'rasanganga, langngerangi ke'nanga jai barang-barang.

PA'JARIANG 24:53

Nampa appasulu'mo pakeang, belo-belo pera' siagang bulaeng, nampa napassareang ngaseng anjo sikammaya mae ri Ribka. Kammayatompa daenna siagang amma'na nasare tommi hadia yangaseng ka'jalaka ballinna.

PAMMUJI 105:37

Nampa Naantara' bansa Israel assulu', angngerangi ke'nanga pera' siagang bulaeng; yangasenna baji' ngaseng tubuna siagang gassing.

KALAPPASSANG 11:2

Lanri kammana anjo a'bicara mako siagang bansa Israel; suroi ke'nanga appala' belo-belo bulaeng siagang pera' battu ri siampi' balla'na ke'nanga.”

PANGNGEBARANG 13:22

Tau bajika ammoliki warisi' kakalumanynyangngang mae ri ana' cucunna; kakalumanynyangnganna tau dorakaya niboliki untu' tau lambusuka ri tallasa'na.

YESAYA 33:1

Cilakai sikamma musunta! Angngellaki ke'nanga, manna pole tena naniellaki, angngalle bokoi, manna pole tenaja nialle bokoi. Mingka le'baki ke'nanga angngella' siagang angngalle boko, kalenna ke'nanga laniella' siagang lanialle boko.

YEHEZKIEL 39:10

Jari taparalluami ke'nanga appasse're kayu tunuang ri kokoa yareka anna'bang poko' kayu ri romanga, nasaba' sikontu anjo sanjata nibokoia sukku' jaina untu' nipare' kayu tunuang. Lanaellaki siagang lanarampasaki barang-baranna sikamma tau le'baka angngellaki siagang anrampasaki barang-baranna ke'nanga. INakke, Batara Kaminang Tinggia, anne akkana.”