KALAPPASSANG 3:18 - KITTA' MATANGKASA'

¹⁸ Lanapilangngeri ummakKu kana-kanannu. Nampa musti siagangko sikamma pamimpinna tu Israel a'lampa mange andallekang ri Karaeng Mesir siagang angkana ri ia, ‘Batara, Allata'alana tu Ibrani, nia'mi battu ampappicinikangi KalenNa mae ri kambe. Kamma-kamma anne kisaremi ising ikambe a'lampa kira-kira tallungallo sallona nijappai battu anrinni, mange ri parang lompoa untu' assare koro'bang mae ri Batara, Allata'alana ikambe.’ ”

KALAPPASSANG 3:18 ပူးပေါင်းရင်းမြစ်များ

PA'JARIANG 12:1

Nakanamo Batara ri Abram, “Bokoi pa'rasangannu, sikontu bija-bijannu siagang balla'na manggenu, nunampa a'lampa mange ri se'reang pa'rasangang laKupappicinikanga mae ri kau.

PA'JARIANG 14:13

Mingka nia'mo sitau ta'lappasa' battu ampabattuangi Abram anjo tu Ibrania, sikamma anjo apa kajarianga. Anjo Abram niaki ammantang ri ampi'na poko'-poko' kayu karama' ri tampa' passambayanganna niarenga Mamre, sitau tu Amori. Na anjo Mamre siagang sikamma sari'battanna, iamintu Eskol siagang Aner, agannai Abram.

PA'JARIANG 15:1

Le'baki anjo, anggappami Abram pappiso'na siagang nalangngere'mi Batara angkana ri kalenna, “Teako mallakki Abram. LaKujagaiko battu ri balaya, siagang laKusareko pahala lompo.”

PA'JARIANG 17:1

Ri wattunna salapampulo assalapang taung umuru'na Abram, Napappicinikammi KalenNa Batara mae ri ia na Nakana, “INakkemi Allata'ala Kaminang Koasaya. Turuki laloA' siagang tuli gaukangi erokKu.

PA'JARIANG 48:3

Nakanamo Yakub mae ri Yusuf, “Le'ba'mi Napappicinikang KalenNa Allata'ala Kaminang Koasaya mae ri nakke ri Lus, ri butta Kanaan, siagang le'ba'ma' Nabarakkaki.

2 PATTOTTORANG 30:12

Manna ri Yehuda Napagio' tonji Allata'ala siagang Napa'julu ati ra'yaka untu' attojeng-tojeng mannuruki ri ero'Na Allata'ala, sa'genna naturuki parentana karaenga siagang pagawe-pagawena.

PAMMUJI 110:3

Ri allo battunu siagang koasa, ri bulu' matangkasa' ra'ya'nu maju siagang pa'mai' rella. Sanrapang saliu' ri bari'basaka, sikamma tau rungkaya battu mae ri kau.

KALAPPASSANG 10:3

Nampa a'lampami Musa siagang Harun mange andallekang ri karaenga na nakana ri ia, “Batara, Allata'alana bansa Ibrani, appasangi angkana, ‘Siapapi sallonu taeroka tundu' mae ri Nakke? Lappassammi ummakKu a'lampa, sollanna akkulle ke'nanga nagaukang ibadana mae ri Nakke.

KALAPPASSANG 17:5

Nakanamo Batara ri Musa, “Kioki siapa are pamimpinga siagang a'jappa mako siagang ke'nanga, a'jappa riolo ri dallekanna anjo bansaya. Erang tongi takkannu le'baka nupake untu' antunrungi Binanga Nil.

KALAPPASSANG 19:1

Le'baki anjo a'lampami tu Israel ambokoi Rafidim. Na ri tanggala' se're bulang makatallu ri le'ba'na nabokoi Mesir, battumi ke'nanga mae ri parang lompona Sinai. Appare'mi ke'nanga kema ri bangkenna Moncong Sinai,

KALAPPASSANG 25:22

AnjorengA' ri tampaka lasibuntulu' siagang ikau; siagang battu rate ri pattongko'na, ri alla'na anjo ruaya malaeka' akka'nyi', laKusareko hukkung-hukkungKu untu' bansa Israel.”

KALAPPASSANG 3:12

Appialimi Allata'ala angkana, “INakke lantulungko. Napunna nuerammo assulu' anjo bansaya battu ri Mesir, lanugaukang ngasemmi ibadaya mae ri Nakke ri anne monconga. Iaminjo a'jari butti angkana iNakke assuroko.”

KALAPPASSANG 3:16

A'lampamako siagang passe'rei sikontu pamimpinna tu Israel. Pa'la'bangi pauang ke'nanga angkana iNakke, Batara, Allata'alana boe-boena ke'nanga, Allata'alana Abraham, Ishak siagang Yakub, le'ba'mi Kupappicinikang KalengKu mae ri kau. Pauangi ke'nanga angkanaya battuMa' mae ri ke'nanga siagang Kucini'mi antekamma batena nigau' ke'nanga ri bansa Mesir.

KALAPPASSANG 30:36

Anjo kamanynyanga musti nidengkai sipa'gang sa'genna alusu'. Erangi anjo mae ri KemaKu nampa nupakioro' ri dallekanna Patti Parjanjianga. Anjo kamanynyanga musti nipare' kammai barang matangkasa', ia nisa'laka untu' iNakke. Teako appareki kamanynyang ia nicampuru' kammaya anjo untu' kalennu.

KALAPPASSANG 30:6

Padongkoki anjo tampa' pa'dupanga ri bageang pantara'na kaeng niaka ri dallekanna Patti Parjanjianga, iamintu ri tampa' laKupassibuntulia siagang ikau.

KALAPPASSANG 4:1

Nampa appialimo Musa ri Batara angkana, “Mingka antekamma ebara' angkana taerokai tu Israelka tappa' siagang taerokai anjampangi kana-kanangku? Apa musti kugaukang ebara' angkana nakana ke'nanga tena nale'ba' Napappicinikang KalenNa Batara mae ri nakke?”

KALAPPASSANG 4:23

siagang ikau Kuparentakang mako sollanna nusare ising anjo anakKu untu' a'lampa, sollanna akkulle nagaukang ibadana mae ri Nakke; mingka nutollaki anjo parentaKu. Kamma-kamma anne laKubunoi ana'nu toaya.’ ”

KALAPPASSANG 4:24

Ri se'reang tampa' pakkemaang lalang anjo pa'jappanga, battui Batara mae ri Musa siagang eroki Nabuno Musa.

KALAPPASSANG 4:31

Jari tappa'mi ke'nanga; siagang nalangngere'namo ke'nanga angkanaya Naparhatikammi Batara bansa Israel kammayatompa Nacini'mi sikamma kasessanna ke'nanga, su'ju'mi ke'nanga anynyomba.

KALAPPASSANG 5:1

Nampa a'lampamo Musa siagang Harun mange andallekang ri Karaeng Mesir. Nakana ke'nanga, “Kammaminne parentaNa Batara, Allata'alana Israel, ‘Sarei ising bansaKu a'lampa sollanna akkulle ke'nanga anggaukangi ibadana mae ri Nakke ri parang lompoa.’ ”

KALAPPASSANG 5:3

Nakanamo Musa siagang Harun, “Le'ba'mi Napappicinikang KalenNa Allata'alana tu Ibrani mae ri kambe. Kisaremi ising ikambe a'lampa mange ri parang lompoa, kira-kira bellana battu anrinni tallungalloi nijappai. Eroki kambe mange assare koro'bang mae ri Batara, Allata'alana ikambe. Punna tanagaukangnga ikambe anjo kammaya, lanibunoi ikambe passala' garring yareka pa'bundukang.”

KALAPPASSANG 7:16

Pauangi anjo karaenga angkana: Batara, Allata'alana tu Ibrania, Nasuroa' ampabattui mae ri katte, sollanna kilappassang a'lampa umma'Na mange untu' anggaukangi ibadana mae ri Ia ri parang lompoa. Mingka sa'genna kamma-kamma anne tena kiero' appilangngeri.

KALAPPASSANG 8:1

Nampa Nakana Batara ri Musa, “A'lampako mange andallekang ri karaenga siagang pabattui mae ri ia pasangKu anne: Lappassangi ummakKu a'lampa untu' anggaukangi ibadana mae ri Nakke.

KALAPPASSANG 8:20

Nakanamo Batara ri Musa, “A'lampako ammuko bari'basa' dudu andallekang ri karaenga ri wattunna naung ri binangaya, nampa nupauang anne kanangKu: Lappassangi ummakKu a'lampa mange anggaukangi ibadana mae ri Nakke.

KALAPPASSANG 8:23

Lania' passisalanna ummakKu siagang ra'ya'nu. Anjo gau' malompoa lakajariangi ammuko.”

KALAPPASSANG 9:1

Nakanamo Batara mae ri Musa, “A'lampako mange andallekang ri karaenga nampa nupau mae ri ia angkanaya Batara, Allata'alana tu Ibrania, angkanai: Lappassangi ummakKu a'lampa sollanna akkulle ke'nanga anggaukangi ibadana mae ri Nakke.

KALAPPASSANG 9:13

Nakanamo Batara ri Musa, “A'lampako ammuko bari'basa' dudu mange andallekang ri karaenga, nampa nupabattuang angkanaya Batara, Allata'alana tu Ibrani Nakana: Lappassangi ummakKu sollanna akkulle ke'nanga a'lampa mange anggaukangi ibadana mae ri Nakke.

YESAYA 64:5

Kiruppai tau lambusuka siagang tau attallasaka situru' erotTa. LarroKi' mae ri kambe, mingka tuli dorakana ikambe memang battu riolo iji nasala ikambe.

YEREMIA 2:6

Tenamo najampangiA'; iNakke, le'baka angngului ke'nanga ri aganga, siagang angngerangi ke'nanga assulu' battu ri Mesir allalo ri parang kassika, daera roso' a'lekko-lekkoa, butta kalotoro' siagang jaia bahayana – parang tenaya nanipammantangngi siagang tenaya nanipanumaloi!

YEREMIA 26:5

Musti nupilangngeri tongi apa napaua ata-atangKu, sikamma na'bi tenaya ammarina tuli Kusuro battu mae ri kau. Mingka teako ampilangngeri ke'nanga.

PAMMILANGNGANG 17:4

Erangi anjo sikamma takkanga mange ri KemaKu siagang padongkoki ri dallekanna Patti Parjanjianga, ri tampa' biasaya Kupassibuntuli siagang ikau.

YOSUA 1:17

Lamannuruki ikambe mae ri kau, sangkamma todong tuli mannurukinna ikambe mae ri Musa. Dasi-dasi naNarurungangko Karaeng Allata'alanu sangkamma todong Narurunganna Musa!