KALAPPASSANG 3:17 - KITTA' MATANGKASA'

¹⁷ Siagang le'ba'mi Kupattantu untu' angngerangi ke'nanga assulu' battu ri Mesir, tampa'na nijallakkang ke'nanga, siagang Kuantaraki ke'nanga mange ri se'reang pa'rasangang kalumanynyang siagang copponga buttana, iamintu pa'rasangang Kanaan, bansa Het, Amori, Feris, Hewi, siagang Yebus.

KALAPPASSANG 3:17 ပူးပေါင်းရင်းမြစ်များ

PA'JARIANG 46:4

LaKururungangko mange ri Mesir, siagang laKuerangi ammotere' mae anrinni ri pa'rasanganga turungannu. Laniaki Yusuf ri sa'rinnu punna lanarapi' a'jala'nu.”

PA'JARIANG 50:24

Nakanamo ri sikamma sari'battanna, “A'birimmi narapi' a'jalakku, mingka mattantu laNaparakai ngasengko siagang laNapimpingko Allata'ala assulu' battu ri anne pa'rasanganga mange ri pa'rasangang le'baka Napa'janjiang siagang sumpa mae ri Abraham, Ishak siagang Yakub.”

PA'JARIANG 50:25

Nampa nasuromo Yusuf sikamma bija pammanakanna assumpa angkana, “A'janji mako ri nakke, angkanaya punna Napimpingko Allata'ala mange ri anjo pa'rasanganga, lanuerang tongi mayakku.”

1 PATTOTTORANG 1:15

Hewi, Arki, Sini,

PAMMUJI 102:21

untu' ampilangngeri kunrarenna tunitahanga na Napakabebasa' tau nihukkung matea.

KALAPPASSANG 13:5

A'janjimi siagang assumpami Batara mae ri boe-boenu untu' laNapassareang mae ri kau pa'rasanganna bansa Kanaan, Het, Amori, Hewi, siagang Yebus. Punna Naerang mako Batara mange anjoreng ri anjo pa'rasangang akkalumanynyanga siagang copponga, tunggala' taung lalang bulang Abib, musti nugaukangi anne pa'gaukang kammaya.

KALAPPASSANG 32:34

Kamma-kamma anne a'lampamako, nampa nuerang anjo ke'nanga mange ri tampa' le'baka Kupau mae ri kau. MalaekakKu lanrurungangko, mingka nia' se're wattu sallang na narapi' wattunna laKuhukkung ke'nanga lanri dosa-dosana ke'nanga.”

KALAPPASSANG 33:3

Lamangeko ri butta kalumanynyanga siagang copponga. Mingka iNakke KalengKu tena Kula'lampa siagang ikau ngaseng, sollanna tena naKuancurukko ri tangngana aganga, lanri ikau bansa kapala batu ngasengko.”

KALAPPASSANG 6:6

LaKupa'jariko ummakKu, siagang iNakke a'jari Allata'alanu. Na lanuassemmo angkanaya iNakkemi anne Batara, Allata'alanu, le'baka allappassangko battu ri Mesir, ampare' atayako.

YEREMIA 11:5

Punna nagaukang ngaseng ke'nanga anjo sikammaya, laKurupai janjingKu mae ri boe-boena ke'nanga angkanaya pa'rasangang copponga siagang kalumanynyanga, ia napammantangngia ke'nanga kamma-kamma anne, laKupassareangi mae ri ke'nanga.” Appialima' angkana, “Baji'mi, Batara.”

YEREMIA 32:22

Pa'rasangang bajika siagang copponga Kipassareang mae ri ke'nanga sangkamma le'baka Kipa'janjiang mae ri boe-boena ke'nanga.

YEHEZKIEL 20:6

Anjo wattua assumpA' angkana laKuerangi ke'nanga assulu' battu ri Mesir mange ri pa'rasangang Kupilea untu' ke'nanga. Anjo pa'rasanganga kalumanynyangi siagang coppongi, butta kaminang bajika ri sikontu linoa.

KAIMANGNGANG 20:24

Pa'rasangang akkalumanynyanga siagang copponga buttana anjo, le'ba'mi Kupa'janjiang mae ri kau, jari Kupassareangi mae ri kau untu' nupatang. INakke Karaeng Allata'alanu le'baka ansa'lakko battu ri alla'na bansa-bansa maraenga.

PAMMILANGNGANG 13:27

Nakana ke'nanga mae ri Musa, “Le'ba'mi nasalidiki ikambe anjo pa'rasanganga; anjo pa'rasanganga kalumanynyangi siagang coppongi buttana nacini' ikambe. Iaminne sike'de' rappo-rappoang niaka anjoreng.

PAOLE 26:9

Nampa Kierang ikambe mae anrinni siagang Kipassareang anne butta akkalumanynyanga siagang copponga mae ri kambe.

PAOLE 6:3

sikamma sari'battangku ngaseng; gaukangi anjo kammaya siagang pa'mai' tamamminranu, sollannu salewangang siagang a'jari bansa lompo ri pa'rasangang kalumanynyanga siagang copponga buttana, sangkamma Napa'janjianga Karaeng Allata'alana boe-boeta.

YOSUA 24:11

Nampa a'limbangko ri Binanga Yordan, nubattu mange ri Yerikho. Nibundukiko ri tu Yerikho, kammayatompa ri tu Amori, ri tu Feris, ri tu Kanaan, ri tu Het, ri tu Girgasi, ri tu Hewi siagang ri tu Yebus. Mingka Kusareko pammetang mae ri yangasenna anjo ke'nanga.

YOSUA 9:1

Tassiaraki anjo kabara'-kabara' pammetanna tu Israel sa'genna mae ri sikontu karaeng niaka ilaukanna Binanga Yordan, iamintu niaka ri daera pa'monconganga, ri bangkenna monconga, ri lappara' a'la'bua ri birinna Tamparang Tangngaya sa'genna mange ri Moncong Libanon bellana ri bageang wara'; kammayatompa karaeng-karaeng tu Het, tu Amori, tu Kanaan, tu Feris, tu Hewi siagang karaenna tu Yebus.