KALAPPASSANG 3:13 - KITTA' MATANGKASA'

¹³ Appialimi Musa angkana, “Mingka punna mangea' ri tu Israel siagang kukana ri ke'nanga: ‘Allata'alana boe-boenu assuroa' battu anne mae ri kau ngaseng,’ tantu lakkuta'nangi ke'nanga angkana, ‘Inai arenNa?’ Jari apa musti kupappialiang mae ri ke'nanga?”

KALAPPASSANG 3:13 ပူးပေါင်းရင်းမြစ်များ

PA'JARIANG 32:29

Nakanamo Yakub, “Kipaumi inai arenTa Karaeng.” Mingka appialimi anjo taua angkana, “Tena naparallu nupakkuta'nangngang angkana inai arengku!” Nampa nabarakkaki Yakub.

KALAPPASSANG 15:3

Batara tubarani makassaka, Batara, iaminjo arenNa.

KALAPPASSANG 3:12

Appialimi Allata'ala angkana, “INakke lantulungko. Napunna nuerammo assulu' anjo bansaya battu ri Mesir, lanugaukang ngasemmi ibadaya mae ri Nakke ri anne monconga. Iaminjo a'jari butti angkana iNakke assuroko.”

KALAPPASSANG 3:14

Nakanamo Allata'ala, “INakke iamintu INAKKE NIAKA. Iaminne musti nupau mae ri bansa Israel angkanaya, Ia niarenga INAKKE NIAKA, Iaminjo assuroa' battu mae ri kau ngaseng.

KALAPPASSANG 3:15

Kabarrang tongi angkanaya iNakke, Batara, Allata'alana boe-boena ke'nanga, Allata'alana Abraham, Ishak siagang Yakub, ansuroko mae ri ke'nanga. INakke Batara, iaminjo arengKu sa'genna satunggu-tungguna. Iaminjo nisa'bukanga' ri sikontu bansaya sa'genna sikontu bija-bijanna.

KALAPPASSANG 7:16

Pauangi anjo karaenga angkana: Batara, Allata'alana tu Ibrania, Nasuroa' ampabattui mae ri katte, sollanna kilappassang a'lampa umma'Na mange untu' anggaukangi ibadana mae ri Ia ri parang lompoa. Mingka sa'genna kamma-kamma anne tena kiero' appilangngeri.

PANGNGEBARANG 30:4

Tau kereanga le'ba' nai' naung ri suruga? Le'bakika angngangkang anging lalang limanna, siagang anroko' je'ne' lalang ri bajunna, yareka ampattantui pa'baeng-baenna linoa? Inaika anjo taua, siagang inai ana'na? Mattantu nuassengi!

YESAYA 52:6

Lanri kammana anjo lanuakuimi angkana iNakke Allata'ala, nampa anjo wattua lanuasseng ngasemmi angkanaya iNakke anne a'bicara mae ri kau.”

YESAYA 7:14

Kamma-kamma anne, KalenNa Batara lassare tanra mae ri kau: Nia' sallang sitau tulolo latianang siagang allassukang sitau ana' bura'ne, lanaarenga Imanuel.

YESAYA 9:6

Ammarentai salaku turunganna Daud, kakoasanNa tamaka lompona. Tuli laamangi na salewangang pa'rasanganNa; pamarentahanNa ta'dongkoki rate ri hukkung siagang kaadelang anne kamma siagang satunggu-tungguna. Batara Kaminang Makoasaya, mattantu laNarupaina.

YEREMIA 23:6

Punna ammarentai, lasalamaki tu Yehuda, siagang tu Israel lattallasaki siagang amang. Anjo karaenga lanigallaraki ‘Batara Kasalamakkanta’.

MATIUS 1:21

Lammanaki sallang Maria sitau ana' bura'ne. Na anjo anaka musti nuarengi sallang Isa, nasaba' Iami sallang lampasalamaki umma'Na battu ri kapanrakanga.”

MATIUS 1:23

“Nia' sallang se're tulolo latianang siagang allassukang sitau ana' bura'ne. Anjo anaka lanigallaraki Imanuel.” (Imanuel iamintu bicara tu Ibrani, battuanna “Niaki Allata'ala anrurungangki'”.)

LAMPA-LAMPANA 3:13

Allata'ala nasombaya Abraham, Ishak, Yakub, Allata'alana boeta, Iaminjo Allata'ala ampakalompoai Ana'Na, iamintu Isa. Iaminjo Isa le'baka nupassareang ri pamarentaya, siagang numusua ri dallekanna Pilatus, ri wattunna ero' nilappassang ri Pilatus.

HAKING-HAKING 13:6

Le'baki anjo mangemi bainenna Manoah ri bura'nenna na nakana, “Daeng, nia' suroNa Allata'ala mae ri nakke, kammai tanja'na malaeka'Na Allata'ala, sa'gengku malla' dudumo. Tena nakupakkuta'nangang angkana battu kemaei. Na tena todong napauanga' arenna.