KALAPPASSANG 3:11 - KITTA' MATANGKASA'

¹¹ Mingka nakanamo Musa ri Allata'ala, “Inai tonga' anne inakke, sa'gengku akkulle andallekang ri karaenga siagang angngerangi bansa Israel assulu' battu ri Mesir?”

KALAPPASSANG 3:11 ပူးပေါင်းရင်းမြစ်များ

2 SAMUEL 7:18

Nampa antama' Karaeng Daud ri KemaNa Batara. Ammempoi nampa appala' doang angkana, “O, Batara Kaminang Tinggia, inakke siagang kaluargaku tena kusiratang antarimai sikontu kabajikang Kipappicinikanga mae ri nakke anne siapaya sallona.

1 KARAENG-KARAENG 3:7

O Batara, Allata'alaku, Kiangkaka' a'jari karaeng ansambeangi manggeku, manna kurungka dudu ija siagang takuassengapi angkanaya antekamma carana ammarenta.

1 KARAENG-KARAENG 3:9

Lanri kammana anjo Batara, poro Kisare laloa' pangngassengang mabaji', ia kuparalluanga untu' ammarenta ri anne ummatTa siagang adele', siagang untu' akkulle angngassengi angkanaya kerea baji' siagang kerea kodi. Punna tena nakamma, antekamma olona akkulle kuparenta anne ummatTa lompo kammaya?”

1 PATTOTTORANG 29:14

Inakke siagang anne ra'yakku sikontutojenna tena pakkullena assare apa-apa mae ri Katte, lanri yangasenna passareTa tonji. Na anne apa napassareanga ikambe iKatte tonji pata.

KALAPPASSANG 6:12

Kammaminjo naNasuromo Batara anjo Musa siagang Harun mange ampabattui mae ri bansa Israel siagang mae ri Karaeng Mesir angkanaya nisarei tugasa' ke'nanga ri Batara untu' ampimpingi anjo bansa Israelka assulu' battu ri Mesir.

YEREMIA 1:6

Appialia' angkana, “O Batara Kaminang Tinggia, inakke tena kucara'de' a'bicara lanri rungka dudu ija'.”

2 KORINTUS 3:5

Tena manna sirupa kagassingang ri kalenna ikambe nakkulle ikambe anggaukangi anne jama-jamanga; mingka Allata'ala assarei pakkulle ikambe.

HAKING-HAKING 6:15

Appialimi Gideon angkana, “Angngapa, na inakke Batara? Maka inakke lakkulle allappassangi umma' Israel battu ri kakoasanna tu Midian? Lalang ri suku Manasye, golongangkumi kaminang lamma. Na ilalang ri bija pammanakangku, inakkemi kaminang tuna.”

1 SAMUEL 18:18

Appialimi Daud angkana, “Inai kutadeng anne atanta, siagang apa todong anggaranna kaluargana manggena atanta ri Israel, sa'genna akkulle anne atanta a'jari mintunta karaeng?”