KALAPPASSANG 3:10 - KITTA' MATANGKASA'

¹⁰ Kamma-kamma anne Kusuroko untu' mange andallekang ri Karaeng Mesir sollanna akkulle nupimping bansaKu assulu' battu ri anjo pa'rasanganga.”

KALAPPASSANG 3:10 ပူးပေါင်းရင်းမြစ်များ

PA'JARIANG 15:13

Nakanamo Batara ri ia, “U'rangi, angkanaya la'jari tubattu-battui turungannu ri se'reang pa'rasangang maraeng; la'jari atai ke'nanga anjoreng siagang lanijallakkangi patambilangngang taung sallona.

PA'JARIANG 15:14

Mingka anjo bansa ampa'jari atayai turungannu laKuhukkungi. Siagang punna nabokoi turungannu anjo pa'rasanganga, langngerangi ke'nanga jai barang-barang.

PAMMUJI 105:26

Nampa Nasuro Musa atanNa siagang Harun tunipileNa.

PAMMUJI 77:20

A'jappaKi' mannete bombang, anjappai tamparang, mingka takabateangai bate bangkenTa.

KALAPPASSANG 12:40

Nia'mo 430 taung sallona ammantang bansa Israel ri Mesir.

KALAPPASSANG 12:41

Ri allo kala'busanna anjo taung maka-430 taung, sikontu barisanna anjo umma'Na Batara a'lampami ambokoi butta Mesir.

KALAPPASSANG 33:12

Ri se'reang allo nakana Musa mae ri Batara, “O, Batara, Kiparentakanga' anrurungangi anne bansaya mange ri pa'rasangang Kipa'janjianga. Mingka taKipauai angkana inai laKisuro untu' antulunga'. Kikana Kiassenga', Batara, siagang mangngellaiKi' ri nakke.

KALAPPASSANG 33:13

Punna kamma, Kipauang laloma' angkana apa rancanaTa, sollangku akkulle allayaniKi' siagang tuli kupakasannang pa'maitTa. Kiu'rangi tongi angkanaya anne bansaya le'ba'mi Kipile a'jari iKatte ampatangi.”

KALAPPASSANG 6:26

Iaminjo ke'nanga sipa'rua andallekang ri Karaeng Mesir sollanna nalappassang tu Israel.

HOSEA 12:13

Nampa lari Yakub, iamintu boe-boeta, mange ri Mesopotamia; siagang napa'jari atami kalenna a'jari pakalawaki gimbala' untu' anggappa baine battu ri ana'na anjo patannaya gimbala'.

MIKHA 6:4

Le'ba' mako Kuerang assulu' battu ri butta Mesir, siagang Kulappassangko battu ri nipareka ata; le'ba'mi Kusuro Musa, Harun, siagang Miryam untu' ampimpingko.

LAMPA-LAMPANA 7:34

Kucini'mi siagang Kuparhatikammi antekamma pa'risi'na katallassanna ummakKu ri Mesir. Kulangngere'mi kunrarenna ke'nanga, naKunaummo ero' allappassangi ke'nanga. Kamma-kamma anne, mae mako! LaKusuroko ammotere' mange ri Mesir.’

LAMPA-LAMPANA 7:36

Iaminjo Musa ampimpingi bansa Israel assulu' battu ri Mesir; iami anggaukangi anjo gau'-gau' appakalannasaka ri Mesir, ri Tamparang Ejaya, kammayatompa ri parang lompoa patampulo taung sallona.

LAMPA-LAMPANA 7:6

Mingka iaminne kananNa Allata'ala ri ia, ‘Lammantangi sossorannu a'jari tu battu-battu ri pa'rasanganna taua. Lanipa'jari atai ke'nanga ri patanna anjo pa'rasanganga, siagang lanigau' pallaki ke'nanga patambilangngang taung sallona.

LAMPA-LAMPANA 7:7

Mingka laKuhukkungi anjo bansa ampa'jari atayai ke'nanga, nampa assulu' ke'nanga battu anjoreng ri pa'rasanganga. Nampa lanynyombai ke'nanga mae ri Nakke anrinni ri tampaka.’

HAKING-HAKING 6:14

Jari nisaremi parenta Gideon ri Batara, angkanaya “Lalang ri sikontu kagassingannu a'lampamako mange allappassangi tu Israelka battu ri kakoasanna tu Midian. INakkemi assuroko.”

1 SAMUEL 12:6

Nampa nakanamo pole Samuel, “Batara ampilei Musa siagang Harun, siagang angngerangi boe-boenu assulu' battu ri Mesir.

1 SAMUEL 12:8

Ri wattunna battu Yakub siagang kaluargana mange ri Mesir, na nijallakkang ke'nanga ri tu Mesir, appala' tulungi boe-boenu mae ri Batara, nampa Nasuromo battu Musa siagang Harun. Iaminjo tau ruaya angngerangi boe-boenu assulu' battu ri Mesir, siagang antulungi ke'nanga ammantang ri anne buttaya.