KALAPPASSANG 29:7 - KITTA' MATANGKASA'

⁷ Nampa angngalleko minynya' upacara, patiriki nai' ri ulunna siagang minynyaki anjo Harun.

KALAPPASSANG 29:7 ပူးပေါင်းရင်းမြစ်များ

PAMMUJI 133:2

Anjo sanrapangi minynya' wangi ka'jalaka ballinna nipatirika naung ri ulunna Harun, nampa naung ri kallong bajunna.

PAMMUJI 89:20

Riolo dudu lalang se're so'na, Kikana mae ri ata tamamminraTa, “Le'baki Kutulung se'rea tubarani, se'rea tule'ba' Kupile battu ri ra'ya', Kupakatinggimi.

KALAPPASSANG 28:41

Pipakei sari'battannu Harun anjo pakeanga siagang ana'-ana'na. Minynyaki ke'nanga siagang minynya' zaitun; kammaminjo nanilanti'mo ke'nanga siagang nisa'la'mo ke'nanga untu' allayaniA' salaku imang.

KALAPPASSANG 40:13

Pipakei Harun siagang pakeang imang, siagang minynyaki sollanna nisa'la' untu' allayaniA' salaku imang.

YESAYA 61:1

KoasaNa Batara Kaminang Tinggia niaki ri nakke; Napilea' siagang Nasuroa' untu' angngerang kabara' baji' mae ri tau kasi-asia siagang ampammollei tau ancuruka pa'mai'na; untu' ampa'la'bangi mae ri tau nitahanga angkanaya tasalloami nanilappassang ke'nanga, siagang mae ri sikamma tau nitarungkua angkanaya lanipasulu'mi ke'nanga.

KAIMANGNGANG 10:7

Teako bokoi KemaNa Batara sollanna tena numate, nasaba' le'ba' ngaseng mako nilanti' siagang minynya' upacara untu' allayani Batara.” Nagaukammi ke'nanga situru' nakananga Musa.

KAIMANGNGANG 21:10

Imang Lompoa le'ba'mi nilanti' ri wattu nitirikinna minynya' upacara ulunna siagang nipatabana pakeang imang lompoa ri kalenna. Lanri kammana anjo takkulleai nabalang parekang a'jari rotto' uu'na yareka nakekkeki pakeanna lanri natujuna kasusaang kamateang.

KAIMANGNGANG 7:35

Battu ri kanre nipassareanga mae ri Batara, iaminjo bageang nipassareanga mae ri Harun siagang ana'-ana'na ri allo nilanti'na ke'nanga a'jari imang.

ZAKHARIA 4:14

Nakanamo, “Iaminjo battuanna ruaya tau le'baka Napilei Batarana sikontu linoa siagang nijo'joka untu' a'jari palayanNa.”

PAMMILANGNGANG 35:25

Anjo umma' asse'rea musti najagai anjo tau tenaya nakunjungi ammuno battu ri pa'balasa'na bija-bijanna anjo tau matea. Anjo taua musti nierangi ammotere' mange ri kota palarianga, iamintu tampa' palarianna. Musti ammantangi anjoreng sa'genna matemo anjo tau a'jari Imang Malompoa anjo wattua; punna le'ba'mi anjo nampami akkulle ammotere' mange ri kamponna. Mingka punna nabokoi anjo kota tampa' palarianna, nampa nigappa siagang nibuno ri bijanna anjo tunibunoa, anjo panggaukang kammaya teai pammunoang.

YOHANES 3:34

Nasaba' tunisuroa ri Allata'ala, Napabattui kana-kananNa Allata'ala, lanri nipassareang ngasemmi RohNa Allata'ala ri Ia.

1 YOHANES 2:27

Mingka ri passala'na kalennu ngaseng, le'ba'mi Napaturung Almasi RohNa mae ri kau ngaseng. Na lalang nia'na RohNa ri kau ngaseng, tenamo naparallu nia' tau angngajarakko. Nasaba' iaminjo RohNa angngajarakko untu' sikontu passalaka; na anjo apa Napangngajarranga kontutojengi, teai balle-balle. Lanri kammana, paralluko mannuruki ngaseng mae ri anjo apa Napangngajarranga; siagang paralluko tuli asse're siagang Almasi lalang ri katallassannu.