KALAPPASSANG 29:4 - KITTA' MATANGKASA'

⁴ Suroi Harun siagang ana'-ana'na battu ri pakke'bu' KemaKu siagang natangkasi kalenna.

KALAPPASSANG 29:4 ပူးပေါင်းရင်းမြစ်များ

KALAPPASSANG 26:36

Apparekko gordeng pakke'bu' Kema battu ri kaeng lenang alusu' ia nitannunga siagang wol gau', lame butung siagang eja, na nibelo-belo siagang sulang.

KALAPPASSANG 29:3

Boliki lalang ri baku' siagang passareangi anjo mae ri Nakke assama siagang koro'bang sapi laki na ruang kayu gimbala' laki.

KALAPPASSANG 40:12

Le'baki anjo, suroi Harun siagang ana'-ana'na battu ri pakke'bu' Kemaya na nabissai kalenna.

KALAPPASSANG 40:28

Nagentungi Musa gordenga ri pakke'bu' Kemaya,

KALAPPASSANG 40:32

punna antama' ke'nanga ri KemaNa Batara yareka punna a'reppese' ke'nanga anjoreng ri tampa' pakkoro'bangnganga.

YEHEZKIEL 36:25

Le'baki anjo Kupiracciki mako je'ne' ci'nong, sollannu a'jari tangkasa' battu ri sikontu barhalanu siagang battu ri sikontu anra'massiako.

YEHEZKIEL 42:14

Punna le'ba' imanga anggaukangi tugasa'na ri Balla'Na Batara, siagang eroki a'lampa mange ri paranglakkeng bageang pantaranga, anjo pakeang tassa'la' napakea ke'nanga wattu allayani ri ibadaya, musti naboliki ke'nanga ri sikamma anjo kamaraka. Musti ammakei ke'nanga pakeang maraeng; le'baki anjo nampami ke'nanga akkulle a'lampa mange ri tampa'na ra'yaka a'rappung.”

KAIMANGNGANG 14:8

Nampa anjo jangang-jangang attallasaka ija musti nalappassangi ri paranga. Nampa anjo taua musti nasassai pakeanna, nacukkuru' ngasengi uu'na, siagang a'je'neki. Jari tangkasa'mi anjo taua siagang akkullemi antama' ri pakkemaanga, mingka lalanna tuju alloa pole takkulleapi antama' ri kema kalenna.

PAMMILANGNGANG 8:9

Nampa passe'rei sikontu umma' Israel siagang suroi tu Lewi ammenteng ri dallekang KemaKu.

EFESUS 5:26

NaNagaukang Almasi anjo kammaya, sollanna akkulle Natangkasi jama'aka lalang ri pangngajaranNa kammayatompa lalang ri je'ne' pa'je'ne', nampa akkulle Napassareang anjo jama'aka mae ri Allata'ala.

PAOLE 23:11

Punna lakaruemmo, musti a'je'neki siagang punna labumo alloa akkullemi ammotere' mange ri kemaya.

TITUS 3:5

Napasalama' maki', lanri KalenNa angkamaseangki', jari teai lanri nia'na kabajikang le'ba' nigaukang. Napasalamakki' tete ri RohNa Allata'ala assareaki' kajariang beru siagang katallassang beru lanri Natangkasinta.

IBRANI 10:22

Lanri kammana, mae mako nakia'reppese' ri Allata'ala siagang tulusu' pa'mai' kammayatompa tappa' majarre'; siagang pa'mai' le'baka nitangkasi battu ri kasalanga, kammayatompa tubu le'baka nitangkasi je'ne' maci'nong.

1 PETRUS 3:21

Jari anjo kajarianga a'jarimi pangngebarang mae ri anjo pa'je'ne' ampasalamakako ri kamma-kammaya anne. Anne pa'je'neka teai pa'gaukang akkullea antangkasi kalennu battu ri sikontu apa-apa ra'masaka, passangalinna a'jari janjinnu mae ri Allata'ala, iamintu janji baji'nu battu lalang ri ati mailalannu. Anjo pa'je'neka napasalamakko lanri attallasa'Namo ammotere' Isa Almasi battu ri kamateanga,