KALAPPASSANG 29:2 - KITTA' MATANGKASA'

² Apparekko leokang battu ri tarigu kaminang bajika tenaya nammake pa'gambang. Sipa'gang anjo leokanga musti nipareki roti siagang minynya' zaitun, sipa'gang maraenga tena nammake minynya', nampa la'binna nipareki kanrejawa nisapua siagang minynya'.

KALAPPASSANG 29:2 ပူးပေါင်းရင်းမြစ်များ

KALAPPASSANG 12:8

Anjo memang bangngia musti nulanggai dagenna nampa nupasikanre siagang gangang pai' siagang roti tenaya nammake pa'gambang.

KALAPPASSANG 29:23

Battu ri karanjeng rotia le'baka nipassareang mae ri Nakke, allei se're roti massing tassirupaya; sibatu nipareka siagang minynya' zaitun, sibatu tenaya nammake minynya', siagang sibatu kanrejawa.

KALAPPASSANG 29:3

Boliki lalang ri baku' siagang passareangi anjo mae ri Nakke assama siagang koro'bang sapi laki na ruang kayu gimbala' laki.

KAIMANGNGANG 2:15

Anjo gandunga musti nitiriki minynya' zaitun siagang nisarei kamanynyang irateanna.

KAIMANGNGANG 7:10

Mingka koro'bang nipatala tenaya nanipallui, baji' nanicampuruka siagang minynya' kammayatompa kalotoroka, yangasenna untu' imang-imang jari-jarina Harun, siagang musti nipasangkamma-kammai bagena mae ri ke'nanga.

KAIMANGNGANG 7:12

Punna nipassareang anjo koro'banga untu' appala' sukkuru', anjo olo'-oloka musti nikoro'bangkangi siagang roti tenaya nammake pa'gambang. Anjo rotia akkullei kapala', nipareka battu labu' nipasileoka minynya' zaitun, akkulle tongi roti kalotoro' nipisika siagang nisapua siagang minynya', yareka kanrejawa labu' nipasileoka siagang minynya' zaitun.

KAIMANGNGANG 8:2

“Kioki Harun siagang sikamma ana'na siagang erangi pakeang imanga, minynya' upacaraya, sikayu sapi laki rungka untu' koro'bang pammopporang dosa, ruang kayu gimbala' laki siagang sibaku' roti tenaya nammake pa'gambang.

KAIMANGNGANG 8:26

Battu ri baku' pammantangang roti tenaya nammake pa'gambang ia le'bakamo nipassareang mae ri Batara, angngallei Musa sibatu roti kapala' nipareka nipasileo' minynya' siagang sibatu roti nipisika. Anjo rotia napadongkoki irate ri anjo jannana siagang bongga kananna gimbalaka.

PAMMILANGNGANG 6:15

Musti assare tongi sibaku' roti tenaya nammake pa'gambang, iamintu roti a'bo'donga ia nipareka battu ri labu' nipasileoka siagang minynya' zaitun, kammayatompa kanrejawa nipisi' nisapua minynya' zaitun. Pantaranganna anjo sikammaya musti assare tongi koro'bang nipatala siagang koro'bang inung-inungang.

PAMMILANGNGANG 6:19

Le'baki anjo, punna le'ba'mi nipallu bongga ri dallekanna anjo gimbala' lakia, musti naallei imanga anjo nampa napadongko' siagang sibatu roti a'bo'dong siagang sibatu kanrejawa nipisi' battu ri anjo bakuka, antama' ri limanna anjo tau attinjaka.

1 KORINTUS 5:7

Pelaki rolong anjo pa'gambang salloa, iamintu dosaya, sollannu a'jari sanrapang labu' berua nileo', tangkasaka battu ri pa'gambanna dosa salloa. Nakuasseng angkanaya kamma mako anjo, lanri sadiami passua'-suarrang allo Paskata: Almasi a'jari sanrapang gimbala' Paska, le'baka nikoro'bangkang.