KALAPPASSANG 29:18 - KITTA' MATANGKASA'

¹⁸ Passareang kabusuki anjo gimbala' lakia irate ri tampa' pakkoro'bangnganga untu' a'jari koro'bang nitunu. Rasanna anjo koro'banga lanapakasannangi pa'maikKu.

KALAPPASSANG 29:18 ပူးပေါင်းရင်းမြစ်များ

PA'JARIANG 22:13

Assailemi Abraham mae ri tammulilina anjo tampaka, nampa nia'mo nacini' sikayu gimbala' laki ia tassambanga tanru'na ri rompo'-rompoka. Naallemi Abraham anjo gimbalaka nampa napassareang mae ri Batara untu' a'jari koro'bang tunuang sambe ana'na.

PA'JARIANG 22:2

Nakanamo Allata'ala, “A'lampako mange ri butta Moria siagang Ishak, anjo ana' sitau-taunu, sannaka nukarimangnginna. Anjoreng, ri se'reang bulu' laKujo'jokangako, musti nupassareangi antu ana'nu a'jari koro'bang mae ri Nakke.”

PA'JARIANG 22:7

nakanamo Ishak, “Bapa'!” Appialimi Abraham angkana, “Apa kutadeng, ana'?” Akkuta'nammi Ishak angkana, “Angngerang maki' pepe' siagang kayu, mingka kemae ana' gimbala' eroka nipa'jari koro'bang lanitunua?”

PA'JARIANG 8:20

Appaentemmi Nuh se're tampa' pakkoro'bangngang ri Batara. Nampa angngallemi tassikayu-kayunna massing tassirupaya jangang-jangang siagang olo'-olo' maraengannaya ia hallalaka, nampa napassareang a'jari koro'bang nitunua irate ri anjo tampa' pakkoro'bangnganga.

PA'JARIANG 8:21

Sannammi pa'mai'Na Batara angngaraki rasa mabau'na anjo koro'banga, na Nakanamo lalang ri pa'mai'Na, “Tenamo nalaKutunrai anne linoa lanri panggaukanna rupataua; Kuassengi angkanaya battu ri wattu lolonaiji naja'dala'mo pikkiranna anjo rupataua. Tenamo nalaKuancuru' pole sikontu apa-apa attallasaka sangkamma anne apa beru le'baka Kugaukang.

1 KARAENG-KARAENG 18:38

Nampa appabattumo Batara pepe' battu ri langika siagang nakanre anjo kayua siagang anjo koro'banga sa'genna ammutung, batu-batunna, buttana, kammayatompa nalepa' ngaseng tommi je'ne' niaka ri kaloroka.

1 KARAENG-KARAENG 3:4

Tampa' sambayang kaminang a'la'banga niasseng iamintu niaka ri Gibeon. Biasai Salomo assare koro'bang anjoreng. Ri se'reang wattu, sangkamma biasa, a'lampami pole mange anjoreng.

PAMMUJI 50:8

Teai passabakkang koro'bannu naKutuntukko; koro'bang nitununu tuli nia'na ri dallekangKu.

KALAPPASSANG 29:17

Anjo gimbala' lakia musti nikere'-kereki. Bone parru'na siagang bongganna musti nibissai nampa nipadongko' irate ri ulunna kammayatompa irate ri kere'-kere' maraenganga.

KALAPPASSANG 29:25

Nampa allemi anjo rotia battu ri ke'nanga siagang tunui irate ri tampa' pakkoro'bangnganga. Rasanna anjo koro'banga lanapakasannangi pa'maikKu.

YESAYA 1:11

Nakana Batara, “Nukapangi angkana Kungai sikontu anjo passare tulusu' nupassareanga mae ri Nakke? LanreA' mae ri sikamma gimbala' koro'bang nitununu siagang ri jannana sikamma ana' sapinu. Tena Kungai cera' sapi lakia, gimbalaka siagang bembea.

YEREMIA 6:20

Apa matu-matunna ke'nanga ampangngerangngangA' kamanynyang battu ri Syeba, yareka rampa-rampa battu ri pa'rasangang bellaya? Tena naKuero' antarimai passarena ke'nanga. Tena Kungai koro'bang-koro'bang nitununa ke'nanga.

KAIMANGNGANG 1:17

Nampa musti nikekke' ri poko' ka'nyi'na, mingka takkulleai sa'genna tassa'la' anjo ka'nyi'na. Nampa musti nitunu anjo jangang-janganga irate ri tampa' pakkoro'bangnganga. Rasanna anjo koro'bang nitunua lanapakasannangi nyawaNa Batara.

KAIMANGNGANG 1:9

Anjo taua musti nabissai bone parru'na siagang bongganna anjo sapia; nampa imang tugasaka musti natunu ngasengi anjo ri tampa' pakkoro'banga. Rasanna anjo koro'banga lanapakasannangi nyawaNa Batara.

KAIMANGNGANG 4:31

Sikontu jannana anjo olo'-oloka musti niallei sangkamma todong nigaukanga ri koro'bang passiamakkanga. Anjo jannaya musti natunui imanga irate ri tampa' pakkoro'bangnganga, sollanna rasanna napakasannangi nyawaNa Batara. Kammaminjo carana imanga ampassareangi koro'banga untu' dosana se'rea ra'ya' biasa, na nipammopporammo dosana anjo taua ri Batara.

KAIMANGNGANG 9:24

Ti'ring Napanaummi Batara pepeka nanakanre sa'genna la'busu' koro'bang nitunua siagang bageang-bageang niaka jannana irate ri tampa' pakkoro'bangnganga. Nacini'na umma' Israel anjo kammaya, a'gora-gora rannumi ke'nanga nampa su'ju' anynyomba.

MARKUS 12:33

Na sikontu taua musti nakamaseangi Allata'ala ilalang sitepu atinna, siagang sitepu akkala'na, kammayatompa sitepu pakkullena. Siagang musti nakamaseang tongi paranna tau sangkamma batena angkamaseangi batangkalenna. Bajikangangi anjo kala assarea koro'bang nitunua yareka koro'bang maraenga mae ri Allata'ala.”

EFESUS 5:2

Paralluko attallasa' lalang ri pangngamaseanga, sangkamma todong Almasi mangngamaseangi mae ri katte. Nakoro'bangkangi KalenNa untu' ikatte, a'jari passare siagang koro'bang mabau', Nakarannuanga atinNa Allata'ala.

FILIPI 4:18

Inakke le'ba'mi kutarima ngaseng – ba'lalo la'bimi ri gannaka! Sikamma anjo passare le'baka nukiring mae ri nakke, kutarima ngasemmi battu ri Epafroditus. Kamma-kamma anne nia' ngasemmi ri nakke apa kukaparalluanga. Anjo passarenu ngaseng, sanrapangi passare mabauka rasanna, battu ri koro'bang nipassareanga mae ri Allata'ala iamintu koro'bang nitarimaya siagang Nakarannuanga pa'mai'Na Allata'ala.

1 SAMUEL 7:9

Lanri kammana, ammolommi Samuel sikayu ana' gimbala' rungka, nampa nakoro'bangkang sipa'gang a'jari koro'bang nitunu untu' Batara. Le'baki anjo appala' doammi sollanna Natulung Batara tu Israel. Na nitarimamo pappala' doanna.