KALAPPASSANG 28:40 - KITTA' MATANGKASA'

⁴⁰ Apparekko kameja, passikko' aya' siagang soro'bang untu' ana'-ana'na Harun sollanna la'biri' ke'nanga nicini'.

KALAPPASSANG 28:40 ပူးပေါင်းရင်းမြစ်များ

KALAPPASSANG 28:2

Apparekko pakeang imang untu' Harun, sollanna la'biri' nicini'.

KALAPPASSANG 28:4

Suro tongi ke'nanga appare' pattongko' barambang, efod, juba, kameja nisulang, soro'bang siagang passikko' aya'. Anjo pakeang imanga musti napareki ke'nanga untu' daennu Harun siagang sikamma ana'na sollanna akkulle allayaniA' salaku imang.

KALAPPASSANG 29:8

Le'baki anjo, suroi ana'-ana'na battu nampa nupipakei kameja,

KALAPPASSANG 29:9

siagang passikko' aya', nampa nupataba soro'banga irate ri ulunna ke'nanga. Kammaminjo carana nilanti' Harun siagang ana'-ana'na. Ke'nanga siagang jari-jarina ke'nanga musti allayaniA' salaku imang sa'genna satunggu-tungguna.

KALAPPASSANG 39:41

siagang pakeang ibada untu' sikamma imanga ri wattunna nagaukang tugasa'na ke'nanga lalang ri Kamara' Matangkasaka, kammayatompa pakeang nisa'laka untu' Harun siagang ana'-ana'na.

YESAYA 52:1

Ambangungko, he Yerusalem, ambangung mako! Pakajarreki pa'mai'nu! Pakei pakeang kalompoannu! He Yerusalem, kota matangkasaka, takkulleami allalo antama tau rantasaka ri pakke'bu' lomponu.

KAIMANGNGANG 16:24

Nampa musti a'je'ne' ri se'reang tampa' le'baka nipattantu nampa napake ammotere' pakeang kalenna. Le'baki anjo musti assuluki nampa napassareang koro'bang nitunua untu' pammopporanna dosa kalenna siagang dosana bansa Israel.

KAIMANGNGANG 8:13

Nampa nasuro sikamma ana'na Harun maju mae ri dallekang. Napipakeimi ke'nanga kameja siagang passikko' aya'. Nampa napataba soro'banga ri ulunna ke'nanga sangkamma Naparentakanga Batara mae ri ia.

TITUS 2:10

yareka a'lukka'. Parallui tuli napappicinikang sipa' baji'na siagang tamamminrana ke'nanga; sollanna akkulle napuji taua pangngajarang battua ri Allata'ala, Mappasalamatta, lanri yangasenna anjo apa nagaukanga ke'nanga.

TITUS 2:7

Siagang paralluko ikau kalennu, lalang ri apa-apa mamo, ampappicinikangi conto bajika lalang ri panggaukannu. Punna angngajarakko, musti lambusukko siagang attojeng-tojengko.

1 PETRUS 5:5

Kammayatompa ikau sikamma tau rungkaya. Mappilangngeriko mae ri tau toaya. Musti nupakatunai kalennu; siagang musti silayaniko siagang tuna pa'mai'nu. Nasaba' nia' tattulisi' lalang ri Kittaka angkanaya, “Nabaliangi Allata'ala tau tampoa, mingka Nakamaseangi tau tunaya pa'mai'na.”