KALAPPASSANG 28:4 - KITTA' MATANGKASA'

⁴ Suro tongi ke'nanga appare' pattongko' barambang, efod, juba, kameja nisulang, soro'bang siagang passikko' aya'. Anjo pakeang imanga musti napareki ke'nanga untu' daennu Harun siagang sikamma ana'na sollanna akkulle allayaniA' salaku imang.

KALAPPASSANG 28:4 ပူးပေါင်းရင်းမြစ်များ

2 SAMUEL 6:14

Nampa a'joge'-joge' Daud sanna' lompona sumanga'na untu' ampakala'biriki Batara. Anjo wattua poro lipa' lenang bodo bawang napake napasikko' ri aya'na.

KALAPPASSANG 25:7

a'rupa-rupa batu paramata untu' nipabelo-belo ri baju efod siagang pattongko' barambanna Imang Lompoa.

KALAPPASSANG 29:6

Patabai anjo soro'banga ri ulunna siagang patabai anjo belo-belo bulaeng niaka ta'ukiri', ‘Nisa'laki untu' Batara’, mae ri anjo soro'banga.

KALAPPASSANG 39:28

kammayatompa soro'bang, saluara' bodo battu ri kaeng lenang,

YESAYA 11:5

Adeleki siagang majarreki angngalle tindakang lalang sikamma apa-apaya.

YESAYA 59:17

Napakei kaadelanga siagang kasalamakkanga a'jari baju bassi siagang topi baja. Attojeng-tojengi appattujuang untu' appakabaji' siagang ambalasaki tau a'gau' tenaya naadele'.

HOSEA 3:4

Kammami anjo passala'na bansa Israel; teai sipato' sallona tena karaenna yareka pamimpinna, tena koro'bang yareka tampa'-tampa' karama', tena barhala-barhala yareka jima'-jima' akkullea assungkeangi ke'nanga rahasiana allo labattua.

EFESUS 6:14

Paralluko tuli jaga-jaga. Pakei katojenganga sanrapang passikko' aya'nu, siagang katangkasanga sanrapang pa'lapa' barambannu.

1 TESALONIKA 5:8

Mingka ikatte anne tau lalangki' ri singaraka, antamaya ri golongang allo masingaraka; lanri kammana parallui a'jari singara' pikkiranta. Paralluki' tuli tappa' mae ri Batara, tuli mangngamaseang ri paranta tau, kammayatompa tuli majarre' panrannuanta mae ri Allata'ala, eroka ampasalamakki'. Iaminjo sanjatata untu' alla'langi kalenta siagang angngewai kaja'dallanga.

PAPPICINI' 9:17

Na lalang paccinikku, kuciniki anjo jaranga siagang sikontu pabaena. Anjo pabaena ammake ngasengi baju bassi sannaka ejana siagang a'rinraya tanja'na, gau' siagang kunyi' accaya. Anjo jaranga sangkamma ngasengi singa ulunna; na nia' pepe', umbu, siagang bara pepe' assulu' battu ri bawana.

1 SAMUEL 2:18

Lalanna anjo wattua, anjo Samuel ana'-anaka ija nalayani turusmi Batara. Ammakemi baju attantu, iamintu battu ri kaeng lenang nipare', sangkamma baju passambayanna sikamma imanga.

1 SAMUEL 22:18

Lanri kammana nakanamo Saul ri Doëg, “Lintakko! Ikaumo ambunoi anjo ke'nanga!” Jari majumi Doëg nampa nabuno ngaseng anjo imang-imanga. Anjo alloa nia' sagantujupulo allima imang nabuno, ia imang akkullea ammake baju efod.

1 SAMUEL 23:6

Ri wattunna lari mange ri Daud anjo Abyatar ana'na Ahimelekh, namminawang ri Daud mange ri Kehila, angngerang tongi efod.

1 SAMUEL 30:7

Nampa nakanamo Daud ri Imang Abyatar ana'na Ahimelekh, “Erangi anjo efodka mae anrinni!” Jari naerammi Abyatar anjo efodka mae ri ia.