KALAPPASSANG 28:36 - KITTA' MATANGKASA'

³⁶ Apparekko se're belo-belo bulaeng ti'no' nampa niukiri' anne kana-kana angkanaya, ‘Nisa'laki untu' Batara’.

KALAPPASSANG 28:36 ပူးပေါင်းရင်းမြစ်များ

1 PATTOTTORANG 23:13

Amram iami manggena Harun siagang Musa. (Harun siagang sikontu turunganna iami nipa'jari satunggu-tungguna angngurusuki sikamma pakkasa' sambayanga, attunu dupa untu' Batara, allayani Batara, siagang ambarakkaki ra'yaka lalang arenNa Batara.

PAMMUJI 93:5

O, Batara, mannannungangi hukkunTa, matangkasaki BallatTa satunggu-tungguna.

KALAPPASSANG 19:6

poro untu' KalengKu bawang, nampa ikau lanulayaniA' salaku imang-imang.”

KALAPPASSANG 28:35

Anjo jubaya musti napakei Harun punna tugasaki salaku imang. Punna battu mae ri dallekangKu ri Kamara' Matangkasaka yareka nabokoi anjo tampaka, lakalangngerangi sa'ranna anjo giring-giringa, sollanna tena namate.

KALAPPASSANG 28:37

Pasikkoki anjo mae ri soro'banga siagang otere' gau'.

KALAPPASSANG 28:9

Angngalleko rua batu delima. A'boyako tukang bulaeng cara'deka, untu' angngukiriki mae ri anjo batua areng-arenna sampuloa anrua ana'na Yakub situru' atoro'na umuru'na, ta'annang areng ri tasse'rea batu. Nampa anjo ruaya batu paramata musti nipatabai lalang ri les bulaenga siagang nipanjoreng ri otere' salangganna efodka, a'jari pammatei siagang pappiu'rangi mae ri sampuloa anrua suku Israel. Kammaminjo carana Harun angngerangi arenna ke'nanga ri salangganna, sa'genna iNakke, Batara, tuli Kuu'rangi ke'nanga.

KALAPPASSANG 29:6

Patabai anjo soro'banga ri ulunna siagang patabai anjo belo-belo bulaeng niaka ta'ukiri', ‘Nisa'laki untu' Batara’, mae ri anjo soro'banga.

KALAPPASSANG 39:27

Appareki ke'nanga kameja untu' Harun siagang ana'-ana'na,

KALAPPASSANG 39:30

Kammayatompa nipare' tongi belo-belo battu ri bulaeng ti'no', a'jari pammatei angkanaya le'ba'mi ke'nanga nisa'la' untu' a'jari taunNa Batara. Ri anjo belo-beloa nia' tattulisi' kana-kana angkanaya, “Nisa'laki untu' Batara”.

KALAPPASSANG 39:31

Anjo belo-beloa nipatabai ri bageang dallekanna soro'banga, situru' Naparentakanga Batara mae ri Musa.

YESAYA 23:18

Passawallang siagang gaji nagappaya talanabolikai, mingka lanapassareangi mae ri Batara. Sikamma tau anynyombaya mae ri Batara lanapakei anjo doeka untu' ammalli care-care siagang kanre naparalluanga ke'nanga.

YEHEZKIEL 43:12

Iaminne sipa' kalenna Balla'Na Batara: Sikontu tampaka ri tammulilina ri coppo'na buluka sanna' matangkasa'na.”

KAIMANGNGANG 10:3

Jari nakanamo Musa mae ri Harun, “Iaminjo natabaya kananNa Batara ri wattunna angkana, ‘Sikontu allayania mae ri Nakke musti napakala'biriki katangkasangKu. Kupa'nyatai kalompoangKu mae ri sikontu bansaKu.’ ” Mingka tena nakkana-kana Harun.

KAIMANGNGANG 19:2

ampabattui mae ri bansa Israel anne parentaya angkana, “Paralluko matangkasa', nasaba' iNakke Karaeng Allata'alanu matangkasakKa'.

KAIMANGNGANG 8:9

Nampa napataba soro'banga ri ulunna Harun; anjo soro'banga napatabai belo-belo bulaeng, a'jaria pammatei angkanaya anjo Harun a'jarimi Batara pata. Yangasenna anjo nagaukangi Musa situru' parentaNa Batara mae ri ia.

ZAKHARIA 14:20

Ri anjo alloa laniukiriki giring-giring niaka ri pakeanna jaranga iamintu kana-kana kammaya anne, “Nisa'laki nipakatangkasa' untu' Batara”. Sikamma panci-panci niaka ri Balla'Na Batara lanianggaraki sangkamma mangko'-mangko' passarea ri dallekanna tampa' pakkoro'bangnganga.

IBRANI 12:14

Usahako sollannu assiama' siagang yangasenna taua lalang katallassannu; kammayatompa usahako sollannu a'jari tangkasa' ri dallekanNa Batara. Nasaba' punna takammaya anjo tena manna sitau akkulle anciniki Batara.

IBRANI 7:26

Jari, Ia minjo Isa Imang Malompo niparalluanga. Iami Imang matangkasa'; tena sikali kasalang yareka dosa ri KalenNa. Nisa'la'mi battu ri tau dorakaya, na nipanai' ri tampa' tinggianganga na sikontu langika.

1 PETRUS 2:9

Mingka ikaumi bansa le'baka nipile, imang-imang allayania karaeng, bansa matangkasaka, untu' KalenNa Allata'ala, siagang umma' KalenNa Allata'ala. Napileko siagang Nakiokko Allata'ala assulu' battu lalang ri sassanga untu' antama' ri singara' kalompoanNa, sollanna nupa'la'bang biritta ri sesena sikontu panggaukang malompoNa.

PAPPICINI' 21:27

Mingka tau anggaukangai apa appakaringi'-ringika, tau a'balle-ballea, bodona kana, sikontu apa-apa ra'masaka tena sikali nakkulle antama' anjoreng. Ia lanipa'biang antama' iamintu tau niaka bawang tattulisi' arenna lalang ri kitta'Na anjo Ana' Gimbalaka, iamintu Kitta'na Tau Attallasaka.