KALAPPASSANG 28:3 - KITTA' MATANGKASA'

³ Kioki sikontu tukang manjaika ia le'baka Kusare kacara'dekang. Suroi ke'nanga ampareki pakeanna Harun sollanna akkulle nisa'la' untu' allayaniA' salaku imang.

KALAPPASSANG 28:3 ပူးပေါင်းရင်းမြစ်များ

KALAPPASSANG 35:10

“Sikontu tau cara'deka anjama-jama musti battui ampareki sikontu apa Naparentakanga Batara, iamintu:

KALAPPASSANG 35:25

Sikamma bai'-baine cara'deka appare' bannang lenang alusu' siagang bannang wol gau', lame butung siagang eja, massing naerang tommi le'baka napare'.

KALAPPASSANG 35:30

Nampa nakanamo Musa mae ri tu Israel, “Le'ba'mi Napile Batara anjo Bezaleel ana'na Uri, cucunna Hur, battu ri suku Yehuda

KALAPPASSANG 35:31

siagang le'ba'mi nisare kakoasang. Nisarei ri Allata'ala pammahang, kacara'dekang siagang pakkulle untu' a'rupa-rupa jamang alusu',

KALAPPASSANG 35:35

Nisarei ke'nanga a'rupa-rupa kacara'dekang untu' jamang nipaka, cara'de' anrancang siagang attannung kaeng lenang alusu', wol gau', lame butung siagang eja, kammayatompa kaeng maraengannaya. Iami ke'nanga tau cara'de' anrancang siagang tau akkullea anggaukangi a'rupa-rupaya jama-jamang.

KALAPPASSANG 36:1

Bezaleel, Aholiab, siagang sikontu pajama-jama alusuka anggappai kacara'dekang siagang kaporeang battu ri Batara; naassengi ke'nanga antekamma batena nigaukang anjo jama-jamang niparalluanga ampareki KemaNa Batara. Sikontu anjo apa napareka ke'nanga musti situruki siagang apa le'baka Naparentakang Batara.”

KALAPPASSANG 36:2

Nakio'mi Musa anjo Bezaleel, Aholiab siagang sikontu tau anggappaya kacara'dekang battu ri Batara siagang eroka ambantu, nampa nasuro ke'nanga ampakaramulai anjo jamanga.

PANGNGEBARANG 2:6

Batarami assare kacara'dekang; battu ri Iami rupataua anggappa pangngassengang siagang pammahang.

YESAYA 11:2

KoasaNa Batara langngului, ampa'jari baji' akkalaki siagang cara'deki, porei angngalle kaputusang nampa nagaukang; angngassengi ero'Na Allata'ala siagang mappilangngeri ri Ia.

EFESUS 1:17

Kupalaki mae ri Allata'ala, Batarata Isa Almasi, Mangge mala'birika, sollannu Nasare RohNa. Iaminjo RohNa lampa'jari cara'dekko, siagang lampappiassengangi sa'genna nuasseng Allata'ala.

PAOLE 34:9

Yosua ana'na Nun nisarei kacara'dekang ri Batara lanri iami le'ba' nijo'jo' ri Musa a'jari sambenna. Mannuruki bansa Israel mae ri Yosua siagang napajappami parenta-parenta Napassareanga Batara mae ri ke'nanga tete ri Musa.

YAKOBUS 1:17

Sikontu passare bajika siagang hadia sukkuka, sangnging battu ngaseng ri suruga, nipaturunga ri Allata'ala, ampa'jariai sikontu apa-apa singaraka ri langika. Iami Allata'ala tamamminraya, tenaya Nammoli' bayang-bayang lanri pamminroanna apa-apaya.