KALAPPASSANG 28:28 - KITTA' MATANGKASA'

²⁸ Pontona anjo pa'lapa' barambanga musti nipasiallei siagang otere' gau' ri pontona efodka sollanna anjo pa'lapa' barambanga tuli nia'na irateanna passikko' ayaka siagang tena nata'lappasa'.

KALAPPASSANG 28:28 ပူးပေါင်းရင်းမြစ်များ

KALAPPASSANG 25:7

a'rupa-rupa batu paramata untu' nipabelo-belo ri baju efod siagang pattongko' barambanna Imang Lompoa.

KALAPPASSANG 28:27

Le'baki anjo, apparekko pole rua ponto bulaeng, nampa nupataba ri bageang dallekanna anjo ruaya otere' salanggana efodka, ri ampi'na passambung jai'na, bageang rawa sike'de', irateanna passikko' aya' alusuka tannunna.

KALAPPASSANG 28:29

Punna antama Harun ri tampa' matangkasaka, musti naerangi areng-arenna suku Israel niaka ta'ukiri' ri pa'lapa' barambanna, sollanna iNakke, Batara, tuli Kuu'rangi ummakKu.

KALAPPASSANG 28:31

“Juba nipakea ri efodka musti wol gau' ngaseng nipare'.

KALAPPASSANG 28:37

Pasikkoki anjo mae ri soro'banga siagang otere' gau'.

KALAPPASSANG 28:8

Nia' se're passikko' aya', ia alusuka tannunna, bahanna sangkammai, musti nijaiki mae ri efodka sollanna a'jari se're bageang.

KALAPPASSANG 39:41

siagang pakeang ibada untu' sikamma imanga ri wattunna nagaukang tugasa'na ke'nanga lalang ri Kamara' Matangkasaka, kammayatompa pakeang nisa'laka untu' Harun siagang ana'-ana'na.

PAMMILANGNGANG 15:38

ampaui mae ri bansa Israel angkana, “Apparekko rombeng-rombeng ri cappa'-cappa'na pakeannu siagang sikkoki otere' gau' anjo sikamma rombenga. Anjo kammaya musti nugaukangi sa'genna mae ri jari-jarinu.