KALAPPASSANG 27:3 - KITTA' MATANGKASA'

³ Apparekko siapa are pamaja', sikopang, mangko'-mangko', garpu-garpu siagang tampa' pepe'. Sikontu anjo pakkakasaka musti tambaga nipare'.

KALAPPASSANG 27:3 ပူးပေါင်းရင်းမြစ်များ

1 KARAENG-KARAENG 7:40

Appare' tongi Huram pamaja'-pamaja', sikopang-sikopang, siagang mangko'-mangko'. Le'baki anjo, le'ba' ngasemmi anjo apa nasuro jamaya Karaeng Salomo untu' Balla'Na Batara. Iaminne sikamma pakkakasa' le'baka napare': Rua benteng lompo, Rua ulu benteng sangkammaya mangko' niaka rateanna anjo ruaya benteng, Rante nianyang ri massing-massing ulu bentenga, Patambilangngang delima tambaga ia nisusunga lalang ruang barrisi' ri tammulilina anjo rante nianyang ri massing ulu bentenga, Sampulo kareta, Sampulo katoang lompo, Bongki tambaga, Sampulo anrua sapi tambaga ansompoai anjo bongkia, Pamaja'-pamaja', sikopang-sikopang, siagang mangko'-mangko'. Yangasenna anjo pakkakasa' untu' Balla'Na Batara, napareka Huram untu' Karaeng Salomo, tambaga ngaseng nipare', na nikeso' sa'genna accilla'.

2 KARAENG-KARAENG 25:14

Naengka' tongi ke'nanga barang-barang kammaya anne: sikopang-sikopang, pammoneang aua ri tampa' pakkoro'bangnganga, pakkakasa' kanjoli, mangko'-mangko' untu' pammoneang cera' olo'-olo' nisamballea untu' koro'bang, siagang sikontu barang tambaga maraeng nipakea untu' anynyomba.

2 KARAENG-KARAENG 25:15

Barang-barang bulaeng, pera', kammaya mangko'-mangko' ca'di siagang panne-panne untu' bara pepe', kalenna Nebuzaradan angngallei.

1 PATTOTTORANG 28:17

Kammayatompa pitunju'-pitunju' ri sesena siapa jaina bulaeng ti'no' musti nipake untu' appare' garpu, mangko' siagang botolo' ca'di, siapa jaina pera' siagang bulaeng untu' appare' piring-piring,

2 PATTOTTORANG 4:11

Huram, iamintu kapalana sikontu pajama paukirika, appareki pamaja'-pamaja', sikopang-sikopang, siagang mangko'-mangko'. Jari napa'le'ba' kabusu'mi napare' sikontu pakkakasa'na Balla'Na Batara situru' janjinna mae ri karaeng Salomo. Iaminne sikamma pakkakasa' le'baka napare': Rua benteng lompo Rua ulu benteng sangkammaya mangko' nibolika irateanna anjo ruaya benteng lompo Anyang-anyang rante massing ri ulunna anjo bentenga 400 rappo delima tambaga nisusunga rua a'jijiri' ri tammulilina anyang-anyang rantea ri tunggala' ulu bentenga 10 kareta 10 katoang lompo Gumbang tambaga 12 sapi tambaga napa'dongkoki anjo gumbanga Pamaja'-pamaja', sikopang-sikopang siagang garpu-garpu. Sikontu anjo pakkakasaka napareka Huram untu' Balla'Na Batara sangnging tambaga nipare' nampa nikeso' sa'genna accilla'. Kabusu'na anjo napareki Huram situru' apa naparentakanga Karaeng Salomo.

KALAPPASSANG 24:6

Sipa'gang battu ri cera'na anjo sapia naallei Musa nampa napatiri' antama ri siapa are katoang. Na sipa'gang maraenga napatiriki rate ri tampa' pakkoro'bangnganga.

KALAPPASSANG 27:19

Sikontu pakkakasa'na anjo lalang ri Kemaya, sikontu patto'na siagang untu' layara'na musti tambaga nipare'.”

KALAPPASSANG 27:2

Massing panyingkulu' bageang iratena musti niparekangi tanru'-tanru' a'jari se'rea siagang tampa' pakkoro'bangnganga. Yangasenna musti nilapisi siagang tambaga.

KALAPPASSANG 27:4

Apparekko anyangngang kawa' battu ri tambaga siagang patabai appa' ponto untu' kayu pa'bule' ri appa' panyingkulu' bageang irawana.

KALAPPASSANG 38:3

Appare' tongi pamaja'-pamaja', sikopang, garpu-garpu, mangko'-mangko', siagang pammantangngang pepe'. Yangasenna anjo pakkakasaka sangnging battu ri tambaga nipare'.

KAIMANGNGANG 16:12

musti naallei tampa' pepe'ka battu ri tampa' pakkoro'bangnganga nampa nabonei bara pepe' sa'genna rassi siagang ruang kangkang dupa alusuka, nampa naerang mange ri Kamara' Kaminang Matangkasaka.

PAMMILANGNGANG 4:14

Nampa musti napadongko' ke'nanga irate ri anjo mejanga sikontu pakkakasa' nipakea punna nigaukang ibadaya ri anjo tampa' pakkoro'bangnganga: tampa' pepe', garpu, sude', siagang katoang. Nampa musti narangka' ke'nanga yangasenna anjo siagang silawara' kukkulu' alusu' siagang napataba kayu pa'bule'na.