KALAPPASSANG 27:21 - KITTA' MATANGKASA'

²¹ Harun siagang sikamma ana'na musti angngurusuki anjo lampua battu ri karueng sa'genna bari'basa' ri tampa' kahaderangKu, pantaranna kaeng ta'gentunga ri dallekanna Patti Parjanjianga. Anjo parentaya musti nigaukangi untu' satunggu-tungguna ri tu Israel siagang sikontu jari-jarina.”

KALAPPASSANG 27:21 ပူးပေါင်းရင်းမြစ်များ

PA'JARIANG 1:5

nampa Naareng anjo singaraka “Singara'” na anjo sassanga “Bangngi”. Allalomi bangngia, battumi bari'basaka. Iaminjo allo makase'rea.

PA'JARIANG 1:8

Naaremmi anjo pannahanga “Langi'”. Allalomi bangngia nabattumo bari'basaka. Iaminjo allo makaruaya.

2 PATTOTTORANG 13:11

Tunggala' bari'basa' siagang karueng attunui ke'nanga dupa siagang assarei koro'bang nitunu untu' Batara, kammayatompa appasadiai roti nipatala. Tunggala' bangngi ke'nanga apparinra kanjoli-kanjoli ri pa'dongkokang kanjoli bulaenga. Ikatte tuli mannurukiki' ri parenta-parentaNa Batara, mingka ikau ngaseng nubokoimi Batara.

PAMMUJI 134:1

Kelong siara. Umba, pujimi Batara, he sikontu atanNa Batara, sikontu a'gau' ibadaya ri Balla'Na Batara ri wattu bangngi.

KALAPPASSANG 12:14

Anjo alloa musti nuu'rangi na nupakalompo a'jari allo lompo mae ri Batara. Untu' situlusu'na anjo alloa musti nupakalompoi tunggala' taung.”

KALAPPASSANG 16:34

Jari napadongko'mi Harun anjo uringa ri dallekanna Patti Parjanjianga untu' niboli' situru' parentaNa Batara mae ri Musa.

KALAPPASSANG 25:16

Nampa musti nupadongkoki lalang ri anjo pattia anjo ruaya batu niaka tattulisi' lalang sikamma parenta Kupassareanga mae ri kau.

KALAPPASSANG 28:43

Anjo saluaraka musti tuli napakei ke'nanga punna antama' ri KemaKu yareka nareppesi tampa' pakkoro'bangnganga untu' anggaukangi ibadaya salaku imang ri Kamara' Matangkasaka, sollanna tena namate ke'nanga lanri kacinikangi bageang kalenna tenaya nasiratang nicini'. Anjo paratoranga tuli nipakei untu' Harun siagang jari-jarina.”

KALAPPASSANG 29:28

Iaminne kaputusangKu tenaya nakkulle nipinra: Ri wattunna battu ummakKu ampassareangi anjo koro'bang passiamakkanga, barambanna siagang bongganna anjo olo'-oloka iami bageanna sikamma imanga. Iaminjo passarena ummakKu untu' iNakke.

KALAPPASSANG 29:42

Nampa pole untu' tunggala' jammang, anjo koro'bang nitunua musti nipassareangi ri dallekangKu ri pakke'bu' KemaKu. AnjoremMa' lasibuntulu' siagang ummakKu siagang a'bicara mae ri kau.

KALAPPASSANG 29:44

LaKupa'jari matangkasaki anjo kemaya siagang tampa' pakkoro'bangnganga. Harun siagang ana'-ana'na laKusa'laki battu ri tau maraengannaya sollanna nalayaniA' ke'nanga salaku imang.

KALAPPASSANG 30:36

Anjo kamanynyanga musti nidengkai sipa'gang sa'genna alusu'. Erangi anjo mae ri KemaKu nampa nupakioro' ri dallekanna Patti Parjanjianga. Anjo kamanynyanga musti nipare' kammai barang matangkasa', ia nisa'laka untu' iNakke. Teako appareki kamanynyang ia nicampuru' kammaya anjo untu' kalennu.

KALAPPASSANG 30:8

Anjo kammaya musti nagaukang tongi ri wattu naparinrana lampua ri wattu karuenga. Anjo passare dupaya musti nigaukangi situlusu'na sa'genna satunggu-tungguna.

KALAPPASSANG 40:3

Pantamaki anjo Patti Parjanjiang napammantangia anjo Sampuloa Parenta nampa nusarei kaeng passimbang ri dallekanna.

KAIMANGNGANG 10:9

“Punna le'bakko angnginung je'ne' anggoro' yareka inungang terasa', ikau siagang ana'-ana'nu takkulleako antama' ri KemaKu. Punna nudakkai anjo paratoranga, lamateko. Anjo parentaya musti naturuki sikontu jari-jarinu.

KAIMANGNGANG 16:34

Anjo upacaraya musti nigaukangi sikali sitaung untu' ampakatangkasaki bansa Israel battu ri sikontu dosana ke'nanga. Iaminjo paratorang-paratorang mustia nituruki sa'genna satunggu-tungguna. Nagaukammi Musa situru' anjo apa Naparentakanga Batara mae ri ia.

KAIMANGNGANG 17:7

Bansa Israel musti tamamminrayai mae ri Batara, siagang tena sikali-kali nakkulle anynyamballe ke'nanga olo'-olo' ri koko-kokoa untu' passare mae ri sikamma jing ja'dalaka. Anjo paratoranga musti nituruki sa'genna satunggu-tungguna.

KAIMANGNGANG 23:14

Ri wattu tenanapa nuerangi anjo passarea mae ri Batara, takkulleai nukanre anjo gandung berua manna pole sike'de', baji namataya, kammayatompa nilanggaya yareka nitunua nipa'jari roti. Anne paratoranga musti nituruki ri sikontu jari-jarinu sa'genna satunggu-tungguna.

KAIMANGNGANG 23:21

Ri anjo alloa musti asse'reko untu' anggaukangi ibadaya siagang takkulleako anggaukangi jama-jamang battalaka. Anjo paratoranga musti nituruki ri jari-jarinu sa'genna satunggu-tungguna, manna pole kemae ke'nanga ammantang.

KAIMANGNGANG 24:2

ampassareangi anne parenta-parentaya mae ri bansa Israel: angngerangko minynya' zaitun tenaya bengkoranna siagang kaminang bajika untu' lampu lalanga ri KemaNa Batara, sollanna akkulle niparinra, nampa a'rinra turus.

KAIMANGNGANG 24:3

Harun musti naatoroki anjo lampu-lampua battu ri karueng sa'genna bari'basa' ri tampa' kahaderanNa Batara, ri pantaranna gordeng antongkokai Patti Parjanjianga ri Kamara' Kaminang Matangkasaka. Anjo parentaya musti nigaukangi sa'genna satunggu-tungguna.

KAIMANGNGANG 24:9

Anjo rotia iami untu' bageanna Harun siagang jari-jarina. Musti nakanrei ke'nanga ri tampa' matangkasaka, nasaba' anjo rotia iamintu bageang sannaka tangkasa'na battu ri koro'bang nipassareanga mae ri Batara untu' sikamma imanga.

KAIMANGNGANG 3:17

Tena sikali nakkulle tu Israel angnganre janna yareka cera'. Anne paratoranga tappakei sa'genna satunggu-tungguna siagang musti nituruki ri sikontu tu Israel manna pole kemae ammantang.

KAIMANGNGANG 3:8

Anjoreng musti napadongkoki limanna ri tompo' ulunna anjo gimbalaka, nampa nasamballe ri dallekanna Kemaya. Nampa musti napatiri' imanga cera'na anjo gimbalaka mae ri appaka sa'rinna anjo tampa' pakkoro'bangnganga.

KAIMANGNGANG 6:15

Musti angngallei sikangkang labu' alusu' siagang minynya' kammayatompa sikontu kamanynyanna, nampa natunu irate ri tampa' pakkoro'bangnganga a'jari pammatei angkanaya yangasenna anjo koro'banga le'ba'mi nipassareang mae ri Batara. Rasanna anjo koro'banga napakasannangi nyawaNa Batara.

KAIMANGNGANG 7:36

Ri anjo alloa Batara Naparentakangi mae ri bansa Israel sollanna anjo battua ri passarena ke'nanga, iaminjo a'jari bageanna sikamma imanga. Anjo paratoranga musti naturuki bansa Israel sa'genna satunggu-tungguna.

MALEAKHI 2:7

Memang kawajibanna sikamma imanga untu' ampangngajarrangi apa tojenga ri passala'na inakke, Karaeng Allata'ala Kaminang Tinggia. Iami ke'nanga musti napakkuta'nangngi ra'yaka apa kukaerokia, lanri anjo ke'nanga tunisuroKu.

PAMMILANGNGANG 18:23

Appakkaramula kamma-kamma anne tu Lewiji bawang akkulle angngurusuki KemaKu siagang ampisangi tanggong jawaka mae ri anjo jama-jamanga. Anjo paratoranga nipake tongi mae ri jari-jarinu sa'genna satunggu-tungguna. Tu Lewi tena pambageang warisi'na ri Israel,

PAMMILANGNGANG 18:5

Ikauji bawang, Harun, siagang sikamma ana'-ana'nu musti anggaukangi tugasa' lalanga ri Kamara' Matangkasaka siagang tampa' pakkoro'bangnganga, sollanna tenamo naKularro poleang mae ri bansa Israel.

PAMMILANGNGANG 19:21

Anjo paratoranga nipakei untu' satunggu-tungguna. Anjo tau ampiraccikiai anjo je'ne' upacaraya musti nasassa tongi pakeanna, siagang anjo tau natabaya anjo je'neka a'jari ra'masaki sa'genna labu alloa.

PAMMILANGNGANG 35:29

Anjo paratorang-paratorang kammaya nipakei untu' ikau ngaseng siagang untu' jari-jarinu, manna pole kemaeko ammantang.

PAMMILANGNGANG 8:9

Nampa passe'rei sikontu umma' Israel siagang suroi tu Lewi ammenteng ri dallekang KemaKu.

MATIUS 4:16

Bansa niaka lalang ri sassanga accini'mi singara' accaya lompoa! Ri tau niaka lalang ri sassanna kamateanga Battumi cayana singaraka assiori!”

LUKAS 12:35

“A'jaga-jagako ilalang passala' apa-apa mamo. Musti tuli sadiako ammakeang siagang musti tuli a'rinrai lampunnu;

YOHANES 5:35

Anjo Yohanes, sanrapangi lampu a'rinraya siagang tassioroka cayana. Untu' sinampekang, nungai antarimai anjo cayana.

2 KORINTUS 4:6

Nakana Allata'ala, “Nikellai ammumba singaraka battu lalang ri sassanga,” na KalenNa tommi Allata'ala ampamumbai anjo singaraka lalang ri atinta, sollanna a'jari singara' pikkiranta, nakkulle nipahang caya malompoNa Allata'ala niaka accaya ri rupanNa Almasi.

2 PETRUS 1:19

Iaminjo saba'na nakipila' tappa'mo pole ri anjo biritta battua ri Allata'ala napabattua na'bi-na'bia. Teai sipato' baji'na punna nuparhatikang anjo birittaya; nasaba' anjo birittaya sanrapangi singara'na lampua lalang ri tampa' sassanga sa'genna battu bari'basaka, siagang accaya bintoeng battu rayaya lalang ri atinnu.

PAPPICINI' 2:1

“Untu' mae ri malaeka'na jama'ah Efesus, tulisiki kamma anne: Iaminne pappasang battu ri Ia anta'galakai anjo tujua bintoeng ri lima kananNa, siagang a'jappaya ri alla'na anjo tujua bangkeng lampu bulaenga.

1 SAMUEL 3:3

Na Samuel attinroi ri ampi'na Patti ParjanjianNa Batara, lalang ri Kema Matangkasaka. Ri wattu tenanapa nammumba alloa siagang a'rinrana ija lampua,

1 SAMUEL 30:25

Nampa nagaukammo Daud anjo a'jari paratorang, na nituruki ri Israel sa'genna kamma-kamma anne.