KALAPPASSANG 27:19 - KITTA' MATANGKASA'

¹⁹ Sikontu pakkakasa'na anjo lalang ri Kemaya, sikontu patto'na siagang untu' layara'na musti tambaga nipare'.”

KALAPPASSANG 27:19 ပူးပေါင်းရင်းမြစ်များ

EZRA 9:8

Mingka kamma-kamma anne o Karaeng Allata'alana ikambe, silalonTa le'ba' lammoro' pa'mai' mae ri kambe. Nilappassangi siapa are jaina tau ri kambe battu ri nipare' ataya untu' attallasa' lalang salewangang ri anne tampa' tassa'laka. Kisarei ikambe katallassang beru.

KALAPPASSANG 27:18

Layaraka ri tammulilina anjo paranglakkenga la'buna 44 metere', sangkara'na 22 metere' siagang tinggina 2,2 metere'. Layara'na musti kaeng lenang alusu' nipare' nampa pa'lapa'na tambaga.

KALAPPASSANG 27:20

“Suroi tu Israel angngerang minynya' zaitun tenaya campuranna siagang kaminang bajika untu' lampu lalanga ri KemaKu sollanna niparinra nakkulle a'rinra tulusu'.

KALAPPASSANG 27:3

Apparekko siapa are pamaja', sikopang, mangko'-mangko', garpu-garpu siagang tampa' pepe'. Sikontu anjo pakkakasaka musti tambaga nipare'.

KALAPPASSANG 35:18

sikamma pattoka siagang otere'na untu' Kemaya siagang untu' paranglakkenga;

KALAPPASSANG 38:20

mingka sikamma patto'-patto' untu' Kemaya siagang untu' kalli'na battu ri tambaga nipare'.

KALAPPASSANG 38:31

pa'lapa'na layara' ri tammulilina paranglakkenga siagang pakke'bu' lompona, sikontu patto'na Kemaya siagang paranglakkeng ri tammulilina.

KALAPPASSANG 39:40

sikamma layara' untu' kalli' paranglakkeng siagang sikamma bentenna kammayatompa pallanggana, gordeng pakke'bu' lompona paranglakkenga siagang sikamma otere'na, patto'-patto' Kema; sikontu pakkakasa' parallua nipake lalang ri Kemaya,

KATO'BA 12:11

Kananna anjo tau annabaya sangkammai takkang cidu'na sitaua pakalawaki, takkang napakea, untu' anjagai gimbala'na. Passe'reang pangngebarang siagang pappakainga', sangkammai paku tatto'do' jarreka. Yangasenna anjo pasarreNa tonji Allata'ala, Pakalawakinta tenaya ruanna.

YESAYA 33:20

Ciniki kota Sion, tampatta ampakalompoi pa'gaukang agamaya. Ciniki Yerusalem! Tamaka amanna anjo tampaka untu' nipammantangi, rapang kema le'baka nipalette', tenamo nalanibi'bu' patto'na siagang tenamo nalatappu' otere'na.

ZAKHARIA 10:4

Battu ri tangnga-tangngana ke'nanga laKupilei tukoasaya, pamimpinga, siagang panglima lammarentaya ri ummakKu.”

PAMMILANGNGANG 3:37

Kammayatompa mae ri sikamma benteng-bentenga, sikamma pa'lapaka, sikamma pa'lasaka siagang otereka untu' pantaranga ri paranglakkenga.

PAMMILANGNGANG 4:32

Kammayatompa benteng-benteng niaka ri paranglakkeng ri tammulilina Kemaya siagang pa'lapa'na, patto'-patto'na siagang sikamma otere'na kammayatompa sikontu pakkakasa' niparalluanga untu' ampaentengi. Tunggala' taua nisarei tugasa' angngerang barang-barang attantu.