KALAPPASSANG 27:16 - KITTA' MATANGKASA'

¹⁶ Untu' pakke'bu'na musti nipatabai gordeng 9 metere' la'buna, iamintu kaeng lenang alusu' nipare', ia nitannunga siagang wol gau', lame butung siagang eja tanja'na, na nibelo-belo siagang sulang. Untu' antahangi anjo kaeng pintua musti niparekangi appa' benteng siagang appa' pa'lapa'.

KALAPPASSANG 27:16 ပူးပေါင်းရင်းမြစ်များ

PAMMUJI 45:14

Antama'mi baine karaeng sanna' accayana, ro'na nisulang bulaeng.

KALAPPASSANG 26:31

Apparekko se're kaeng pintu battu ri lenang alusu', ia nitannunga siagang kaeng wol gau', lame butung siagang eja tanja'na. Sulangi anjo kaenga siagang gambara' malaeka' akka'nyi'.

KALAPPASSANG 26:36

Apparekko gordeng pakke'bu' Kema battu ri kaeng lenang alusu' ia nitannunga siagang wol gau', lame butung siagang eja, na nibelo-belo siagang sulang.

KALAPPASSANG 27:17

Sikontu bentenga ri tammulilina anjo paranglakkenga musti nipasiallei tasse'rea mae ri maraenga siagang pakkai' pera'; Anjo pakkai'na musti battu ri pera' nipare' siagang pa'lapa'na battu ri tambaga.

KALAPPASSANG 28:39

Kamejana Harun musti nitannungi battu ri lenang alusu'. Appare' tongko se're soro'bang battu ri lenang alusu' siagang passikko' aya' nisulang.

KALAPPASSANG 36:37

Nampa nipare' gordeng untu' pakke'bu' Kemaya battu ri kaeng lenang alusu' ia nitannunga siagang wol gau', lame butung siagang eja, siagang nibelo-beloi kaeng sulang.

KALAPPASSANG 39:29

siagang passikko' aya' battu ri kaeng lenang alusu', wol gau', lame butung siagang eja, nibelo-beloi siagang kaeng nisulang, sangkamma Naparentakanga Batara mae ri Musa.

PAMMILANGNGANG 3:26

layara' paranglakkeng angkulilingiai Kemaya siagang tampa' pakkoro'bangnganga, siagang gordeng pakke'bu'na anjo paranglakkenga. Iami ke'nanga tanggong jawa' ri sikontu jama-jamang mae ri anjo barang-barang sikammaya.

HAKING-HAKING 5:30

“Sitabangi ke'nanga a'bage-bage barang rampasang se're tantara anggappa se're yareka rua tulolo bageanna Sisera iamintu parekang baju kaminang ka'jalaka anggaranna, untu' karaeng bainea bongong a'rupa-rupaya sulanna.”