KALAPPASSANG 26:31 - KITTA' MATANGKASA'

³¹ Apparekko se're kaeng pintu battu ri lenang alusu', ia nitannunga siagang kaeng wol gau', lame butung siagang eja tanja'na. Sulangi anjo kaenga siagang gambara' malaeka' akka'nyi'.

KALAPPASSANG 26:31 ပူးပေါင်းရင်းမြစ်များ

2 PATTOTTORANG 3:14

Untu' anjo Kamara' Kaminang Matangkasaka nipapparekangi pole gordeng battu ri kaeng lenang siagang kaeng cura' moncongbulo, lame butung siagang eja. Anjo gordenga nibelo-beloi siagang gambara'-gambara' malaeka' akka'nyi'.

PAMMUJI 137:5

Boli'ma' kamma takkulleamo akkelong punna lakukaluppaiko, Yerusalem!

KALAPPASSANG 25:18

Apparekko rua malaeka' akka'nyi' battu ri bulaeng de'de',

KALAPPASSANG 25:4

kaeng lenang alusu', kaeng wol gau', lame butung siagang eja, kaeng bulu bembe,

KALAPPASSANG 26:1

“Apparekko Kema untu' iNakke; ia nupareka iamintu sampulo polong kaeng lenang alusu', nitannungi siagang wol gauka tanja'na, lame butung, siagang eja. Sulangi anjo kaenga siagang gambara' malaeka' akka'nyi'.

KALAPPASSANG 26:32

Gentungi anjo kaeng pintua mae ri appa' benteng kayu akasia nilapisika bulaeng siagang pakkai' bulaeng, siagang patabai ri appaka pa'lapa' pera'.

KALAPPASSANG 27:16

Untu' pakke'bu'na musti nipatabai gordeng 9 metere' la'buna, iamintu kaeng lenang alusu' nipare', ia nitannunga siagang wol gau', lame butung siagang eja tanja'na, na nibelo-belo siagang sulang. Untu' antahangi anjo kaeng pintua musti niparekangi appa' benteng siagang appa' pa'lapa'.

KALAPPASSANG 27:21

Harun siagang sikamma ana'na musti angngurusuki anjo lampua battu ri karueng sa'genna bari'basa' ri tampa' kahaderangKu, pantaranna kaeng ta'gentunga ri dallekanna Patti Parjanjianga. Anjo parentaya musti nigaukangi untu' satunggu-tungguna ri tu Israel siagang sikontu jari-jarina.”

KALAPPASSANG 28:15

“Apparekko untu' Imang Lompoa se're pa'lapa' barambang untu' nipake ri wattunna ero' niasseng angkana apa ero'Na Allata'ala. Bahanna siagang sulanna anjo pa'lapa' barambanga musti sangkammai siagang bahanna siagang sulanna efodka.

KALAPPASSANG 35:12

Patti Parjanjiang siagang pa'bule'na, pa'rangka'na siagang kaeng pa'bombo'na;

KALAPPASSANG 35:25

Sikamma bai'-baine cara'deka appare' bannang lenang alusu' siagang bannang wol gau', lame butung siagang eja, massing naerang tommi le'baka napare'.

KALAPPASSANG 35:35

Nisarei ke'nanga a'rupa-rupa kacara'dekang untu' jamang nipaka, cara'de' anrancang siagang attannung kaeng lenang alusu', wol gau', lame butung siagang eja, kammayatompa kaeng maraengannaya. Iami ke'nanga tau cara'de' anrancang siagang tau akkullea anggaukangi a'rupa-rupaya jama-jamang.

KALAPPASSANG 35:6

kaeng lenang alusu', kaeng wol gau', lame butung siagang eja; kaeng battu ri bulu bembe;

KALAPPASSANG 36:35

Appare' tongi ke'nanga kaeng pintu battu ri kaeng lenang alusu' ia nitannunga siagang wol gau', lame butung siagang eja, nampa nisulang siagang gambara' malaeka' akka'nyi'.

KALAPPASSANG 36:36

Untu' panggentunganna anjo kaenga nipapparekangi appa' benteng battu ri kayu akasia ia nilapisika bulaeng, siagang pakkai' bulaeng siagang nipatabaya irate ri appa' pallangga battu ri pera'.

KALAPPASSANG 36:8

Nampa kaminang cara'deka ri sikamma anjo pajamaya napare'mi anjo KemaNa Batara. Anjo Kemaya napareki ke'nanga battu ri sampulo polong kaeng lenang alusu', ia nitannunga siagang wol gau', lame butung siagang eja, nampa nisulang siagang gambara' malaeka' akka'nyi'.

KALAPPASSANG 38:23

Pambantuna, iamintu Aholiab ana'na Ahisamakh battu ri suku Dan, iami tau cara'de' angngukiri', anrancang siagang attannung kaeng lenang alusu', kammayatompa kaeng wol gau', lame butung siagang ejaya tanja'na.

KALAPPASSANG 40:21

Nampa naboli' anjo Pattia lalang ri Kemaya siagang nagentungi gordeng passimbang ri dallekanna, situru' parentaNa Batara mae ri ia.

KALAPPASSANG 40:3

Pantamaki anjo Patti Parjanjiang napammantangia anjo Sampuloa Parenta nampa nusarei kaeng passimbang ri dallekanna.

KELONG MALA'BIRI' 7:1

O, tulolo mala'birika, ga'gana bangkennu ampakei anjo sandalaka. Bundala'na bonggannu rapangi belo-belo nipareka ri sitaua panre.

KAIMANGNGANG 16:15

Le'baki anjo musti nasamballei Harun anjo bembea untu' koro'bang pammopporang dosana umma' Israel. Cera'na anjo bembea musti nierangi mange ri Kamara' Kaminang Matangkasaka, nampa niparacci' ri bageang dallekanna pa'rangka'na Patti Parjanjianga siagang ri dallekanna Pattia, sangkamma le'baka nigaukang siagang cera'na sapi lakia.

KAIMANGNGANG 16:2

“Pabattuangi sari'battannu Harun, angkanaya ri wattu le'bakaji bawang nipattantu nakkulle antama' ri Kamara' Kaminang Matangkasaka, iamintu kamara' nisimbanga siagang gordeng, lanri anjoremMa' ampappicinikangi KalengKu lalang ri rammanga irateanna pa'rangka'na Patti Parjanjianga. Punna nadakkai Harun anjo paratoranga, tena tamatena.

PAMMILANGNGANG 4:5

Napassareangi Batara mae ri Musa paratorang kammaya anne: Punna narapi'mo wattunna nubongkara' pakkemaanga, Harun siagang ana'-ana'na musti antamaki ri KemaNa Batara, ampanaungi gordenga ri dallekanna Patti Parjanjianga, nampa narangka' anjo Pattia siagang anjo kaenga.

MATIUS 27:51

Anjo wattua sinre'mi gordenga lalang ri Balla'Na Batara, ta'bage rua battu rate sa'genna naung. Ta'ge'goso'mi buttaya, siagang ta'bage ruami bulu' batua.

MARKUS 15:38

Sinre' ta'bage ruami kaeng gordenga ri Balla'Na Batara, battu rate sa'genna naung.

LUKAS 23:45

Sinre'mi ta'bage rua gordeng niaka lalang ri Balla'Na Batara.

EFESUS 2:14

Nasaba' KalenNa Almasi a'jari tu Mappasiamatta. Iami ampa'jari se'rei tu Yahudia siagang bansa-bansa maraenga, a'jari se're bansa. Anjo tembo' passimbanga, iamintu passimusuanga, le'ba'mi Naruntung lanri kamateanNa.