KALAPPASSANG 25:9 - KITTA' MATANGKASA'

⁹ Anjo kemaya siagang pakkakasa'na musti napareki ke'nanga situru' rancana le'baka Kupicinikiangko.”

KALAPPASSANG 25:9 ပူးပေါင်းရင်းမြစ်များ

KALAPPASSANG 25:40

Jagai sollanna nipare' anjo lampua situru' conto le'baka Kupicinikiangko irate ri anne monconga.”

KALAPPASSANG 26:30

Paentengi anjo Kemaya situru' rancana le'baka Kupicinikiangko irate ri anne buluka.

KALAPPASSANG 39:32

Kala'busanna le'ba' ngasemmi anjo jama-jamang appareka KemaNa Batara. Le'ba'mi nagaukang tu Israel sikamma apa Naparentakanga Batara mae ri Musa.

KALAPPASSANG 39:42

Le'ba'mi nagaukang tu Israel sikontu jama-jamanga anjo, situru' parentaNa Batara mae ri Musa.

KALAPPASSANG 39:43

Naparessami Musa yangasenna anjo jama-jamanga na nacini'mo angkanaya le'ba' ngasemmi napa'le'ba' ke'nanga anjo jama-jamanga situru' apa Naparentakanga Batara. Nampa nabarakkakimo Musa anjo ke'nanga.

PAMMILANGNGANG 4:12

Sikontu anjo pakkakasa' niaka nipake lalang ri Kamara' Matangkasaka musti naallei ke'nanga nampa naroko' siagang silawara' kaeng gau'. Nampa musti natongko' ke'nanga siagang silawara' kukkulu' alusu', siagang napadongko' irate ri pa'buleka.

PAMMILANGNGANG 8:4

Anjo pammoneang lampua, sa'genna irateanna siagang bunga-bunga pa'belo-belona bulaeng nide'de' nipare', situru' conto Napappicinikanga Batara mae ri Musa.

LAMPA-LAMPANA 7:44

Balla' pammantanganNa Allata'ala ri wattunna battu mae ri rupataua niaki ri boe-boeta ri parang lompoa. Anjo pa'balla'-ballakanga nipareki situru' parentaNa Allata'ala mae ri Musa, siagang situruki panrala' le'baka Napappicinikang Allata'ala mae ri Musa.

IBRANI 8:2

Ia anggaukangi jama-jamang Imang Lompoa ri Kamara' Kaminang Matangkasaka, iamintu ilalang KemaNa Batara sitojennaya, Napaentenga Batara, jari teai rupataua ampaentengi.

IBRANI 8:5

Anjo jama-jamang imang nagaukanga ke'nanga, sikontutojenna poro pangngebaranji siagang bayang-bayanji bawang mae ri apa niaka ri suruga. Anjo le'ba'mi Napau Allata'ala mae ri Musa riolo, iamintu ri wattunna lappaenteng KemaNa Batara Musa. Kammami anne kananNa Allata'ala mae ri Musa, “U'rangi! Yangasenna anjo musti nupareki situru' panrala' le'baka nipaccinikangko rate ri monconga.”

IBRANI 9:2

Se're pammantangang nipaenteng niarenga Kamara' Matangkasa' bageang ri dallekanna. Anjoreng nia' bangkeng pa'dongkokang kanjoli, siagang niaka mejang pammantangang roti lanipangngadakkanga mae ri Allata'ala.

IBRANI 9:9

Iaminne pangngebarranna jammang kamma-kammaya anne; battuanna angkanaya sikamma apa-apa nipassareanga siagang koro'bang olo'-olo' nipassareanga mae ri Allata'ala, takkulleapi napa'jari sukku' baji'na ati mailalanna tau angngeranga passare.