KALAPPASSANG 25:16 - KITTA' MATANGKASA'

¹⁶ Nampa musti nupadongkoki lalang ri anjo pattia anjo ruaya batu niaka tattulisi' lalang sikamma parenta Kupassareanga mae ri kau.

KALAPPASSANG 25:16 ပူးပေါင်းရင်းမြစ်များ

1 KARAENG-KARAENG 8:9

Tena sikali apa-apa bonena lalang anjo Patti Parjanjianga pantaranganna ruaya batu. Anjo batu-batua napantamaki anjoreng Musa ri Moncong Sinai, ri wattunna appare' parjanjiang Batara siagang bansa Israel, ri wattunna lalang pa'jappang ke'nanga battu ri Mesir mange ri pa'rasangang Kanaan.

2 KARAENG-KARAENG 11:12

Le'baki anjo nierammi Yoas assulu' ri Yoyada, nampa napataba ri ulunna Yoas songko' kakaraenganga, siagang napassareang mae ri ia kitta' HukkunNa Allata'ala. Nilanti'mi Yoas a'jari karaeng, nampa nipa'la'bang anjo passalaka mae ri sikontu ra'yaka. Attempa lima kabusu'mi ke'nanga siagang akkio' rannu angkana, “La'bui umuru'na karaenga!”

2 PATTOTTORANG 23:11

Le'baki anjo nierammi Yoas ri Yoyada assulu', nampa napadongko' songko' kakaraenganga ri ulunna, siagang napassareang Kitta' “HukkunNa Allata'ala” mae ri Yoas. Kammami anjo batena niangka' Yoas a'jari karaeng. Nampa massing appatiri' minynya' Imang Yoyada siagang sikamma ana'na, iamintu minynya' upacara palantikang mae ri Yoas; a'gora lompomi sikamma taua angkana, “La'bui umuru'na karaenga!”

KALAPPASSANG 16:34

Jari napadongko'mi Harun anjo uringa ri dallekanna Patti Parjanjianga untu' niboli' situru' parentaNa Batara mae ri Musa.

KALAPPASSANG 25:21

Padongkoki anjo ruaya batu lalang ri anjo pattia siagang patabai anjo pattongko'na irateanganna.

KALAPPASSANG 26:33

Boliki anjo kaenga irawa ri jijiri'na pakkaika ri pattongko'na Kemaya. Ri bokona anjo kaenga musti nipadongkoki anjo Patti Parjanjiang niaka bonena lalang anjo ruaya batu. Anjo kaenga ansimbangi Kamara' Matangkasaka battu ri Kamara' Kaminang Matangkasaka.

KALAPPASSANG 27:21

Harun siagang sikamma ana'na musti angngurusuki anjo lampua battu ri karueng sa'genna bari'basa' ri tampa' kahaderangKu, pantaranna kaeng ta'gentunga ri dallekanna Patti Parjanjianga. Anjo parentaya musti nigaukangi untu' satunggu-tungguna ri tu Israel siagang sikontu jari-jarina.”

KALAPPASSANG 30:36

Anjo kamanynyanga musti nidengkai sipa'gang sa'genna alusu'. Erangi anjo mae ri KemaKu nampa nupakioro' ri dallekanna Patti Parjanjianga. Anjo kamanynyanga musti nipare' kammai barang matangkasa', ia nisa'laka untu' iNakke. Teako appareki kamanynyang ia nicampuru' kammaya anjo untu' kalennu.

KALAPPASSANG 30:6

Padongkoki anjo tampa' pa'dupanga ri bageang pantara'na kaeng niaka ri dallekanna Patti Parjanjianga, iamintu ri tampa' laKupassibuntulia siagang ikau.

KALAPPASSANG 31:18

Le'baki a'bicara siagang Musa irate ri Moncong Sinai, Napassareammi Allata'ala anjo ruaya batu le'baka Napannulisi Allata'ala siagang sikamma parentaNa.

KALAPPASSANG 32:15

Naummi ammotere' Musa battu ri anjo monconga na naerang anjo ruaya batu niaka tattulisi' lalang sikamma parentaNa Allata'ala.

KALAPPASSANG 34:29

Ri wattunna naung Musa battu ri Moncong Sinai angngerangi anjo Sampuloa Parenta, accayai rupanna lanri le'ba'na a'bicara siagang Batara; mingka tanaassengai kalenna Musa angkana accayai rupanna.

KALAPPASSANG 38:21

Iaminne dattara'na sikamma apa-apa niaka nipake lalang ri KemaNa Batara, siagang pammantanganna ruaya batu nipannulisi siagang Sampulo ParentaNa Allata'ala. Anjo dattaraka nipareki lanri parentana Musa, siagang nisusunga ri sikamma tu Lewi anjamaya nipimping ri Itamar, ana'na Imang Harun.

KALAPPASSANG 40:20

Nampa nipantama' anjo ruaya batu nipannulisi siagang Sampulo ParentaNa Allata'ala ri Patti Parjanjianga. Nampa napataba Musa pa'rangka'na anjo Pattia siagang napantama kayu pa'bulekanga ri pontona.

PAMMILANGNGANG 17:4

Erangi anjo sikamma takkanga mange ri KemaKu siagang padongkoki ri dallekanna Patti Parjanjianga, ri tampa' biasaya Kupassibuntuli siagang ikau.

LAMPA-LAMPANA 7:44

Balla' pammantanganNa Allata'ala ri wattunna battu mae ri rupataua niaki ri boe-boeta ri parang lompoa. Anjo pa'balla'-ballakanga nipareki situru' parentaNa Allata'ala mae ri Musa, siagang situruki panrala' le'baka Napappicinikang Allata'ala mae ri Musa.

ROMA 3:2

Mattantu jai matu-matunna! Lomoro' se're, nasaba' tu Yahudiami Napappirannuangi Allata'ala anjo kana-kananNa.

PAOLE 31:26

“Allei anne kitta' HukkunNa Allata'ala, siagang boliki ri sa'rinna Patti ParjanjianNa Karaeng Allata'alanu, sollanna tuli nia'na anjoreng salaku sa'bi mae ri anjo bansaya.

IBRANI 9:4

Lalang ri anjo kamaraka, nia' pattunuang dupa bulaenga nipare', siagang nia' todong Patti Passijanjiang nilapisika bulaeng. Lalang ri anjo Pattia nia' uring bulaeng pammoneang roti, takkanna Harun accu'lakamo, siagang ruang lawara' batu pannulisang niaka tattulisi' irateanganna sampuloa paratorang Napassuroanga Allata'ala.

YOSUA 4:16

amparentakangi mae ri sikamma imang ambulekai anjo Patti Parjanjianga sollanna assulu'mo ke'nanga battu ri Yordan.