KALAPPASSANG 25:10 - KITTA' MATANGKASA'

¹⁰ “Apparekko se're patti battu ri kayu akasia; la'buna 110 sentimetere', sangkara'na siagang tinggina massing-massing 66 sentimetere'.

KALAPPASSANG 25:10 ပူးပေါင်းရင်းမြစ်များ

2 PATTOTTORANG 8:11

Napaletteki bainenna Salomo, iamintu ana' bainena karaeng Mesir, battu ri Kota Daud mange ri balla' le'baka nabangungangi. Nasaba' nakana pikkiranna Salomo, “Tena nakkulle ammantang bainengku ri balla' kakaraenganna Daud, karaeng Israel, lanri sikontu tampa' le'baka napammantangngi Patti Parjanjianga matangkasa' kabusuki.”

KALAPPASSANG 31:7

KemaKu, Patti Parjanjiang siagang pattongko'na, sikontu pakkakasa' Kemaya,

KALAPPASSANG 35:12

Patti Parjanjiang siagang pa'bule'na, pa'rangka'na siagang kaeng pa'bombo'na;

KALAPPASSANG 39:32

Kala'busanna le'ba' ngasemmi anjo jama-jamang appareka KemaNa Batara. Le'ba'mi nagaukang tu Israel sikamma apa Naparentakanga Batara mae ri Musa.

PAMMILANGNGANG 3:31

Iami ke'nanga tanggong jawa' mae ri Patti Parjanjiang, mejang, sikamma tampa' pakkoro'bangnganga, sikamma pakkakasa' napakea sikamma imanga lalang ri Kamara' Matangkasaka, siagang gordeng passimbanna Kamara' Matangkasaka. Iami ke'nanga tanggong jawa' mae ri sikontu anjo barang-barang sikammaya.

PAMMILANGNGANG 4:5

Napassareangi Batara mae ri Musa paratorang kammaya anne: Punna narapi'mo wattunna nubongkara' pakkemaanga, Harun siagang ana'-ana'na musti antamaki ri KemaNa Batara, ampanaungi gordenga ri dallekanna Patti Parjanjianga, nampa narangka' anjo Pattia siagang anjo kaenga.

PAMMILANGNGANG 4:6

Le'baki anjo, musti narangkaki pole ke'nanga anjo Pattia siagang silawara' kaeng kukkulu' alusu', nampa nalapara' silawara' kaeng gau' irateanganna, siagang napataba kayu pa'bule'na anjo Pattia.

IBRANI 9:4

Lalang ri anjo kamaraka, nia' pattunuang dupa bulaenga nipare', siagang nia' todong Patti Passijanjiang nilapisika bulaeng. Lalang ri anjo Pattia nia' uring bulaeng pammoneang roti, takkanna Harun accu'lakamo, siagang ruang lawara' batu pannulisang niaka tattulisi' irateanganna sampuloa paratorang Napassuroanga Allata'ala.

PAPPICINI' 11:19

Nampa tassungkemo Balla'Na Allata'ala ri suruga, na kacinikammo Patti Parjanjianga ilalang. Nampa nia'mo kila' assisambung-sambung siagang sa'ra gunturu' a'gamarrung siagang a'garumbang, kammayatompa ta'ge'goso'mi buttaya nabosi sannaka sarrona, angngerang es.