KALAPPASSANG 24:6 - KITTA' MATANGKASA'

⁶ Sipa'gang battu ri cera'na anjo sapia naallei Musa nampa napatiri' antama ri siapa are katoang. Na sipa'gang maraenga napatiriki rate ri tampa' pakkoro'bangnganga.

KALAPPASSANG 24:6 ပူးပေါင်းရင်းမြစ်များ

2 KARAENG-KARAENG 17:15

Taerokai tu Israel siagang tu Yehuda anturuki parenta-parentaNa Batara siagang tena namajarre' ri parjanjiang le'baka napare' siagang boe-boena ke'nanga. Tena najampangi sikamma pappakainga'Na, passangalinna anynyombai ke'nanga mae ri barhala-barhala tenaya matu-matunna, sa'genna manna kalenna ke'nanga tena tommo matu-matunna. Naturuki ke'nanga panggaukanna bansa-bansa niaka ri ampi'na ke'nanga, manna pole nale'ba'mo nipisangkai ke'nanga ri Batara.

PAMMUJI 99:6

Musa siagang Harun antamaki imang-imanna, Samuel kalase'renna tau appala' doanga mae ri Ia. Akkioki ke'nanga mae ri Batara, siagang appialimi.

KALAPPASSANG 12:22

Angngalle mako sisikko' leko'-leko' nampa nutallangngang naung ri katoang nipammoneia anjo cera'na gimbalaka, nampa nupasapu mae ri ruaya benteng pakke'bu'nu siagang irateanganna pakke'bu' balla'nu. Sa'genna bari'basa' tena manna sitau akkulle ambokoi balla'na.

KALAPPASSANG 12:7

Musti nipasapui sike'de' cera'na ri ruaya benteng pakke'bu' ballaka, siagang irateanganna pakke'bu' napammantangia ke'nanga angkanrei.

KALAPPASSANG 24:8

Nampa naalle Musa anjo cera' niaka lalang ri sikamma anjo katoanga nampa napasirang nai' irateanna ra'yaka. Nakana Musa, “Anne ceraka a'jari panjarreki ri parjanjiang Napareka Batara siagang ikau ngaseng situru' sikamma parentaNa.”

KALAPPASSANG 29:16

Nampa nupolong anjo gimbalaka. Allei cera'na nampa nupatiri' mae ri appaka sa'rinna anjo tampa' pakkoro'bangnganga.

KALAPPASSANG 29:20

Nampa nupolong anjo gimbala' lakia; allei sike'de' cera'na nampa pasapui ri leko' tolinna bageang ri kananga Harun siagang ana'-ana'na, ri anrong karemeng bangkenna ri kananga siagang ri anrong karemeng lima kananna ke'nanga. Sesanna anjo ceraka musti nupatiriki mae ri appaka sa'rinna tampa' pakkoro'bangnganga.

YEREMIA 31:32

Mingka anjo parjanjianga tena nasangkamma parjanjiang Kupareka siagang boe-boena ke'nanga ri wattunna Kururungang assulu' ke'nanga battu ri Mesir. Manna pole Kurapang bura'nenna ke'nanga, mingka nadakkai ke'nanga parjanjiangKu siagang ke'nanga.

KAIMANGNGANG 1:11

Anjo taua musti nasamballei anjo olo'-oloka ri bageang warakkanna anjo tampa' pakkoro'bangnganga; nampa imang-imanga musti napatiriki cera'na anjo olo'-oloka mae ri appaka sa'rinna anjo tampa' pakkoro'bangnganga.

KAIMANGNGANG 1:5

Nampa anjo sapia musti nisamballei ri dallekang pakke'bu'na Kemaya. Cera'na musti napassareangi sikamma imang jari-jarina Harun mae ri Batara, nampa napatiri' anjo ceraka mae ri appaka sa'rinna anjo tampa' pakkoro'bangnganga ri dallekang pakke'bu'na Kemaya.

KAIMANGNGANG 3:2

Anjo tau assarea musti napadongkoki limanna ri tompo' ulunna anjo olo'-oloka, nampa nasamballe ri dallekang pakke'bu'na KemaNa Batara. Imang-imang jari-jarina Harun musti napatiriki cera'na anjo sapia mae ri appaka sa'rinna anjo tampa' pakkoro'bangnganga.

KAIMANGNGANG 3:8

Anjoreng musti napadongkoki limanna ri tompo' ulunna anjo gimbalaka, nampa nasamballe ri dallekanna Kemaya. Nampa musti napatiri' imanga cera'na anjo gimbalaka mae ri appaka sa'rinna anjo tampa' pakkoro'bangnganga.

KAIMANGNGANG 4:6

Nampa musti najallakkang karemenna antama' ri anjo ceraka siagang naparacci' pintuju ri dallekanna gordeng passimbanna Kamara' Matangkasaka.

1 KORINTUS 11:25

Kammatommi anjo ri le'ba'na angnganre, angngalle tommi pangnginungang anggoro', nampa Nakana, “Anne anggoroka, iami a'jari pammatei Parjanjiang BeruNa Allata'ala, nipa'jari assaya lanri cerakKu. Kere-kere wattu nanuinungi, gaukammi anne kammaya untu' a'jari pangngu'rangi mae ri Nakke.”

KOLOSE 1:20

Siagang tete ri Ia tommi anjo Ana'Na, naNapa'jari assibajiki ngasemmo ammotere' sikontu apa-apaya siagang KalenNa – baji' na sikontu apa-apa niaka ri lino kammayatompa apa niaka ri suruga. Anjo Nagaukanga Allata'ala tete ri kamateanNa Ana'Na irate ri kayu sallika.

IBRANI 12:24

Isa nudallekang patteteang amparekai anjo parjanjiang berua; cera' nipa'ba'basaka nudallekang, iamintu cera' ampattantui la'bi baji'na apa-apaya, naia napattantua cera'na Habel.

IBRANI 8:9

Tasangkammayai passijanjiang Kupareka siagang boe-boena ke'nanga ri wattunna Kururungang ke'nanga assulu' battu ri butta Mesir. Allessoki ke'nanga ri passijanjiang Kupareka siagang ke'nanga, lanri kammanami anjo nataKujampangia ke'nanga.

IBRANI 9:18

Iaminjo saba'na namusti nipa'nassa parjanjiang rioloa siagang cera'.

IBRANI 9:19

Uru-urua napabattui Musa sikontu anjo hukkung Napassuroanga Allata'ala mae ri bansa Israelka. Le'baki anjo, angngallemi Musa cera' sapi rungka siagang cera' bembe laki. Nampa nacampuru' siagang je'ne', nampa napaba'basa' mange ri Kitta' Hukkung-hukkung battua ri Allata'ala siagang mange ri sikontu bansa Israelka. Ruku'-ruku' siagang bulu gimbala' eja toaya tanja'na napaba'basa'.

IBRANI 9:21

Le'baki anjo napaba'basa' kammatommi anjo Musa anjo ceraka mae ri kemaNa Batara siagang sikontu pakkakasa' sarroa nipake assambayang.

1 PETRUS 1:19

passangalinna apa sannaka lompona anggaranna; iamintu KalenNa Almasi, a'jaria sanrapang gimbala' tenaya callanna, nikoro'bangkanga mae ri Allata'ala.