KALAPPASSANG 23:9 - KITTA' MATANGKASA'

⁹ Teako paero'-eroki panggaukannu mae ri bansa maraenga; nuassemmi kasia'na nikanaya a'jari bansa maraeng, saba' riolo ikau a'jari bansa maraeng tongko ri wattunnu ri Mesir.”

KALAPPASSANG 23:9 ပူးပေါင်းရင်းမြစ်များ

PAMMUJI 94:6

Nabunoi jandaya siagang ana'-ana' kukanga na bansa maraeng ammantanga ri anne pa'rasanganga.

KALAPPASSANG 21:21

Mingka punna tenaja namate anjo ataya lalang siallo yareka ruangallo, tena nanihukkungi anjo pinggawana. Anjo karugiang nakasiaka lanri tappela'namo atanna, iaminjo a'jari hukkungang mae ri ia.

KALAPPASSANG 22:20

Inai-nai assare koro'bang mae ri rewata-rewata maraenga pantaranganna mae ri Nakke, Batara, musti nihukkung matei.

KALAPPASSANG 22:21

Teako anjallakkangi yareka teako a'gau' tena naadele' mae ri bansa maraenga; u'rangi angkanaya ikau riolo bansa maraeng tonjako annompang ri Mesir.

YEHEZKIEL 22:29

Sikamma tau kalumanynyanga annipui siagang angngellaki. Appaero'-eroki ke'nanga appanggaukang mae ri tau kasi-asia siagang napangngallei passawallang bansa maraeng annumpanga.

YEHEZKIEL 22:7

Tena manna sitau battu ri pandudu'nu ampakalompoi tau toana. Nutipui bansa maraeng niaka annompang siagang angngalleko passawallang battu ri kasusaanna jandaya siagang ana' kukanga.

KAIMANGNGANG 19:33

Teako ampanggaukang kodi mae ri bansa maraeng niaka ammantang ri pa'rasangannu.

MATIUS 18:33

Maka tasiratangai nukamaseang anjo agannu sangkamma todong batenu kukamaseang?’

PAOLE 10:19

Jari ikau musti nupappicinikang tongi pangngamaseannu mae ri anjo bansa maraeng battu-battua, nasaba' ikau riolo a'jari tubattu-battu tonjako ri Mesir.

PAOLE 23:7

Teako cini' tunai tu Edom, lanri anjo ke'nanga sari'battannu. Tea tongko cini' tunai tu Mesir, lanri le'bakko ammantang ri pa'rasanganna ke'nanga.

PAOLE 27:19

‘Nitunrai tau anrampasakai ha'na tubattu-battua, ana' kukanga, siagang jandaya.’ ‘Aming!’