KALAPPASSANG 23:7 - KITTA' MATANGKASA'

⁷ Pakabellai tuduhang takontutojenga, siagang teako pa'biangngi nihukkung mate tau tenaya nasala, lanri tena Kupattojengi tau a'gau' ja'dala' kammaya anjo.

KALAPPASSANG 23:7 ပူးပေါင်းရင်းမြစ်များ

PA'JARIANG 18:23

A'reppese'mi Abraham mae ri Batara nampa akkuta'nang angkana, “Maka kammatojengi angkanaya eroki Kipanraki tau tenaya salana assama-sama siagang tau salaya?

AYUB 22:23

Pakatunami pa'mai'nu, ammotere' mako mae ri Batara, pammarimi kaja'dallanga ri balla'nu.

PAMMUJI 119:29

Kipakabella' battu ri oloang salaya, lanri kabajikanTa, ajarakka' hukkunTa.

PAMMUJI 94:21

Assikongkoloki ke'nanga ambaliangi tau lambusuka, siagang anghukkung matei tau tenaya salana.

KALAPPASSANG 20:13

Teako ammunoi.

KALAPPASSANG 20:16

Teako assarei kasa'biang takontutojeng mae ri parannu tau.

KALAPPASSANG 23:1

“Teako appasiaraki kabara' a'balle-balle, siagang teako tulungi tau ja'dalaka assare kasa'biang takontutojeng.

KALAPPASSANG 34:7

Tuli mangngamaseangKu mae ri assa'bu-sa'bu lapisi'na turunang siagang Kupammopporangi kasalanga siagang dosaya; mingka sikamma tau salaya tena sikali nakkulle ta'lappasa' battu ri hukkungangKu, ba'lalo manna ana' cucunna sa'genna lapisi' makatallua siagang makaappaka anjo tau dorakaya takkulleai ta'lappasa' battu ri hukkungangKu.”

PANGNGEBARANG 11:21

Tau ja'dalaka mattantu langgappai hukkungang; tau bajika lasalamaki.

PANGNGEBARANG 17:15

Nakabirisi Batara tau ampattojengai tau dorakaya, siagang nabilang sala tau tenaya nasala.

YESAYA 33:15

Akkulleko attahang punna akkanako nupanggaukang baji'. Teako a'boyai passawallang lanri nupacco'na tau kasi-asia, siagang teako annarimai doe' pammuccu'. Teako katuru'-turukangngi ri tau a'rancanaya pammunoang yareka kaja'dallang maraengannaya.

YESAYA 5:20

Cilakako kau amputara' balekai bajika siagang kodia, singaraka siagang sassanga, te'nea siagang paika!

KAIMANGNGANG 19:11

Teako a'lukakki, annipui yareka a'balle-ballei.

KAIMANGNGANG 19:16

Teako appa'la'bangngi pitina ri alla'na tu'julu bansanu, sollanna tena nu'jari passabakkang namate parannu tau. INakkemi Batara.

NAHUM 1:3

Memang, Batara tena nalinta' larro; mingka sanna' todong makoasaNa sa'genna inai-nai anggaukangi salaya tena nalaNapata'lappasa' battu ri hukkunganga. Kemae-kemae Batara a'jappa, anjorengi ammumba anging lompoa; kemae angngonjo' bangkenNa, anjorengi limbu'buka a'jari rammang.

LUKAS 3:14

Nia' tommo surudadu akkuta'nang angkana, “Antekamma anne ikambe? Apa musti nigaukang?” Appialimi Yohanes nakana, “Teako paccoki taua, siagang teako garattaki taua lanri ero'na nualle passa doe'na. Kasukkurammi gaji nugappaya!”

ROMA 1:18

Battu ratei ri suruga Napappicinikang larroNa Allata'ala ri sikontu dosana siagang kaja'dallanna rupataua. Nasaba' anjo kaja'dallanga anrompai taua sa'genna tanaassenga taua pangngajarang annabaya battu ri Allata'ala.

EFESUS 4:25

Lanri kammana, parallu ngasengko massing a'gau' lambusu'. Tea' mako a'balle-ballei pole, nasaba' ikatte a'jari ngaseng maki' anggota TubuNa Almasi.

PAOLE 25:1

Ebara' angkana nia' rua tu Israel a'lampa mange ri pangadelang untu' angngerang parkara, nampa nia' kalase'renna nikana tena nasala, siagang se'reanga sala.

PAOLE 27:25

‘Nitunrai tau annarimaya pacoco' untu' ambunoi tau tenaya salana.’ ‘Aming!’

1 TESALONIKA 5:22

Pakabellai kalennu battu ri sangka' rupaya kaja'dallang.