KALAPPASSANG 23:26 - KITTA' MATANGKASA'

²⁶ Tena tubaine ri pa'rasangannu lanalari cera' yareka tamanang. LaKusareko umuru' la'bu.

KALAPPASSANG 23:26 ပူးပေါင်းရင်းမြစ်များ

1 PATTOTTORANG 23:1

Ri wattunna toa dudumo Daud, naangka'mi Salomo a'jari karaeng Israel.

AYUB 21:10

A'bija-bijai olo'-olo' piarana ke'nanga, tena susana punna ammana'-mana'.

AYUB 42:17

Nampa matemo Ayub lalang ri toa dudunamo umuru'na.

AYUB 5:26

Sanrapang gandung toa, nikattoi ri wattunna, ikau pole labajiki tallasa'nu sa'gennu toa.

PAMMUJI 107:38

Nisarei ri Batara ke'nanga jai ana', siagang olo'-olo' piarana ke'nanga pila' a'bija-bijai.

PAMMUJI 144:13

Poro rassi ngaseng bonena sikontu gudanta rassi siagang sangka' rupa wassele' butta. Poro sikamma gimbalatta ri paranga a'bija sa'genna appulo sa'bu jaina.

PAMMUJI 55:23

Erangi sikontu ranggaselanu mae ri Batara, Iami lassareko kagassingang; saba' tena Nabalang parekangi tau lambusuka nibeta.

PAMMUJI 90:10

Wattu tallasa'na ikambe poro tujupulo taunji bawang, punna gassing ikambe, sagantujupulo taung. Mingka kasukkarrang siagang kapa'risang bawang nagappa ikambe; le'baki attallasa' poro sinampe', allanynya'mi ikambe.

YESAYA 65:20

Tenamo ana'-ana'na lamate ca'di, na tau toaya lala'bui umuru'na. Tau sibilangngang taung umuru'na lanikanai tau rungka, na matea rioloanganna anjo lanikanai nataba hukkungangKu.

HOSEA 9:14

Apami musti kupala' ri Katte untu' sikamma anjo taua? Pa'jari tamanang ngasengi sikamma tubai'-bainena ke'nanga! Pa'jari ke'nanga takkullea ampasusui ana' lolona ke'nanga!

PAOLE 28:4

Nibarakkakiko, sa'genna jai ana'nu, jai wassele' kattoannu, siagang a'jari jai sapinu kammayatompa gimbala'nu.

PAOLE 4:40

Turuki sikontu hukkung kupassareanga mae ri kau anne alloa, nampa ikau siagang jari-jarinu lasalewangangko siagang latuli attallasa' mako ri pa'rasangang Napassareanga Karaeng Allata'alanu a'jari pisakanu sa'genna satunggu-tungguna.”

PAOLE 7:14

Battu ri sikontu bansaya ri lino, tena manna se're anggappa barakka' alla'bi-la'bi kammaya ikau ngaseng. Ikau ngaseng siagang sikontu olo'-olo'nu tena sikali latamanang.